Urutonde rw’amakoraniro y’umurimo
Indwi itangura ku wa 11 Ruhuhuma
Imin. 10: Amatangazo y’iwanyu. Mukoresheje inama ziri ku rupapuro rwa 8 canke ubundi buryo bwo gutanguza ibiyago bubereye mu cibare canyu, nimugire umwerekano w’ingene umuntu yoshikiriza Umunara w’Inderetsi wo ku wa 1 Nzero na Réveillez-vous! yo muri Nzero.
Imin. 15: Woba woshobora gukorera ahakeneye gukorerwa kuruta ahandi? Insiguro no guhana ijambo n’abumviriza ishingiye ku Munara w’Inderetsi wo ku wa 15 Mukakaro 2003, urupapuro rwa 20. Nushiremwo insasanuro zikuwe mu gitabu Twagizwe ishirahamwe, kuva ku rupapuro rwa 111, ingingo ya 1, gushika ku rupapuro rwa 112, ingingo ya 1. Nubaze muri make ibibazo uwo wese yimukiye ahakeneye gukorerwa kuruta ahandi. Ni ingorane izihe bagize, kandi bazitoreye umuti gute? Ni imihezagiro iyihe baronse?
Imin. 20: Nufashe abashasha gutera imbere bwa basuku. Umaze kugira intangamarara itarenza umunuta umwe, nurongore ikiganiro c’ibibazo n’inyishu gishingiye ku Munara w’Inderetsi wo ku wa 1 Kigarama 2005, urupapuro rwa 31, ukoreshe ibibazo vyatanzwe bikoreshwa mu gihe c’ukwiga. Mumaze kuganira ku ngingo ya 18, nimugire umwerekano werekana umunyamuhana ariko arabwira amajambo yohava ahagarika ikiyago umwamamaji mushasha ariko arakorana n’uwuciye uruma. Uwo mwamamaji mushasha ntamwishuye mu buryo bumara akanyota, maze uwo munyamuhana aciye yanka ko babandanya kuyaga. Bamaze kuva kuri uwo muhana, wa mwamamaji aciye uruma arakeza abigiranye igishika uwo mwamamaji akiri mushasha kubera akigoro yagize, hanyuma agaca amwereka ukuntu ikindi gihe yokoresha agatabu Uburyo bwo Gutanguza Ibiyago mu kwishura kuri mwene ayo majambo yohava ahagarika ikiyago.
Indwi itangura ku wa 18 Ruhuhuma
Imin. 10: Amatangazo y’iwanyu. Amatangazo arobanuwe mu yo mu Gikorwa dukorera Ubwami.
Imin. 10: “Aho igikorwa co kwubaka ibiro vy’ishami vyo muri Tanzaniya kigeze”. Ikiganiro co guhana ijambo n’abumviriza.
Imin. 25: “Ikimenyamenya c’ukwizera gukomeye”.a Gishikirizwe n’umucungezi w’umurimo w’ishengero. Nusozere mu kwihweza ibintu vyiza ishengero ryaranguye mu mwaka w’umurimo uheze.
Indwi itangura ku wa 25 Ruhuhuma
Imin. 10: Amatangazo y’iwanyu. Niwibutse abamamaji gutanga raporo y’umurimo wo mu ndimiro yo muri Ruhuhuma. Nimusome raporo y’ivy’amakonte be n’ivyete vyemeza ko intererano mwatanze zashitse. Nimugire umwerekano werekana ukuntu ubutumire bw’Icibutso bwokoreshwa mu gutumira uwo mu muryango canke umubanyi.
Imin. 20: “Twibuke incungu tubigiranye ugukenguruka”.b Nimba umwanya ubakundiye, nusabe abumviriza bagire ico bavuze ku vyanditswe vyatanzwe yamara bitasubiwemwo.
Imin. 15: Twitegurire gushikiriza ibinyamakuru bigezweko. Ikiganiro co guhana ijambo n’abumviriza. Uhejeje guca ku masonga ibiri mu Munara w’Inderetsi wo ku wa 1 Nzero na Réveillez-vous! yo muri Nzero, nusabe abumviriza bavuge ikiganiro coshimisha abo mu karere be n’igituma cobashimisha. Nusabe abumviriza bavuge ivyiyumviro bitomoye biri muri ivyo biganiro bategekanya kwerekana. Ni ikibazo ikihe coshobora kubazwa mu gutanguza ikiyago? Ni icanditswe ikihe co muri ico kiganiro coshobora guca gisomwa? Mukoresheje inama zatanzwe, nimugire umwerekano w’ingene umuntu yoshikiriza Umunara w’Inderetsi wo ku wa 1 Nzero na Réveillez-vous! yo muri Nzero.
Indwi itangura ku wa 3 Ntwarante
Imin. 10: Amatangazo y’iwanyu. Nimusubiremwo ivyiyumviro nyamukuru biri mu ruzitiro ruvuga ngo “Ivyibukijwe ku vyerekeye Icibutso”.
Imin. 20: Woba ushobora gutanguza inyigisho ya Bibiliya muri Ntwarante? Ikiganiro co guhana ijambo n’abumviriza. Muri Ntwarante tuzoshikiriza igitabu Ivyo Bibiliya yigisha dufise intumbero yo gutanguza inyigisho za Bibiliya. Nimusubiremwo bimwebimwe mu bintu vyiza cane biranga ico gitabu. Nimuganire ku kuntu coshobora gushikirizwa iyo dusubiye kuraba uwashimishijwe igihe twamusigira ubutumire bw’Icibutso, iyo dusubiye kuraba uwo twasigiye ikinyamakuru be n’igihe tuzoba tugitanze turi mu busuku bw’inzu ku nzu inyuma yo ku wa 22 Ntwarante (Raba km 4/07 rup. 3; km 3/06 rup. 1, ing. 3; km 1/06 rup. 3-6.). Nimugire umwerekano umwe canke ibiri y’uburyo bwatanzwe bwo kugishikiriza.
Imin. 15: Dukoreshe Bibiliya igihe twishura ibibazo. Insiguro no guhana ijambo n’abumviriza ishingiye ku gitabu Ishure ry’Ubusuku, urupapuro rwa 143-144. Nimushiremwo umwerekano mugufi w’umwamamaji ariko arabazwa ikibazo mukunze kwumva mu cibare canyu, hanyuma ace akoresha Bibiliya mu kucishura.
[Utujambo tw’epfo]
a Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
b Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.