Urutonde rw’amakoraniro y’umurimo
Indwi itangura ku wa 14 Mukakaro
Imin. 8: Amatangazo y’iwanyu. Mukoresheje inama ziri ku rupapuro rwa 4 canke ubundi buryo bwo gushikiriza ibinyamakuru bubereye mu cibare canyu, nimugire umwerekano w’ingene umuntu yoshikiriza Umunara w’Inderetsi wo ku wa 1 Ruheshi na Réveillez-vous! yo muri Ruheshi.
Imin. 12: Woba ufise “ubushizi bg’amanga”? Insiguro ishingiye ku Munara w’Inderetsi wo ku wa 15 Rusama 2006, urupapuro rwa 13-16. Nushimike ku gituma bihambaye ko umuntu yamamaza abigiranye ubutinyutsi.
Imin. 25: “Intunganyo yoroheje dukoresha mu gukwiragiza ibisohokayandikiro.” Umukurambere abishoboye ararimburira hamwe ico kiganiro n’abumviriza. Nace asaba umwamamaji abimenyereye yiteguye neza agire umwerekano w’ukuntu ibivugwa muri ico kiganiro vyoshirwa mu ngiro mu murimo wo mu ndimiro. Uwo mwamamaji akoresheje kimwe mu binyamakuru biheruka gusohoka bizoba bishikirizwa mu murimo wo mu ndimiro muri iyo mpera y’umushamvu, niyinjize mu kiyago uwo yasanze ku muhana mu kumwereka iciyumviro kiri mu kiganiro kimwe mu biri muri ico kinyamakuru. Igihe uwo mwamamaji amwereka iciyumviro kinaka co muri ico kinyamakuru, uwo yasanze ku muhana navuge ati: “Ivyo bintu umengo ni vyiza.” Umwamamaji na we avuge ati: “Noshima kugusigira iki kinyamakuru kugira ngo ushobore gusoma iki kiganiro be n’ibindi biri muri co.” Uwo yasanze ku muhana abaze ati: “Kigurwa angahe?” Umwamamaji arishura ati: “Nimba uzogisoma, ntikigurishwa. Kuri uru rupapuro [Mwereke ibiri ku rupapuro rwa 4 muri Réveillez-vous! canke ibiri ku rupapuro rwa 2 mu Munara w’Inderetsi.], herekana ko iki kinyamakuru ari kimwe mu bikoreshwa mu gikorwa co kwigisha Bibiliya kirangurirwa kw’isi yose kandi ko gishigikirwa n’intererano zitangwa n’abavyishakiye. Ndi umwe mu Vyabona vya Yehova barenga imiliyoni zitandatu batanga umwanya wabo n’ivyo batunze kugira barangure ico gikorwa gihambaye kirangurirwa mu bihugu birenga amajana abiri. Igihe abandi baba bipfuje kugira ico baterereye gitoyi kugira ngo bashigikire ico gikorwa, turahimbarwa no kucakira.” Uwo yasanze ku muhana aratanga intererano hanyuma uwo mwamamaji agaca ashira ayo mahera mw’ibahasha afise igenewe izo ntererano. Arakenguruka iyo ntererano itanzwe hanyuma akamubwira ko azomuzanira ibinyamakuru bikurikira. Mu mwerekano mugufiya ugira kabiri, umwamamaji niyerekane ukuntu agapapuro k’inkuru y’Ubwami koshobora gusigirwa umuntu agaragaje ugushimishwa nyakuri, mugabo akaba muri uwo mwanya afatiriwe kandi bikaba biboneka ko atari igihe kibereye co gusigura ingene igikorwa cacu kirangurirwa kw’isi yose gishigikirwa. Uwo mwamamaji amusezeranire kuzogaruka mu kindi gihe azoba afise umwanya. Niyagaruka, azogerageza kuraba niba uwo muntu ashimishwa vy’ukuri n’igikorwa cacu. Asanze bimeze ukwo, azomusigurira ukuntu igikorwa cacu kimeze be n’ukuntu gishigikirwa.
Indwi itangura ku wa 21 Mukakaro
Imin. 10: Amatangazo y’iwanyu. Amatangazo arobanuwe mu yo mu Gikorwa dukorera Ubwami. Niwibutse abumviriza kuzoza bazanye Umunara w’Inderetsi wo ku wa 1 Ruheshi na Réveillez-vous! yo muri Ruheshi kw’Ikoraniro ry’umurimo ryo mu ndwi ikurikira, wongere ubibutse kuba biteguriye kuvuga uburyo bubereye bwo gushikiriza ivyo binyamakuru mu cibare canyu.
Imin. 15: Ibikenewe iwanyu.
Imin. 20: “Ukwitegura ni ntahara kugira umuntu agire amasubirayo ari n’ico avamwo.”a Nushiremwo agakino ko kwivugana k’iminuta ine k’umwamamaji ariko aritegurira gusubira kugendera abo baganiriye. Arihweza utwo yiyandikiye igihe yari mu busuku maze akabona yuko akeneye gusubira kugendera abantu babiri muri iyo mpera y’umushamvu. Aca arimbura ivyo yaganiriye ubushize n’umwumwe wese muri abo babiri, akishingira ihangiro hanyuma agaca ategura ukuntu yorishikako. Kuri umwe, ategura gutanguza inyigisho ya Bibiliya. Ku wundi, ategura kumutsimbatariza ugushimishwa akoresheje inama akuye mu ngingo ya 5.
Indwi itangura ku wa 28 Mukakaro
Imin. 10: Amatangazo y’iwanyu. Nimwibutse abamamaji bose gutanga raporo y’umurimo yo muri Mukakaro. Soma raporo y’ivy’amakonte be n’ivyete vyemeza ko intererano mwatanze zashitse. Nimuvuge ibisohokayandikiro bizoshikirizwa muri Myandagaro hongere hagirwe umwerekano w’ingene kimwe muri ivyo coshikirizwa.
Imin. 15: Tugume tubona ko ibintu vyihutirwa. Insiguro irimwo igishika ishingiye ku Munara w’Inderetsi wo ku wa 15 Kigarama 2006, urupapuro rwa 18-19, ingingo ya 17-21.
Imin. 20: Twitegurire gushikiriza ibinyamakuru biba biherutse gusohoka. Ikiganiro co guhana ijambo n’abumviriza. Umaze kuvuga muri make ibiri muri Réveillez-vous! yo muri Ruheshi be n’ivyo mu Munara w’Inderetsi wo ku wa 1 Ruheshi, nusabe abumviriza bavuge ibiganiro vyoshimisha abantu bo mu cibare be n’igituma babona ko vyobashimisha. Nubasabe kandi bavuge ivyiyumviro birashe biri mu biganiro bategekanya kuzokwerekana. Ni ikibazo ikihe cobazwa kugira ngo umuntu atanguze ikiyago? Ni icanditswe ikihe co mu kiganiro coca gisomwa? Mukoresheje uburyo bwo kurabirako bwo gushikiriza ibinyamakuru dusanga mu Gikorwa dukorera Ubwami canke ubwatanzwe n’abumviriza, nimugire umwerekano w’ukuntu ikinyamakuru kimwekimwe cose coshikirizwa.
Indwi itangura ku wa 4 Myandagaro
Imin. 10: Amatangazo y’iwanyu be n’Udukuru twa gitewokarasi.
Imin. 15: Abana bawe boba biteguriye guhangana n’ingorane zibashikira mu cibare cabo kidasanzwe? Insiguro be n’ikiganiro co guhana ijambo n’abumviriza. Nuvuge zimwe mu ngorane abakiri bato bagira bari kw’ishure. Nusigure ukuntu abavyeyi n’abana babo boshobora gukoresha igitabu Index des publications Watch Tower kugira bamenye aho bokura amakuru yobafasha. Nutange uburorero bumwebumwe. [Raba ku mutwe mukuru uvuga ngo “Ecoles” (Amashure), ku gatwe gatoyi kavuga ngo “Expériences” (Ibishika.)] Nusabe abari mu bumviriza bakuriye mu miryango ya gikirisu bavuge ukuntu abavyeyi babo babateguye ku bijanye no kwihanganira ingorane be n’ukuntu boshira mu ngiro ingingo ngenderwako zo muri Bibiliya bari kw’ishure. Boshobora kandi kuvuga udukorwa two kw’ishure bateguye bakoresheje ibiganiro biri muri Réveillez-vous! Nubasabe basigure ukuntu gukorera muri ako karere kabo kadasanzwe vyabakingiye.
Imin. 20: “Turiko turatembagaza ibintu bihamangiye.”b Nusabe abumviriza bagire ico bavuze ku kuntu uwabigishije Bibiliya yabafashije yihanganye guheba inyigisho z’ikinyoma z’ivy’idini bari bumiyeko cane.
[Utujambo tw’epfo]
a Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
b Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.