Amatangazo

◼ Ibisohokayandikiro vyo gushikiriza muri Rusama: Nihashikirizwe ibinyamakuru Umunara w’Inderetsi na Réveillez-vous!. Mu gihe musubira kugendera abantu bashimishijwe, ushizemwo abitaba Icibutso be n’izindi porogarama za gitewokarasi canke abitaba izo zindi uretse Icibutso, mugabo bakaba batifatanya n’ishengero babigiranye umwete, nimwihatire gushikiriza ca gitabu gishasha Mu vy’ukuri Bibiliya yigisha iki?. Intumbero ikwiye kuba iyo gutanguza inyigisho za Bibiliya zo ku muhana muri ico gitabu. Ruheshi: Nihashikirizwe ca gitabu Igira kuri wa Mwigisha Ahambaye. Nimba hagize abavuga ko badafise abana, nihashikirizwe igitabu Ubumenyi. Nihagirwe akigoro ko gutanguza inyigisho za Bibiliya zo ku muhana. Mukakaro na Myandagaro: Ako ari ko kose mu dutabu tw’impapuro 32 dukurikira, koshobora gukoreshwa: Bitugendera Gute Iyo Dupfuye?, Dieu se soucie-t-il vraiment de nous?, Doit-on croire à la Trinité?, Intwaro Izozana Iparadizo, Inzira Ijana mu Buzima Budahera—Woba Warayitoye?, Iyo Uwo Wakunda Apfuye, Kuba kw’isi ibihe bidashira mu gahimbare!, Le nom divin qui demeure à jamais, Ni Ibiki Imana Idusaba?, Quel est le but de la vie? Comment le découvrir? hamwe na “Voici, je fais toutes choses nouvelles”. Mu duce tumwetumwe tw’icibare, udutabu dukurikira dushobora kuba tubereye: Connaîtrons-nous un jour un monde sans guerre?, Imizimu y’Abapfuye—Yoba Ishobora Kugufasha Canke Kugutera? Ubwo Irabaho vy’Ukuri?, Nos problèmes:qui nous aidera à les résoudre?, Une vie pleinement satisfaisante:Comment? hamwe na Un livre pour tous.

◼ Urukaratasi rwo kwuzuza rwitwa Imitwe-shimikiro y’insiguro zishikirizwa ku makoraniro y’icese (S-99) be n’urwitwa Imitwe-shimikiro y’insiguro zishikirizwa ku makoraniro y’icese—Zitondetswe hakurikijwe ico zivuga (S-99a) zaramaze kurungikirwa amashengero yose. Izo nkaratasi zizokoreshwa n’umucungezi muhagarikizi canke uwo ari we wese yagenywe kugira ngo arangure igikorwa co gutunganya ivy’insiguro z’icese. Igihe insiguro y’icese yamaze guhabwa uwuyishikiriza, uwo mushikirizansiguro arashobora kwigirira ikopi yo gutegurirako. N’imiburiburi, muri dosiye y’ishengero hakwiye kwama harimwo ikopi y’insiguro yose.

◼ Kubera yuko ukwezi kwa Mukakaro gufise impera z’umushamvu zitanu zuzuye, kuzoba ari ukwezi kwiza kwo gukoramwo ubutsimvyi bwo gufasha.

◼ Umucungezi muhagarikizi canke uwundi wese yagenywe na we akwiye kugenzura amakonte y’ishengero ku wa 1 Ruheshi canke vuba bishoboka inyuma y’iryo genekerezo. Nimba hari ikonte yo muri banke mufise igenewe ibindi bintu, nk’ibijanye n’ibungabungwa ry’ibintu canke ubwubatsi, hakwiye no kugirwa intunganyo zo kuyigenzura. Iryo genzura rimaze kurangira, bikwiye gutangarizwa ishengero muri raporo y’ivy’amakonte izoshikirizwa ubutaha.

◼ IBIMENYESHEJWE BIDASANZWE: Intererano zitangwa ku masheki kw’ihwaniro ry’intara be n’izirungikwa muri ubwo buryo ku biro vy’ishami, ayo masheki akwiye kuba yanditseko yuko amahera ahabwa urwego rugengwa n’amategeko rwo mu gihugu canyu.

◼ Bisabwe ko inkaratasi abantu bujuje basaba umurimo w’ubutsimvyi busanzwe zishikirizwa ibiro vy’ishami hagisigaye n’imiburiburi imisi 30 ngo igenekerezo umuntu ashaka gutangurirako rishike. Umunyamabanga w’ishengero akwiye kubanza kwihweza izo nkaratasi kugira ngo arabe neza ko zujujwe neza. Nimba abasaba ubutsimvyi badashoboye kwibuka neza itariki babatirijweko, bakwiye kugereranya iyo tariki, ikaba ari yo bazigama. Umunyamabanga akwiye guca yandika iyo tariki kw’Ifishi y’Umwamamaji y’Ishengero (S-21).