Urutonde rw’amakoraniro y’umurimo
Indwi itangura ku wa 13 Nyakanga
Imin. 12: Amatangazo y’iwanyu. Amatangazo arobanuwe mu yo mu Gikorwa dukorera Ubwami. Nimba inama ziri ku rupapuro rwa 6 zibereye ku cibare c’ishengero ryanyu, nimuzikoreshe mu kwerekana ingene mwoshikiriza Umunara w’Inderetsi wo ku wa 1 Myandagaro na Be maso! (mu gifaransa) yo ku wa 8 Myandagaro. Ubundi buryo na bwo nyene bwoshobora gukoreshwa. Umwerekano umwumwe wose uheze, nimushimike muri make ku bintu vyiza vyari muri wo.
Imin. 15: “Nugume uremuruye ijisho ryawe”.a Nimukoreshe ibibazo vyatanzwe. Umwanya ubakundiye, nimushimike ku vyanditswe vyatanzwe bitasubiwemwo mu majambo.
Imin. 18: Babone ibikorwa vyacu vyiza (1 Pet. 2:12). Insiguro n’uguhana ijambo n’abumviriza bishingiye ku Munara w’Inderetsi wo ku wa 1 Munyonyo 2002, urupapuro rwa 12-14, ingingo ya 14-20. Nusabe abumviriza bagire ico bavuze ku kuntu abantu b’aho iwanyu bakozwe ku mutima n’ukwibonera ibikorwa vyacu vyiza.
Ururirimbo rwa 162 n’isengesho ryo gusozera.
Indwi itangura ku wa 20 Nyakanga
Imin. 10: Amatangazo y’iwanyu. Nimwihweze ivyiyumviro bikurubikuru vyo mw’ikete rivuye ku biro vy’ishami, riri ku rupapuro rutangura rw’iki Gikorwa dukorera Ubwami. Nuremeshe bose gusoma mu Guharūra 16:1-35 no guca baraba ya videwo ivuga ivyo kwubaha ubukuru bwa Yehova (Respectons l’autorité de Jéhovah), aho ishobora kuboneka, mu kwitegurira Ikoraniro ry’umurimo ryo ku ndwi yo ku wa 4 Gitugutu.
Imin. 15: Twakoze gute mu mwaka uheze? Insiguro ishikirizwa n’umukurambere, ishingiye kuri raporo y’ishengero yo mu mwaka w’umurimo wa 2004. Niwibande ku mice iremesha y’iyo raporo kandi ukeze ishengero ku bw’ibintu vyiza ryaranguye. Nushimike ku gikorwa kiranga umwete abatsimvyi baranguye. Nuvuge umuce umwe canke ibiri ishengero ryokwitwararika mu mwaka uza.
Imin. 20: Twihangane mu gukora ibikorwa vyiza (Gal. 6:10). Nubaze ibibazo abatsimvyi babiri canke batatu, baba abasanzwe canke abafasha babukora rimwe na rimwe. Ni izihe ntambamyi bahanganye mu murimo barangurira Yehova, kandi bazitsinze gute? Ni ibiki vyabafashije kwihangana mu kugirira neza abandi? Ni mu buryo ki utwigoro bagira mu busuku bwa gikirisu twabunguye tukongera tukungura abandi? Nimba bibereye, nimushiremwo insasanuro zivuga ivyakozwe aho iwanyu kugira mushobore kubwira ubutumwa bwiza abantu bavuga urundi rurimi. Nukeze bose ku bw’‘ibikorwa vyabo biva ku kwizera n’ubutame bwabo buva ku rukundo be no ku bw’ukwihangana kwabo’.—1 Tes. 1:2, 3.
Ururirimbo rwa 103 n’isengesho ryo gusozera.
Indwi itangura ku wa 27 Nyakanga
Imin. 15: Amatangazo y’iwanyu. Raporo y’ivy’amakonte. Niwibutse abamamaji gutanga raporo y’umurimo wo mu ndimiro yo muri Nyakanga. Nimwerekane ingene Umunara w’Inderetsi wo ku wa 15 Myandagaro na Be maso! (mu gifaransa) yo ku wa 22 Myandagaro vyoshikirizwa.
Imin. 10: Ijambo rya Yehova ni rizima. Insiguro. Kugira dufashwe kwungukira mu buryo bushitse kuri porogarama y’ugusoma Bibiliya kw’umushamvu yo mw’Ishure ry’Ubusuku bwa Gitewokarasi, urukurikirane rw’ibiganiro ruvuga ngo “Ijambo rya Yehova ni rizima”, rwaratanguye gusohoka mu nomero zimwezimwe z’Umunara w’Inderetsi. Ukoresheje Umunara w’Inderetsi wo ku wa 15 Nyakanga 2004 urupapuro rwa 24-27, nushire ahabona imice nyamukuru y’ivyo biganiro. Uguca ku masonga ivyiyumviro nyamukuru guheze, igihimba kivuga ngo “Inyishu z’ibibazo bishingiye ku Vyanditswe” gica gisigura imirongo imwimwe yo mu Vyanditswe itoroshe gutahura. Amajambo ari munsi y’ahavuga ngo “Ivyigwa tuhigira”, arashimika ku gaciro ngirakimazi k’amakuru ari muri ico gisomwa. Rimbura uburorero bukeya butomoye kugira werekane ingene urwo rukurikirane ruzodufasha kurushiriza gutahura Ijambo ry’Imana. Nuremeshe bose gukoresha neza iyo ntunganyo nshasha narirya mu ndwi iza tugiye gutangura gusoma igitabu co Gusubira mu vyagezwe.
Imin. 20: “Nukoreshe neza Bibiliya”.b Nimukoreshe ibibazo vyatanzwe. Nushingire amajambo y’intangamarara ku gitabu c’Ishure ry’Ubusuku, urupapuro rwa 145 ingingo ya 2-3. Nimushiremwo imyerekano ibiri migufimigufi, umwe ube uwo kugendera umuntu ari bwo bwa mbere, uwundi na wo ube uwo gusubira kumugendera. Iyo myerekano ishire ahabona ingene inama zatanzwe zoshirwa mu ngiro.
Ururirimbo rwa 38 n’isengesho ryo gusozera.
Indwi itangura ku wa 4 Gitugutu
Imin. 5: Amatangazo y’iwanyu be n’Udukuru twa gitewokarasi. Raba no ku rupapuro rwa 4.
Imin. 15: Inyishu ku bibazo vyanyu. Guhana ijambo n’abumviriza.
Imin. 25: Nugamburukire ubukuru bw’Imana udahemuka. Insiguro ishikirizwa n’umucungezi muhagarikizi ishingiye ku Munara w’Inderetsi wo ku wa 1 Myandagaro 2002, urupapuro rwa 9-14. Nimwihwereze hamwe n’abumviriza imice itandatu aho Kora be n’abamukurikiye bananiwe kugamburuka ubukuru bw’Imana. Raba Umunara w’Inderetsi (mu gifaransa) wo ku wa 15 Nzero 2002, urupapuro rwa 29 ingingo ya 1. Aho iyo videwo ishobora kuboneka, nimuganire ku mutwe uvuga ngo: “Dutegerezwa kwubaha ubukuru bwa Yehova”. Soma Yuda 11, amajambo y’intangamarara uyashikirize mu mwanya utarenga iminuta ibiri. Nuce utangura ikiganiro co guhana ijambo n’abumviriza, ukoresheje ibibazo vyose biri muri ico kiganiro. Nushimike ku ciyumviro c’uko kugira tugume twemerwa na Yehova, dutegerezwa kwirinda agatima ka Kora k’ubugarariji tugaheza tukigana akarorero k’abahungu biwe bataretse ngo hagire ikintu na kimwe kija imbere y’ukutadohoka kwabo kuri Yehova.
Ururirimbo rwa 99 n’isengesho ryo gusozera.
[Utujambo tw’epfo]
a Amajambo y’intangamarara nuyashikirize mu mwanya udashika umunuta umwe, hanyuma hakurikire ikiganiro c’ibibazo n’inyishu.
b Amajambo y’intangamarara nuyashikirize mu mwanya udashika umunuta umwe, hanyuma hakurikire ikiganiro c’ibibazo n’inyishu.