Ico twovuga ku vyerekeye ibinyamakuru

Umunara w’Inderetsi 1 Mukakaro

“Abantu benshi bafise Bibiliya babona ko igoye gutahura. Woba nawe urigera wiyumvira gutyo? [Rindira yishure.] Nk’uko uwu murongo uvyerekana, uwo Bibiliya ikomokako yipfuza ko dutahura Ijambo ryiwe ryanditswe tukongera tukaryungukirako. [Soma Zaburi 119:130.] Iki kinyamakuru kirimwo uburyo butatu buzodufasha gutahura Bibiliya.”

Réveillez-vous! Mukakaro

“Abantu benshi barishwe n’intuntu muri kino gihe. Woba wibaza ko Imana ubwayo yitaho abafise umubabaro wo mu mutima? [Rindira yishure, uce usoma muri Zaburi 34:18.] Iki kinyamakuru kirasigura ingene abafise intuntu boshobora kuronka imfashanyo iva ku Mana, naho basabwa no kwivuza. Kiratugira kandi inama y’ivyo dushobora kuvuga kugira ngo tubahumurize.”

Umunara w’Inderetsi 1 Mukakaro

“Woba wibaza ko bishoboka ko umuntu aronka amahoro yo mu mutima muri ibi bihe bidurumbanye? [Rindira yishure.] Raba ivyo Bibiliya ivuga mu Bafilipi 4:6, 7. [Soma.] Iki kiganiro kirasigura ukuntu dushobora kuronka amahoro Imana itanga.” Niwerekane ikiganiro gitangurira ku rupapuro rwa 10.

Réveillez-vous! Mukakaro

“Abenshi muri twebwe turakenguruka ivyo abavyeyi bacu batwigishije. Wiyumvira none ko kwoba ari ukutubaha abavyeyi hamwe twosuzuma inyigisho zijanye n’ivy’Imana twize tukiri abana? [Rindira yishure, uce usoma muri 1 Yohani 4:1.] Iki kiganiro kirerekana nimba vyoba ari bibi ko duhindura idini.” Numwereke ikiganiro gitangurira ku rupapuro rwa 28.