Urutonde rw’amakoraniro y’umurimo
Indwi itangura ku wa 11 Nyakanga
Imin. 10: Amatangazo y’iwanyu. Amatangazo arobanuwe mu yo mu Gikorwa dukorera Ubwami. Remesha bose kuraba ya videwo Les jeunes s’interrogent . . . Comment se faire de vrais amis? (Urwaruka ruribaza—Noshobora gute kuronka abagenzi nyakuri?), mu kwitegurira ikiganiro kizogirwa mw’Ikoraniro ry’umurimo ryo ku ndwi yo ku wa 25 Nyakanga. Mukoresheje inama ziri ku rupapuro rwa 4 canke ubundi buryo bwo gutanguza ibiyago bubereye mu cibare canyu, nimugire umwerekano w’ingene umuntu yoshikiriza Umunara w’Inderetsi wo ku wa 1 Myandagaro na Réveillez-vous! yo muri Myandagaro. Muri umwe muri iyo myerekano, niherekanwe ivyo umuntu yokwishura ku majambo yoshobora guhagarika ikiyago avuga ngo “Ndifitiye idini ryanje”.—Raba agatabu Uburyo bwo Gutanguza Ibiyago, rup. 10-11.
Imin. 20: Niwungukire kw’Ikoraniro ry’umurimo no kw’Ishure ry’ubusuku bwa gitewokarasi. Insiguro be no guhana ijambo n’abumviriza bishingiye ku gitabu Twagizwe Ishirahamwe ngo dukore ivyo Yehova agomba, kuva ku gatwe kari ku rupapuro rwa 64 gushika ku gatwe kari ku rupapuro rwa 69.
Imin. 15: Ikete rivuye kw’ishami. Insiguro n’uguhana ijambo n’abumviriza bishingiye kw’ikete dusanga ku rupapuro rwa mbere rw’iki Gikorwa dukorera Ubwami. Shiramwo insasanuro zivuye mu ruzitiro ruvuga ngo “Inyishu ku bibazo vyanyu” ruri mu Gikorwa dukorera Ubwami co muri Nzero 2005. Aho bibereye, nubaze ibibazo uwo ari we wese mw’ishengero yoba yaratanze imfashanyo zo gutabara canke yoba yarazironse inyuma y’uruzuba rwari ruhitiye canke ibindi vyago vy’ivyaduka biherutse gushika.
Ururirimbo rwa 126 n’isengesho ryo gusozera.
Indwi itangura ku wa 18 Nyakanga
Imin. 5: Amatangazo y’iwanyu.
Imin. 15: Twakoze gute mu mwaka uheze? Umucungezi w’umurimo niyihweze umurimo w’umwaka uheze, ivyo akabigira mu kwibanda ku bintu vyiza vyaranguwe mu murimo. Nuvuge amajambo abereye yo gukeza. Nuvuge umuce umwe canke ibiri ikwiriye kwitwararikwa muri uyu mwaka twaraye dutanguye. Nugire ico uvuze ku gikorwa caranguwe n’abatsimvyi, ubakeze ku bw’igikorwa ciza bakoze. Nuvuge ivyiza vyavuye ku twigoro twagizwe mu gufasha abahororokewe.
Imin. 25: “Isekeza ridasanzwe: 16 Gitugutu–12 Munyonyo”. Ikiganiro kirimwo igishika, gishikirizwa n’umukurambere. Umaze gusoma itangazo ryatanzwe mw’ikete ryarungikiwe inama y’abakurambere ryo ku wa 6 Ruheshi 2006, nimuce muha umwumwe wese mu bitavye ikoraniro agapapuro k’Inkuru y’Ubwami No. 37. Nuce winjira mu bibazo n’inyishu bishingiye kuri ico kiganiro. Nuvuge indinganizo mwagize aho iwanyu kugira ngo muheture icibare cose. Remesha abamamaji bose kugira uruhara bimwe bishitse muri iryo sekeza. Nimugire umwerekano w’ukuntu umuntu yoshikiriza ako gapapuro atiriwe aravuga menshi.
Ururirimbo rwa 50 n’isengesho ryo gusozera.
Indwi itangura ku wa 25 Nyakanga
Imin. 10: Amatangazo y’iwanyu. Nusome raporo y’ivy’amakonte be n’ivyete vyemeza ko intererano mwatanze zashitse. Niwibutse abamamaji gutanga raporo z’umurimo wo muri Nyakanga. Mukoresheje inama ziri ku rupapuro rwa 4 canke ubundi buryo bwo gutanguza ibiyago bubereye mu cibare canyu, nimugire umwerekano w’ingene umuntu yoshikiriza Umunara w’Inderetsi wo ku wa 15 Myandagaro canke Réveillez-vous! yo muri Myandagaro igihe umuntu ashinga intahe mw’ibarabara canke mu mayira.
Imin. 25: Aho amavidewo aboneka, nimwihweze ikiganiro kivuga ngo “Ividewo ikwiriye ko umuntu ayizirikanako yitonze”.a Igihe muganira ku ngingo ya 1, nusabe abagize ishengero bagire ico bavuze muri make ku bijanye n’ividewo Les jeunes s’interrogent . . . Comment se faire de vrais amis? (Urwaruka ruribaza—Noshobora gute kuronka abagenzi nyakuri?). Maze nimuce muganira ku bibazo vyose biri mu ngingo ya 2-7. Mu gusozera, nuremeshe imiryango kurabira hamwe mu misi iri imbere, ya videwo Young People Ask—What Will I Do With My Life?” (Urwaruka ruribaza—Nzokoresha gute ubuzima bwanje) iri ku kadisiki DVD. Aho amavidewo ataboneka, baze baganire ku mayagwa asa n’ayo, ari mu gitabu Urwaruka ruribaza, ku kigabane ca 8 kiri ku rupapuro rwa 65 gifise umutwe uvuga ngo “Noshobora gute kuronka abagenzi nyakuri?”. Nukeze abakiri bato kubona bahitamwo abagenzi beza.
Imin. 10: Ivyabonywe aho iwanyu. Saba abumviriza bigane ivyo babonye igihe bariko bashikiriza ya Réveillez-vous! idasanzwe canke igihe batanguza inyigisho za Bibiliya bakoresheje ca gitabu Ivyo Bibiliya yigisha ari ho bakigendera abantu. Icabonywe kimwe canke bibiri gishimishije rwose coshobora gusubirwamwo mu buryo bw’agakino gasubiramwo ivyabaye.
Ururirimbo rwa 183 n’isengesho ryo gusozera.
Indwi itangura ku wa 2 Gitugutu
Imin. 10: Amatangazo y’iwanyu be n’Udukuru twa gitewokarasi. Nimwihweze Inyishu ku bibazo vyanyu.
Imin. 15: Ibikenewe iwanyu.
Imin. 20: “Dushinge intahe inzu ku nzu”.b Nimba umwanya ubibakundiye, saba abumviriza bagire ico bavuze ku vyanditswe vyatanzwe ariko bitasubiwemwo mu majambo.
Ururirimbo 127 n’isengesho ryo gusozera.
[Utujambo tw’epfo]
a Amajambo y’intangamarara nuyashikirize mu mwanya udashika umunuta, hace hakurikira ikiganiro c’ibibazo n’inyishu.
b Amajambo y’intangamarara nuyashikirize mu mwanya udashika umunuta, hace hakurikira ikiganiro c’ibibazo n’inyishu.