Urutonde rw’amakoraniro y’umurimo
Indwi itangura ku wa 12 Nyakanga
Imin. 10: Amatangazo y’iwanyu. Amatangazo arobanuwe mu yo mu Gikorwa dukorera Ubwami. Nimukoreshe inama zatanzwe ku rupapuro rwa 8 (nimba zibereye mu cibare canyu) kugira mwerekane ingene umuntu yoshikiriza Umunara w’Inderetsi wo ku wa 1 Myandagaro na Réveillez-vous! yo ku wa 8 Myandagaro. Ubundi buryo bwo gutanguza ibiyago bushingiye ku bintu bibaho koko, bwoshobora gukoreshwa. Nusabe umukurambere agire umwe muri iyo myerekano, hanyuma uwukiri muto na we ashikirize uwo wundi. Inyuma y’umwerekano umwumwe wose, nushimike ku bintu bimwebimwe vyiza mwabonye muri wo.
Imin. 20: “Dukoreshe umwanya wacu mu buryo buranga ubukerebutsi”.a Nusabe abumviriza bagire ico bavuze ku kuntu ku musi ku musi baringaniza ivyo gutegekanya umwanya wo gusoma Bibiliya. Nuremeshe abagize imiryango be n’umuntu umwumwe wese ukwiwe, bakoreshe inyongera y’Igikorwa dukorera Ubwami co muri Rusama 2005 kugira bagire urutonde rw’ibikorwa vyo mu vy’impwemu.
Imin. 15: “Kurongora inyigisho za Bibiliya zitera imbere”.b Ikiganiro co guhana ijambo n’abumviriza gishingiye ku gice ca 1 n’ica 2 c’inyongera. Umuntu yoshobora no gusuzuma Igikorwa dukorera Ubwami co muri Myandagaro 2004 ku rupapuro rwa 1. Ni kubera iki bihambaye kwitegura bimwe binogangije igihe cose umuntu arongora inyigisho ya Bibiliya? Ivyo bisaba iki? Nusabe abumviriza bigane ingene bashize mu ngiro inama zatanzwe. Nusozere mu kugira ico uvuze ku ruzitiro rufise ibara ruri hejuru ku rupapuro rwa mbere rw’inyongera.
Ururirimbo rwa 110 n’isengesho ryo gusozera.
Indwi itangura ku wa 19 Nyakanga
Imin. 10: Amatangazo y’iwanyu. Nimwihweze ivyiyumviro bikurubikuru vyo mw’ikete rivuye kw’ishami, riri ku rupapuro rutangura rw’iki Gikorwa dukorera Ubwami.
Imin. 20: Twakoze gute mu mwaka uheze? Umucungezi w’umurimo niyihweze umurimo w’umwaka uheze, ivyo akabigira mu kwibanda ku bintu vyiza vyaranguwe mu murimo. Nuvuge amajambo abereye yo gukeza. Nuvuge umuce umwe canke ibiri ikwiriye kwitwararikwa muri uyu mwaka twaraye dutanguye. Nugire ico uvuze ku gikorwa caranguwe n’abatsimvyi, ubakeze ku bw’igikorwa ciza bakoze. Nuvuge ivyiza vyavuye ku twigoro twagizwe mu gufasha abahororokewe.
Imin. 15: “Tugume dukomezanya”.c Nusabe abumviriza bavuge ingene bungukiye ku kuntu abandi babitwararikanye urukundo.
Ururirimbo rwa 199 n’isengesho ryo gusozera.
Indwi itangura ku wa 26 Nyakanga
Imin. 10: Amatangazo y’iwanyu. Nusome raporo y’ivy’amakonte be n’amakete yo gukenguruka intererano zatanzwe. Niwibutse abamamaji gutanga raporo y’umurimo wo mu ndimiro wo muri Nyakanga.
Imin. 15: Ibikenewe iwanyu.
Imin. 20: Tumenyekanishe inkuru nziza dukoresheje ibinyamakuru. Mu kwezi kwa Gitugutu, tuzoshikiriza Umunara w’Inderetsi na Réveillez-vous!. Mu majambo y’intangamarara y’iyo nsiguro, nuce irya n’ino inama zikurikira zo mu Gikorwa dukorera Ubwami co muri Ruhuhuma 2005, ku rupapuro rwa 8 ingingo ya 3-6: (1) Gutangira rimwe ivyo binyamakuru vyompi. (2) Gutegekanya umusi umwe buri ndwi wo kugira uruhara mu gikorwa co gushikiriza ibinyamakuru. (3) Kwishingira umugambi wo gushikiriza ku kwezi ku kwezi igitigiri kanaka c’ibinyamakuru. (4) Gukoresha akaryo kose kabereye kugira umuntu ashikirize ibinyamakuru. (5) Gukoresha neza inomero za kera. Nuvuge ingene izo nama mwozikurikiza aho iwanyu, maze mugire imyerekano y’ingene hoshikirizwa Umunara w’Inderetsi wo ku wa 15 Myandagaro be na Réveillez-vous! yo ku wa 22 Myandagaro mukoresheje inama tugirwa ku rupapuro rwa 8 rw’iki Gikorwa dukorera Ubwami (nimba zibereye mu cibare canyu). Ubundi buryo bwo gutanguza ibiyago bushingiye ku bintu bibaho koko bwoshobora gukoreshwa. Canke nimushimikire ku bindi biganiro bitajanye n’umutwe-shimikiro w’ico kinyamakuru vyoshimisha abantu bo mu cibare canyu, muce mugira umwerekano mukoresheje kimwe muri ivyo biganiro. Inyuma y’umwerekano umwumwe wose, nushimike ku bintu bimwebimwe vyiza mwabonye muri wo.
Ururirimbo rwa 3 n’isengesho ryo gusozera.
Indwi itangura ku wa 3 Gitugutu
Imin. 5: Amatangazo y’iwanyu be n’Udukuru twa gitewokarasi.
Imin. 20: “Dufashe abandi babe ‘abagamburuka bivuye ku mitima’ ”.d Umwanya ubakundiye, nusabe abamamaji bagire ico bavuze ku vyanditswe vyatanzwe bitasubiwemwo mu majambo.
Imin. 20: Nitunezereze umutima wa Yehova (Imig. 27:11). Nubaze ibibazo abamamaji babiri canke batatu bamaze igihe kirekire basukurira Yehova badahemuka. Nusabe umwe wese avuge ikintu kimwe canke bibiri vyamufashije kuguma agamburukira Yehova. Mu vyovugwa, hoshobora kuba harimwo ukwiyigisha Bibiliya n’umwete, kwitaba amakoraniro ubudahorereza, kwifatanya n’abandi bizigirwa, kuja mu murimo wo mu ndimiro n’ubugingo bwacu wose, isengesho rivuye ku mutima be n’ukwirinda ukwinezereza kutabereye. Ni ibintu ibihe baciyemwo vyagerageje ukugamburuka kwabo, kandi ivyo bavyifashemwo neza gute? Bahezagiwe gute ku bw’ukugamburuka kwabo?
Ururirimbo rwa 170 n’isengesho ryo gusozera.
[Utujambo tw’epfo]
a Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
b Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
c Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
d Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.