Urutonde rw’amakoraniro y’umurimo
Indwi itangura ku wa 12 Ntwarante
Imin. 10: Amatangazo y’iwanyu. Mukoresheje inama ziri ku rupapuro rwa 4 canke ubundi buryo bwo gutanguza ibiyago bubereye mu cibare canyu, nimugire umwerekano w’ingene umuntu yoshikiriza Umunara w’Inderetsi wo ku wa 1 Ruhuhuma be na Réveillez-vous! yo muri Ruhuhuma.
Imin. 15: Iyo hari uwawe ahevye Yehova. Insiguro ishikirizwa n’umukurambere ishingiye ku Munara w’Inderetsi wo ku wa 1 Nyakanga 2006, urupapuro rwa 17-21.
Imin. 20: “Muragume mugira ibi mu kunyibuka”.a Igihe murimbura ingingo ya 3, nimushiremwo insasanuro zishingiye ku Gikorwa dukorera Ubwami co muri Ntwarante 2006, urupapuro rwa 1, ingingo ya 3, ahavuga ukuntu ca gitabu Ivyo Bibiliya yigisha cokoreshwa mu gusigurira abashimishijwe twipfuza gutumira ibijanye n’ihimbazwa ry’Icibutso.
Ururirimbo rwa 168 n’isengesho ryo gusozera.
Indwi itangura ku wa 19 Ntwarante
Imin. 10: Amatangazo y’iwanyu. Amatangazo arobanuwe mu yo mu Gikorwa dukorera Ubwami. Nimusubiremwo ivyiyumviro nyamukuru biri mu ruzitiro ruri ku rupapuro rwa 3, ruvuga ngo “Ivyibukijwe ku vyerekeye Icibutso”.
Imin. 20: Uburyo bwo kwagura ubusuku bwawe. Insiguro n’uguhana ijambo n’abumviriza bishingiye ku gitabu Twagizwe ishirahamwe ngo dukore ivyo Yehova agomba, ikigabane ca 10.
Imin. 15: “Wokwishura gute?”b Nimugire umwerekano mugufi w’ukuntu ico kiganiro coshobora kuza kirakoreshwa mu gihe c’inyigisho y’umuryango.
Ururirimbo rwa 216 n’isengesho ryo gusozera.
Indwi itangura ku wa 26 Ntwarante
Imin. 10: Amatangazo y’iwanyu. Niwibutse abamamaji bose gutanga raporo y’umurimo wo mu ndimiro wo muri Ntwarante. Nusome raporo y’ivy’amakonte be n’ivyete vyemeza ko intererano mwatanze zashitse. Mukoresheje inama ziri ku rupapuro rwa 4 canke ubundi buryo bwo gutanguza ibiyago bubereye mu cibare canyu, nimwerekane ingene umuntu yoshikiriza Umunara w’Inderetsi wo ku wa 15 Ruhuhuma na Réveillez-vous! yo muri Ruhuhuma, biri kumwe na bwa butumire budasanzwe bw’Icibutso.
Imin. 15: Ibikenewe iwanyu.
Imin. 20: Nkwiye gukoresha gute ubuzima bwanje? Insiguro ishingiye kuri Réveillez-vous! yo muri Mukakaro 2006, urupapuro rwa 23-25. Nimubaze ibibazo umuntu umwe canke babiri batanguye umurimo w’igihe cose bakirangiza amashure yisumbuye. Ni kubera iki bahisemwo umurimo w’igihe cose? Ni imihezagiro iyihe baharonkeye?
Ururirimbo rwa 148 n’isengesho ryo gusozera.
Indwi itangura ku wa 2 Ndamukiza
Imin. 5: Amatangazo y’iwanyu be n’Udukuru twa gitewokarasi. Nimwihweze ubutumire buri inyuma ku gipfukisho c’Umunara w’Inderetsi wo ku wa 1 Ndamukiza 2007, maze muremeshe abamamaji gutumira abashimishijwe ku nsiguro idasanzwe izoshikirizwa ku wa 15 Ndamukiza.
Imin. 15: Nubandanye gufasha abitavye Icibutso. Insiguro ishikirizwa n’umukurambere. Nuvuge igitigiri c’abitavye Icibutso aho iwanyu wongere uvuge igitigiri c’abashimishijwe boba bari bahari. Nimwigane ivyabonywe bishimishije bijanye n’abemeye kwakira bwa butumire budasanzwe bw’Icibutso canke abasavye barya bakira abantu kugirirwa inyigisho ya Bibiliya, Icibutso giheze. Nuvuge ivyiyumviro vyerekana ukuntu umuntu yobandanya gufasha mu buryo bw’impwemu abitavye Icibutso (Raba km 3/06, rup. 1, ing. 5; km 2/05, rup. 4, ing. 9; km 2/04, rup. 5, ing. 16.). Nuremeshe abamamaji guca babakurikirana.
Imin. 25: Kugamburuka itegeko ry’Imana ryo kwirinda amaraso. Insiguro ishikirizwa n’umukurambere, akoresheje insiguro isomwa yatanzwe n’ibiro vy’ishami. Ugitangura, nuvuge yuko udukarata DPA tutuzuzwa kuri uwo mugoroba nyene. Mu gihe uwushikiriza iyo nsiguro azoba ariko arayisoma, yoshobora kwongerako insasanuro ngufi kugira ngo ashimike ku vyiyumviro nyamukuru, mugabo ntakwiye kwongera kuri ayo mayagwa ubundi burorero canke ibindi vyanditswe. Ivyanditswe vyatanzwe bitasubiwemwo mu majambo yoshobora kubisoma canke akabisubiramwo mu majambo umwanya umukundiye. Igihe ushitse aho bibereye, niwerekeze ivyiyumviro vy’abakwumviriza ku majambo yo mu kiganiro kivuga ngo “Intunganyo nshasha idufasha kwirinda amaraso” co mu Gikorwa dukorera Ubwami co muri Munyonyo 2006. Umunyamabanga akwiye kuronsa abamamaji bose babatijwe agakarata DPA hamwe n’ “Inyobozo zerekana ingene agakarata DPA kuzuzwa” kugira ngo bashobore gukurikira mu gice c’ico kiganiro. Umunyamabanga akwiye kandi kuraba neza ko hariho igitigiri gikwiye ca twa Dukarata karanzi.
Ururirimbo rwa 179 n’isengesho ryo gusozera.
[Utujambo tw’epfo]
a Amajambo y’intangamarara nuyashikirize mu mwanya udashika umunuta, hace hakurikira ikiganiro c’ibibazo n’inyishu.
b Amajambo y’intangamarara nuyashikirize mu mwanya udashika umunuta, hace hakurikira ikiganiro c’ibibazo n’inyishu.