Urutonde rw’amakoraniro y’umurimo
Indwi itangura ku wa 8 Rusama
Imin. 10: Amatangazo y’iwanyu. Amatangazo arobanuwe mu yo mu Gikorwa dukorera Ubwami. Mukoresheje inama ziri ku rupapuro rwa 4 canke ubundi buryo bwo gutanguza ibiyago bubereye mu cibare canyu, nimwerekane ingene umuntu yoshikiriza Umunara w’Inderetsi wo ku wa 1 Ndamukiza na Réveillez-vous! yo muri Ndamukiza. Muri umwe muri iyo myerekano, umwamamaji nashikirize inomero y’Umunara w’Inderetsi yo ku wa 15 Ntwarante no ku wa 1 Ndamukiza hamwe na Réveillez-vous! yo muri Ndamukiza. Ivyo binyamakuru abishikirize umuntu yama abishira ataronse Umunara w’Inderetsi wo ku wa 15 Ntwarante. Igihe ashikiriza ivyo binyamakuru bitatu, niyerekane kimwe gusa. Abamamaji boja kuraba abo bama bashira ibinyamakuru, rimwe canke kabiri mu kwezi.
Imin. 20: ‘Nimunkurikire ubudahengeshanya’.a Nubaze muri make umwamamaji w’intangakarorero agerageza kuguma yoroheje ubuzima, kandi yishingira akarimbi mu vyo gukurikirana ivyiwe, kugira arushirize guteza imbere ivyungura Ubwami no gukorera abandi. Nushimike ku mihezagiro ahakura.
Imin. 15: Ivyabonywe ng’aho iwanyu. Nusabe abumviriza bavuge imihezagiro baronse igihe bitanga batiziganya mu busuku mu kwezi kwa Ntwarante na Ndamukiza. Nushimike ku bintu bashitseko mu bijanye no gutanguza inyigisho za Bibiliya be n’ibijanye no gufasha abashasha kwitaba Icibutso. Icabonywe kimwe canke bibiri birashobora kwerekanwa mu buryo bw’agakino gasubiramwo ivyabaye.
Ururirimbo rwa 91 n’isengesho ryo gusozera.
Indwi itangura ku wa 15 Rusama
Imin. 10: Amatangazo y’iwanyu. Nuremeshe umwe wese kuraba ya Videwo ivuga ngo: Noé: il marchait avec Dieu (Nowa Yagendana n’Imana). Aho amavidewo ataboneka, nuremeshe umwe wese kuraba mw’Itanguriro ikigabane ca 6 gushika ku ca 9 mu kwitegurira Ikoraniro ry’umurimo ryo mu ndwi itangura ku wa 29 Rusama.
Imin. 10: Gukorana twunze ubumwe turongowe na Kirisitu. Insiguro ishingiye ku mayagwa ari munsi y’agatwe kavuga ngo: “Ico gutahura no kwemera icese uruhara afise bisobanura”, ku rupapuro rwa 13-15 rw’igitabu Twagizwe ishirahamwe ngo dukore ivyo Yehova agomba.
Imin. 25: “Ubwubatsi bw’Ingoro z’Ubwami—Umuce uhambaye mu murimo mweranda”.b Igihe muganira ku ngingo ya 2, niwerekane rwa rukaratasi rwo kwuzuza ruvuga ngo: Ugusaba kuba uwukora avyishakiye muri porogarama yo kwubaka Ingoro z’Ubwami (A-25) wongere usigure ukuntu umuntu yoruronka. Nubaze ibibazo bamwe mu bagize uruhara mu bwubatsi bw’Ingoro z’Ubwami canke mw’isanurwa ryazo.
Ururirimbo rwa 133 n’isengesho ryo gusozera.
Indwi itangura ku wa 22 Rusama
Imin. 12: Amatangazo y’iwanyu. Nusome raporo y’ivy’amakonte be n’ivyete vyemeza ko intererano mwatanze zashitse. Mukoresheje inama ziri ku rupapuro rwa 4 canke izindi zibereye mu cibare canyu, nimwerekane ingene umuntu yoshikiriza Umunara w’Inderetsi wo ku wa 15 Ndamukiza na Réveillez-vous! yo muri Ndamukiza. Muri iyo myerekano, niherekanwe abagize umuryango bariko baragira umwimenyerezo w’ingene bobigenza.
Imin. 15: “Twitwararike abandi—Mu kuba abagwaneza”.c Igihe murimbura ingingo ya 4, nimwihweze muri make uruzitiro ruvuga ngo: “Ubwira Iki Icuma Cishura?”, ruri ku rupapuro rwa 2 rw’Igikorwa dukorera Ubwami co muri Munyonyo 2000.
Imin. 18: Kuboneka neza. Ikiganiro co guhana ijambo n’abumviriza gishingiye ku gitabu Ishure ry’ubusuku, ku rupapuro rwa 131-133. Nimwihweze ingingo ngenderwako zitanu zadondowe, zivuga ibijanye n’ukuntu twokwambara be n’ukuntu twokwitunganya. Nuvuge ko twokoresha n’ubugenge ayo mayagwa mu gufasha abatohoji ba Bibiliya gutahura ukuntu bokwambara mu buryo bubereye igihe bitaba amakoraniro y’ishengero.
Ururirimbo rwa 215 n’isengesho ryo gusozera.
Indwi itangura ku wa 29 Rusama
Imin. 10: Amatangazo y’iwanyu. Niwibutse abamamaji gutanga raporo y’umurimo wo muri Rusama. Udukuru twa gitewokarasi.
Imin. 10: Shikiriza igitabu Umwigisha Ahambaye muri Ruheshi. Mukoresheje inama ziri ku rupapuro rwa 3-4 rw’Igikorwa dukorera Ubwami co muri Nzero 2005 canke ubundi buryo bwo gutanguza ibiyago bubereye mu cibare canyu, nimugire umwerekano w’ingene umuntu yoshikiriza ca gitabu Igira kuri wa Mwigisha Ahambaye. Umwanya ubikunze, nusabe abumviriza bavuge ivyiza vyavuye mu gukoresha ico gitabu mu busuku canke mu miryango yabo.
Imin. 25: “Akarorero ku bato n’abakuze”. Umaze gushikiriza intangamarara idashitsa umunuta umwe, nuce winjira mu kiyago co guhana ijambo n’abumviriza gishingiye kuri vya bibazo vyo gusuzuma ubumenyi bijanye na ya videwo ivuga ivya Nowa, ukoresheje birya bibazo vyose biri mu ngingo ya kabiri. Aho amavidewo ataboneka, nimukoreshe ivyanditswe vyatanzwe bikuwe mw’Itanguriro ikigabane ca 6 gushika ku ca 9 kugira muronke inyishu z’ivyo bibazo. Nuce usaba imiryango yigane ukuntu yungukiye ku kwihweza akarorero ka Nowa. Ivyo birangiye, nimuganire ku kibazo no ku vyanditswe biri mu ngingo igira gatatu.
Ururirimbo rwa 9 n’isengesho ryo gusozera.
Indwi itangura ku wa 5 Ruheshi
Imin. 10: Amatangazo y’iwanyu.
Imin. 15: Ibikenewe iwanyu.
Imin. 20: Ukuntu wokwererwa mu kugira amasubirayo. Ikiganiro co guhana ijambo n’abumviriza gishingiye ku ruzitiro ruri ku rupapuro rwa 16, mu Munara w’Inderetsi wo ku wa 15 Munyonyo 2003. Nurimbure imwimwe yose muri zirya nama indwi, uheze usabe abumviriza bavuge ingene zokoreshwa aho iwanyu. Nuremeshe abamamaji gusubirira abo bayaze, bafise intumbero yo gutanguza inyigisho za Bibiliya n’abantu bose bakira ibitabu canke bagaragaza ugushimishwa. Mukoresheje inama ziri ku rupapuro rwa 6 rw’Igikorwa dukorera Ubwami co muri Nzero 2006, nimwerekane ingene umuntu yosaba kwigana Bibiliya n’uwo asubiye kugendera.
Ururirimbo rwa 57 n’isengesho ryo gusozera.
[Utujambo tw’epfo]
a Amajambo y’intangamarara nuyashikirize mu mwanya udashika umunuta, hace hakurikira ikiganiro c’ibibazo n’inyishu.
b Amajambo y’intangamarara nuyashikirize mu mwanya udashika umunuta, hace hakurikira ikiganiro c’ibibazo n’inyishu.
c Amajambo y’intangamarara nuyashikirize mu mwanya udashika umunuta, hace hakurikira ikiganiro c’ibibazo n’inyishu.