Urutonde rw’amakoraniro y’umurimo
Indwi itangura ku wa 8 Gitugutu
Imin. 10: Amatangazo y’iwanyu. Mukoresheje inama ziri ku rupapuro rwa 8 canke ubundi buryo bwo gushikiriza inkuru nziza bubereye mu cibare canyu, nimwerekane ingene umuntu yoshikiriza Umunara w’Inderetsi wo ku wa 1 Nyakanga na Réveillez-vous! yo muri Nyakanga. Muri umwumwe wose, ivyo binyamakuru vyose bikwiye gutangirwa icarimwe, naho nyene kimwe gusa ari co cerekanwa.
Imin. 20: Guma wiyegereje ishirahamwe rya Yehova. Insiguro n’uguhana ijambo n’abumviriza bishingiye ku kigabane ca 17 c’igitabu Twagizwe ishirahamwe ngo dukore ivyo Yehova agomba.
Imin. 15: Ibikenewe iwanyu.
Indwi itangura ku wa 15 Gitugutu
Imin. 10: Amatangazo y’iwanyu be n’Amatangazo arobanuwe mu Gikorwa dukorera Ubwami.
Imin. 20: Ukuri kwoba kuriko kurama ivyamwa mu bo wigisha? Insiguro n’uguhana ijambo n’abumviriza bishingiye ku Munara w’Inderetsi wo ku wa 1 Ruhuhuma 2005, urupapuro rwa 28-30. Nimushiremwo insasanuro zerekana ukuntu ibibazo vyo mu gitabu Ivyo Bibiliya yigisha vyagenewe kudufasha kubona ibiri mu mutima w’uwo twigana Bibiliya. Nimurimbure uturorero dukeyi. Nk’akarorero, nimurimbure ikigabane ca 1, ingingo ya 19; ikigabane ca 2, ingingo ya 4; ikigabane ca 3, ingingo ya 24; be n’ikigabane ca 4, ingingo ya 18. Nuremeshe abamamaji gukoresha neza imice itandukanye y’ico gitabu.
Imin. 15: Woba uvyibuka? Ikiganiro co guhana ijambo n’abumviriza gishingiye ku Munara w’Inderetsi wo ku wa 15 Myandagaro 2007, urupapuro rwa 19.
Indwi itangura ku wa 22 Gitugutu
Imin. 10: Amatangazo y’iwanyu. Soma raporo y’ivy’amakonte be n’ivyete vyemeza ko intererano mwatanze zashitse. Mukoresheje inama ziri ku rupapuro rwa 8 canke ubundi buryo bwo gushikiriza inkuru nziza bubereye mu cibare canyu, nimwerekane ingene umuntu yoshikiriza Umunara w’Inderetsi wo ku wa 15 Nyakanga na Réveillez-vous! yo muri Nyakanga.
Imin. 15: “Réveillez-vous! idasanzwe tuzoshikiriza muri Munyonyo”.a Nuvuge muri make ibiri muri Réveillez-vous! yo muri Munyonyo. Nuce winjira mu bibazo n’inyishu bishingiye kuri ico kiganiro. Igihe murimbura ingingo ya 3, niwerekane ukuntu umwamamaji yoshikiriza iyo Réveillez-vous! yo muri Munyonyo akoresheje inama zikurikira: “Aho hambere hahise, abantu barakunda kurondera ubuyobozi muri Bibiliya. Ariko muri iki gihe abenshi bavuga ko batayizigira. Wewe uvyibazako iki? [Rindira yishure, uce usoma 2 Timoteyo 3:16.] Iyi Réveillez-vous! idasanzwe iratanga ikimenyamenya ntaharirizwa c’uko Bibiliya yahumetswe n’Imana”. Imbere y’ugusozera uwo mwerekano, uwo mwamamaji nategure uwo bariko baraganira ku bijanye n’ivyo bazoganira agarutse kumugendera.
Imin. 20: Mubandanye kugenda nk’abana b’umuco. Insiguro n’ukubaza ibibazo. Twaravuye mu mwiza w’iyi si turemera kuyoborwa n’umuco uva kuri Yehova (Ef. 5:8, 9). Ivyo vyatumye ubuzima bwacu burushiriza kumera neza vyongera bituma bugira intumbero (1 Tim. 4:8). Uwo muco utuma kandi tugira icizigiro (Rom. 15:4). Nubaze ibibazo abamamaji babiri canke batatu bahuye n’intambamyi zikomeye bakongera bakazitsinda kugira ngo bagiranire na Yehova ubucuti bwiza bongere babugumane. Ni ingorane izihe bagize igihe baza mu kuri? Bashoboye gute kuzitsinda? Ni gute ubuzima bwabo ubu ari bwiza kuruta? Ni igiki kibafasha kuguma bashikamye mu kuri? Nusozere uremesha bose kubandanya batera imbere mu vy’impwemu no kwerekana ko bakenguruka cane ukuri Yehova yahishuye.—2 Pet. 1:5-8.
Indwi itangura ku wa 29 Gitugutu
Imin. 10: Amatangazo y’iwanyu. Nimwibutse abamamaji gutanga raporo y’umurimo yo muri Gitugutu. Nuvuge ibisohokayandikiro bizoshikirizwa muri Munyonyo, kandi hagirwe umwerekano w’ingene kimwe muri ivyo coshikirizwa.
Imin. 15: Niwishingire imigambi yo mu vy’impwemu kugira uninahaze Umuremyi wawe. Insiguro n’ikiganiro co guhana ijambo n’abumviriza gishingiye ku Munara w’Inderetsi wo ku wa 15 Mukakaro 2004, urupapuro rwa 21-23. Nusabe abumviriza bagire ico bavuze ku migambi yo mu vy’impwemu bishingiye be n’ico bariko barakora kugira bayishikeko. Umuntu umwe canke babiri muri abo abe yateguwe imbere y’igihe.
Imin. 20: “Duhe icizigiro aboro”.b Igihe murimbura ingingo ya 2, nimushiremwo insasanuro zishingiye kuri Réveillez-vous! yo ku wa 8 Nyakanga 2003, urupapuro rwa 26-27.
Indwi itangura ku wa 5 Munyonyo
Imin. 10: Amatangazo y’iwanyu be n’Udukuru twa gitewokarasi.
Imin. 15: Ingene wokingira abana bawe ukoresheje ubukerebutsi buva ku Mana. Insiguro ishingiye ku Munara w’Inderetsi wo ku wa 1 Nzero 2005, urupapuro rwa 23-27.
Imin. 20: “Twese duhanahane indemesho”.c Nusabe abumviriza batange insasanuro zitomoye ku bijanye n’ukuntu baremeshejwe n’umucungezi w’ingenzi mu kiringo c’urugendo yagize mw’ishengero ryanyu. Umuntu umwe canke babiri muri abo abe yateguwe imbere y’igihe.
[Utujambo tw’epfo]
a Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
b Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
c Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.