Urutonde rw’amakoraniro y’umurimo
Indwi itangura ku wa 14 Ntwarante
Imin. 10: Amatangazo y’iwanyu. Amatangazo arobanuwe mu yo mu Gikorwa dukorera Ubwami. Nuremeshe bose kuraba ya videwo ivuga ngo David—Il mettait sa confiance en Dieu (Dawidi yarizigira Imana), nimba iboneka, mu kwitegurira Ikoraniro ry’umurimo ryo mu ndwi itangura ku wa 4 Ndamukiza. Aho amavidewo ataboneka, murasome Zaburi ya 91 mu kwitegurira Ikoraniro ry’umurimo ryo muri iyo ndwi. Nimukoreshe inama tugirwa ku rupapuro rwa 4 (niba bibereye mu cibare canyu) kugira mugire umwerekano w’ukuntu umuntu yoshikiriza Umunara w’Inderetsi wo ku wa 1 Ruhuhuma na Réveillez-vous! yo ku wa 8 Ruhuhuma. Ubundi buryo bwo gutanguza ibiyago bushingiye ku bintu bibaho koko bwoshobora gukoreshwa. Muri umwe muri iyo myerekano, umwamamaji yerekane uburyo bwo gusubira kugendera umuntu yama ashira ibinyamakuru. Mu gusozera uwo mwerekano, umwamamaji akoreshe urupapuro rwo ku gipfukisho c’inyuma c’Umunara w’Inderetsi wo ku wa 15 Ntwarante kugira yibutse uwo bayaga rya himbazwa ry’Icibutso ryimirije.
Imin. 20: “Bibiliya igiye gushimikwako kuruta uko vyahora!”a
Imin. 15: Ikintu kigenewe kudukomeza. Umaze gushikiriza intangamarara y’umunuta umwe canke udashika, nuce urongora ikiganiro c’uguhana ijambo n’abumviriza gishingiye ku gitabu Annuaire 2005, nimba kiboneka. Kuzirikana ku bikorwa vyiza igitangaza Yehova yakoze mu bihe vya none biratuma tumwiyegereza, bigatuma kandi twiyegereza abavukanyi bacu bo mw’isi yose (Zab. 77:12-14). Biradukomeza kugira turwanye Shetani twivuye inyuma, “[du]fise ukwizera gushikamye” (1 Pet. 5:8, 9). Birafasha abashasha gutahura no gukenguruka ishirahamwe rya Yehova. Nusabe abumviriza bigane ibintu vyabashimishije igihe bariko barasoma igitabu Annuaire 2005. Nutegekanye imbere y’igihe ivy’uko hagira umuntu umwe canke babiri bigana ingene bategekanije umwanya wo gusoma ico gitabu Annuaire. Nimba igitabu Annuaire 2005 kitaboneka, ni muganire kuri raporo y’igikorwa co mu ndimiro co kw’isi yose iri mu Munara w’Inderetsi wo ku wa 1 Ruhuhuma 2005. Nuce usaba abumviriza bigane ivyabashimishije igihe bariko barasoma igitabu Annuaire 2004. Nukeze abamamaji ku gikorwa barangura wongere ubaremeshe kubandanya kwamamaza badahorereza.
Ururirimbo rwa 137 n’isengesho ryo gusozera.
Indwi itangura ku wa 21 Ntwarante
Imin. 10: Amatangazo y’iwanyu.
Imin. 15: “Kurongora inyigisho za Bibiliya zitera imbere—Igice ca 7”.b Igihe utegura ico kiganiro, nurabe Umunara w’Inderetsi wo ku wa 15 Mukakaro 2002, urupapuro rwa 27, ingingo ya 4-5.
Imin. 20: Harumagedoni ni iki? Umaze gushikiriza intangamarara y’umunuta umwe canke udashika, nuce urongora ikiganiro c’ibibazo n’inyishu gishingiye ku gitabu Comment raisonner, urupapuro rwa 181-186 (mu co mu giswahili, ni urupapuro rwa 86-91). Saba abumviriza batange insasanuro ku bibazo biri mu ndome zizize, bakoreshe ivyanditswe vyasubiwemwo mu majambo be n’ivyatanzwe mugabo bitasubiwemwo. Nimuganire ku kuntu dushobora gukoresha ayo makuru mu busuku bwo mu ndimiro.
Ururirimbo rwa 109 n’isengesho ryo gusozera.
Indwi itangura ku wa 28 Ntwarante
Imin. 10: Amatangazo y’iwanyu. Nusome raporo y’ivy’amakonte be n’amakete yo gukenguruka intererano zatanzwe. Niwibutse bose kuraba ya videwo ivuga ngo David—Il mettait sa confiance en Dieu (Dawidi yarizigira Imana), mu kwitegurira Ikoraniro ry’umurimo ryo mu ndwi iza. Aho amavidewo ataboneka, murasome Zaburi ya 91 mu kwitegurira Ikoraniro ry’umurimo ryo muri iyo ndwi. Nuremeshe bose gutumira abashimishijwe kuza kwumviriza ya nsiguro y’icese idasanzwe izoshikirizwa kw’igenekerezo rya 10 Ndamukiza. Nuvuge ibisohokayandikiro bizoshikirizwa muri Ndamukiza na Rusama.
Imin. 15: Ibikenewe iwanyu.
Imin. 20: Shikiriza Umunara w’Inderetsi na Réveillez-vous! Nimusubiremwo inama tugirwa z’ukuntu tworushiriza gushikiriza ibinyamakuru, dusanga mu Gikorwa dukorera Ubwami co muri Ruhuhuma 2005, urupapuro rwa 8. Nimuganire ku vyiyumviro bishimishije vyo mu nomero z’ibinyamakuru ziherutse gusohoka. Mukoresheje inama ziri ku rupapuro rwa 4 (nimba bibereye mu cibare canyu), nimugire umwerekano w’ukuntu umuntu yoshikiriza Umunara w’Inderetsi wo ku 15 Ruhuhuma na Réveillez-vous! yo ku wa 22 Ruhuhuma. Ubundi buryo bwo gutanguza ibiyago bushingiye ku bintu bibaho koko bwoshobora gukoreshwa. Muri umwumwe wose, nusigure aho amahera akoreshwa ku bw’igikorwa turangurira kw’isi yose ava.—Raba Umunara w’Inderetsi, urupapuro rwa 2 canke Réveillez-vous! urupapuro rwa 5.
Ururirimbo rwa 116 n’isengesho ryo gusozera.
Indwi itangura ku wa 4 Ndamukiza
Imin. 5: Amatangazo y’iwanyu n’Udukuru twa gitewokarasi.
Imin. 15: Nimugiriranire urukundo (Yoh. 13:35). Insiguro ishikirizwa n’umukurambere ishingiye ku Munara w’Inderetsi wo ku 1 Ruhuhuma 2003, urupapuro rwa 15-18, ingingo ya 10-21. Nk’uko vyavuzwe mw’itangazo rijanye n’ibisohokayandikiro tuzoshikiriza muri Ndamukiza na Rusama, turemeshwa kugerageza gutanguza inyigisho za Bibiliya ku bantu bamaze kwiga igitabu Ubumenyi n’agatabu Ni Ibiki Imana Idusaba?. Niwerekane ukuntu abamamaji bashobora gusenyera ku mugozi umwe n’abakurambere mu gusahiriza abagoyagoya.
Imin. 25: Ikiganiro co guhana ijambo n’avumviriza gishingiye ku kiganiro kivuga ngo “Yehova Ni We Buhungiro Bwacu”, kiri mu Munara w’Inderetsi wo ku wa 1 Kigarama 2001. Ico kiganiro gikwiye gushikirizwa n’umurongozi w’inyigisho y’Umunara w’Inderetsi. Nuremeshe bose kubandanya gukomeza ukwizigira bafise muri Yehova mu gusoma Bibiliya ku musi ku musi. Canke aho amavidewo aboneka, nimuce mwisunga ikiganiro kivuga ngo: “Ividewo irimwo ubutumwa budata igihe”. Nimusome Zaburi 91:2 na 31:14, mutange insasanuro ngufi cane kuri kimwekimwe muri ivyo vyanditswe. Maze nuce winjira mu kiganiro co guhana ijambo n’abumviriza gishingiye ku bibazo bijanye na ya videwo (David—Il mettait sa confiance en Dieu), mukoreshe ibibazo vyose biri mu ngingo ya kabiri be n’ikibazo kiri mu ngingo ya gatatu. Ivyo biheze, nusabe imiryango yigane ukuntu yungukiye ku kugira uruhara mu dukorwa twigisha (Activités éducatives) turi kuri iyo DVD. Nusozere usoma Zaburi 56:11.
Ururirimbo rwa 36 n’isengesho ryo gusozera.
[Utujambo tw’epfo]
a Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
b Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.