Urutonde rw’amakoraniro y’umurimo
Indwi itangura ku wa 8 Munyonyo
Imin. 10: Amatangazo y’iwanyu. Amatangazo arobanuwe mu yo mu Gikorwa dukorera Ubwami. Rya sekeza ridasanzwe ryo gushikiriza agatabu Mwame mugavye! rizorangira ku wa 14 Munyonyo. Mu misi izoba isigaye muri Munyonyo, tuzoshikiriza igitabu Igira kuri wa Mwigisha Ahambaye. Nimwihweze muri make uburyo bwo gutanguza ibiyago bwatanzwe mu Gikorwa dukorera Ubwami co muri Rusama 2004, urupapuro rwa 3.
Imin. 15: Niwungukire bimwe bishitse kw’Ikoraniro ry’umurimo. Ikiganiro co guhana ijambo n’abumviriza gishingiye ku gitabu Ubusuku Bwacu, urupapuro rwa 72-73. Ni mu buryo butanu ubuhe Ikoraniro ry’umurimo ridufasha kuryohora ubusuku bwacu bwa gikirisu? Nuvuge uburorero butanu bukuwe muri porogarama y’uku kwezi. Ni ivyiza ibihe biva mu kwitegura imbere y’igihe? Ni kubera iki tworyitaba tudahorereza? Ni akarorero akahe dusanga mu vyanditswe ku vyerekeye iryo koraniro?
Imin. 20: “Nugume ubona ko ibintu vyihutirwa!”a Nushiremwo insasanuro zikuwe mu Munara w’Inderetsi wo ku wa 1 Ruhuhuma 2000, urupapuro rwa 6-7.
Ururirimbo rwa 19 n’isengesho ryo gusozera.
Indwi itangura ku wa 15 Munyonyo
Imin. 10: Amatangazo y’iwanyu. Niba inama duhabwa ku rupapuro rwa 4 zokora mu cibare ishengero ryanyu ryakebewe, nimuzikoreshe kugira mwerekane ingene umuntu yoshikiriza Umunara w’Inderetsi wo ku wa 1 Gitugutu na Be maso! (mu gifaransa) yo ku wa 8 Gitugutu. Ubundi buryo bwo gutanguza ikiyago bushingiye ku bintu bibaho koko bwoshobora gukoreshwa.
Imin. 15: Woba uzi agahimbare kazanwa n’ugutanga? Insiguro ishingiye ku Munara w’Inderetsi wo ku wa 1 Munyonyo 2004, urupapuro rwa 19-23. Niba iyo nomero itaboneka, nushingire iyo nsiguro ku Munara w’Inderetsi wo ku wa 1 Munyonyo 2003, urupapuro rwa 26-30.
Imin. 20: Nutsimbataze ugushimishwa ukoresheje ka gatabu gashasha. Insiguro be n’ikiganiro co guhana ijambo n’abumviriza bishikirizwa n’umucungezi w’umurimo. Dukwiye gusubira kuraba abo twayaze kugira dutsimbataze ugushimishwa kw’umuntu wese yemeye agatabu Mwame mugavye!. Ukoresheje ahavuga ngo “Ibirimwo”, usanga ku rupapuro rwa 2, nuvuge muri make ivyo dusanga muri ako gatabu, werekeze ivyiyumviro ku bihimba birimwo amajambo ashikirijwe mu buryo burashe kandi vyerekanwa n’ibara rimwe (birya vyanditswe mu ndome zisanzwe, munsi y’imitwe y’ijambo iri mu ndome zizize). Ayo mayagwa arashobora gukoreshwa ku bw’ibiyago bigufi kandi vyigisha, vyubakiye ku vyo tuba twarayazeko ubuheruka. Nk’akarorero, niba igihe wasubira kumugendera ubwa mbere mwayaze ku biri ku rupapuro rwa 3-4, igihimba co mw’ibara gifise umutwe uvuga ngo “Imana yoba koko ivyitaho?” kiri ku rupapuro rwa 5, coshobora gukoreshwa igihe usubiye kumugendera. Nuvuge ukugene umuntu yobigenza. Nimwihweze ibindi bihimba vyo mw’ibara, nk’ibiri ku rupapuro rwa 6-8 be n’urwa 17-18 canke ibindi vyoba bibereye mu cibare iwanyu. Nimugire umwerekano, aho umuntu asubira kugendera uwo bayaze, akoresheje kimwe mu bihimba vyo mw’ibara. Icanditswe kimwe canke birenga mu vyatanzwe gikwiye gusomwa hanyuma kikaganirwako. Nya mwamamaji asozere yerekeza ivyiyumviro vy’uwo bayaga ku kindi gihimba co mw’ibara kizoshobora kuganirwako niyasubira kumugendera.
Ururirimbo rwa 66 n’isengesho ryo gusozera.
Indwi itangura ku wa 22 Munyonyo
Imin. 10: Amatangazo y’iwanyu. Raporo y’ivy’amakonte.
Imin. 15: Ibikenewe iwanyu be n’Udukuru twa gitewokarasi.
Imin. 20: Gutangura inyigisho za Bibiliya n’abemeye ka gatabu gashasha. Insiguro n’ikiganiro co guhana ijambo n’abumviriza bishikirizwa n’umucungezi w’umurimo. Nimusubire mwihweze muri make wa mwerekano w’ugusubira kugendera uwo twayaze wagirwa kw’Ikoraniro ry’umurimo ry’ubuheruka, uvuge canecane ivyo muri ca gihimba co mw’ibara cavugwa mu gusozera uwo mwerekano. Nuringanize ivy’uko ba bamamaji nyene (nimba bishoboka) bakoresha ayo mayagwa mu kugira umwerekano wa rya subirayo rikurikira. Nya mwamamaji ace akoresha igipfukisho c’inyuma c’ako gatabu mu gusaba uwo baganira kugirirwa inyigisho ya Bibiliya, bace baringaniza ivyo kurimbura icigwa ca 1 c’agatabu Ni Ibiki Imana Idusaba? ubutaha asubiye kumugendera. Remesha bose kwitunira ku gutanguza inyigisho za Bibiliya n’abantu bemeye ka gatabu Mwame mugavye!
Ururirimbo rwa 58 n’isengesho ryo gusozera.
Indwi itangura ku wa 29 Munyonyo
Imin. 10: Amatangazo y’iwanyu. Niwibutse abamamaji bose gutanga raporo y’umurimo wo mu ndimiro yo muri Munyonyo. Nimugire umwerekano w’ukuntu hoshikirizwa Umunara w’Inderetsi wo ku wa 15 Gitugutu na Be maso! (mu gifaransa) yo ku wa 22 Gitugutu.
Imin. 10: Inyishu ku bibazo vyanyu. Insiguro ishikirizwa n’umukurambere.
Imin. 25: “Kurongora inyigisho za Bibiliya zitera imbere—Igihimba ca 3”.b Koresha ibibazo vyatanzwe. Mumaze kuganira ku ngingo ya 3, nimugire umwerekano mugufi ujanye n’ukuyobora inyigisho ya Bibiliya mu gatabu Ni Ibiki Imana Idusaba?, icigwa ca 5, ingingo ya 1. Ingingo yamaze gusomwa n’ikibazo camaze kwishurwa, uwuyobora inyigisho hamwe n’umutohoji basome bongere baganire ku canditswe co muri Yesaya 45:18 n’ico mu Musiguzi 1:4. Uwurongora inyigisho akoreshe ibibazo vyoroshe kugira atume nya mutohoji asigura ukuntu icanditswe kimwekimwe cose kijanye n’iciyumviro kiriko kirarimburwa.
Ururirimbo rwa 178 n’isengesho ryo gusozera.
Indwi itangura ku wa 6 Kigarama
Imin. 10: Amatangazo y’iwanyu. Vuga ibisohokayandikiro tuzoshikiriza muri Kigarama. Nimugire umwerekano w’uburyo bumwe canke bubiri bwo gutanguza ibiyago bwoshobora gukoreshwa igihe dushikiriza igitabu Umuntu Ahambaye.
Imin. 20: “Woba ushobora gufasha?”c Nubaze ibibazo umwamamaji umwe canke babiri bakengurutse imfashanyo canke indemesho bahawe n’abandi.
Imin. 15: Ivyabonywe ngaho iwanyu. Nusabe abumviriza bigane ivyo biboneye mu gusubira kuraba abo bahaye agatabu Mwame mugavye!. Nuringanize imbere y’igihe agakino gasubiramwo ivyabonywe bishimishije. Nukeze bose ku bwo kuba barashigikiye rya sekeza ridasanzwe.
Ururirimbo rwa 101 n’isengesho ryo gusozera.
[Utujambo tw’epfo]
a Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
b Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
c Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.