Nubandanye gukoresha ibinyamakuru

Kuva mu 2018, buri nomero y’ibinyamakuru vyacu bigenewe abantu bose iba ifise iciyumviro nyamukuru kimwe gusa ivuga. Ivyo binyamakuru vyose ni bimwe mu bikoresho bidufasha kwigisha. Turashobora rero kubikoresha mu busuku. Twoshobora no kwitwaza bikeyi ku rugendo canke tugiye gusuma. Naho ivyo binyamakuru tutabikoresha mu kwigisha abantu Bibiliya, birashobora gutuma barushiriza gukunda ijambo ry’Imana.

Umaze gutanguza ikiyago, nusomere nya muntu icanditswe uce uvuga ikiganiro gishobora kumushimisha kiri mu kinyamakuru kanaka. Nk’akarorero, nimba atunze umuryango canke ahanganye n’intuntu yo kubura canke afise umwitwarariko, wovuga uti: “Mperuka gusoma ikiganiro ciza gihuye n’ico ciyumviro, woshima ko ndakikwereka?” Ubonye ko ashimishwa, woshobora kumuha ikinyamakuru co mu mpapuro canke co mu buhinga bwa none, n’igihe nyene mwoba muhuye ari bwo bwa mbere. Naho intumbero yacu nyamukuru atari iyo gutanga ibitabu, birashobora kudufasha kuronka abipfuza kubaho bahuza n’ivyo biga.​—Ivk 13:48.

2018

2019

2020