Urutonde rw’amakoraniro y’umurimo

Indwi itangura ku wa 12 Mukakaro

Ururirimbo rwa 12 (113)

Imin. 12: Amatangazo y’iwanyu. Amatangazo arobanuwe mu yo mu Gikorwa dukorera Ubwami. Mukoresheje inama ziri ku rupapuro rwa 4, nimwerekane ingene umuntu yoshikiriza Umunara w’Inderetsi wo ku wa 1 Ruheshi na Be maso! (mu gifaransa) yo ku wa 8 Ruheshi. Muri umwe muri iyo myerekano, nimwerekane ingene mwoshikiriza ikinyamakuru uwo muhuriye mw’ibarabara atavuga neza ururimi rw’aho iwanyu.

Imin. 18: “Twigane ubutungane bwa Yehova”.a Nimba akanya kabonetse, nusabe abumviriza bagire ico bavuze ku vyanditswe vyatanzwe.

Imin. 15: Bibiliya ni igitabu c’ubuhanuzi bwo kwizigirwa. Insiguro n’ikiganiro co guhana ijambo n’abumviriza bishingiye ku gatabu Un livre pour tous, ku rupapuro rwa 27-29. Mu busuku turangura, kenshi turahura n’abantu bipfuza kumenya ico kazoza katubikiye. Bibiliya irimwo amakuru yo kwizigirwa ashira ahabona kazoza gahimbaye abantu bagamburuka biteze. Nimusuzume ubuhanuzi bumwebumwe bwo muri Bibiliya bukomeza ukwizigira dufise mu vyo Bibiliya yabuye bitararanguka. Nusabe umwamamaji yerekane muri make ukuntu ivyabaye bivugwa muri Bibiliya vyokoreshwa kugira bifashe uwashimishijwe gukomeza ukwizigira Bibiliya.

Ururirimbo rwa 17 (187) n’isengesho ryo gusozera.

Indwi itangura ku wa 19 Mukakaro

Ururirimbo rwa 18 (162)

Imin. 10: Amatangazo y’iwanyu. Nimuganire ku ruzitiro ruvuga ngo “Ivyahindutse ku masaha y’Ihwaniro ry’Intara ryo mu 2004 ryataziriwe ngo “Gendana n’Imana”. Nimuganire ku kamaro ko kwumira ku rutonde rw’ugusoma Bibiliya ku musi ku musi, n’igihe nyene hari ibindi bikorwa biciriyemwo urutonde rw’ivyo twari dusanzwe dukora. Nushiremwo insasanuro ukuye mu Munara w’Inderetsi (mu gifaransa) wo ku wa 15 Myandagaro 2000, urupapuro rwa 32.

Imin. 15: Ibikenewe iwanyu.

Imin. 20: “Kurongora inyigisho za Bibiliya zitera imbere”—Igice ca 1. Insiguro ishikirizwa n’umucungezi w’umurimo. Nureke abumviriza bagire ico bavuze ku mayagwa ari mu gitabu Prédicateurs, urupapuro rwa 572-574, adondora kahise k’igikorwa co kwigisha Bibiliya mu bihe vya none. Nutume barushiriza kwitegana igishika urukurikirane rw’ibiganiro nk’ivyo bigiye kuza. Mu biganiro bizokwihwezwa, hazoba harimwo ibivuga ingene umuntu yokwitegurira kurongora inyigisho ya Bibiliya, ingene yofasha umutohoji gutegura, ukuntu amayagwa mwokwiga akwiye kuba angana, ingene umuntu yokoresha neza ivyanditswe, ukuntu twokwishura ibibazo umutohoji avyuye, ingene umuntu yokwinjizamwo ivy’isengesho be n’ingene yoyobora umutohoji kw’ishirahamwe. Nuremeshe bose gushira mu ngiro inama zitangwa no kuzigama neza ivyo biganiro kugira baze bavyikoreko muri kazoza.

Ururirimbo rwa 22 (130) n’isengesho ryo gusozera.

Indwi itangura ku wa 26 Mukakaro

Ururirimbo rwa 25 (204)

Imin. 12: Amatangazo y’iwanyu. Raporo y’ivy’amakonte. Niwibutse abamamaji gutanga raporo y’umurimo wo mu ndimiro yo muri Mukakaro. Mukoresheje inama ziri ku rupapuro rwa 4, nimwerekane ukuntu umuntu yoshikiriza Umunara w’Inderetsi wo ku wa 15 Ruheshi na Be maso! (mu gifaransa) yo ku wa 22 Ruheshi. Muri umwumwe wose, niherekanwe uburyo butandukanye umuntu yokwishura ku majambo yo guhagarika ikiyago agira ati: ‘Ni kuki mugendera abantu kenshi gutyo?’.—Raba agatabu Uburyo bwo Gutanguza Ibiyago, urupapuro rwa 12.

Imin. 8: Inyishu ku bibazo vyanyu. Gishikirizwe n’umukurambere. Nimusome ico kiganiro cose mwongere mukiganireko.

Imin. 25: “Uburyo bwo kwamamaza mu kibanza kigirirwamwo ubudandaji”.b Nucishemwo intunganyo mwagize aho iwanyu kugira mushinge intahe mu bibanza bigirirwamwo ubudandaji. Nimugire imyerekano migufi mukoresheje burya buryo bubiri bwatanzwe mu ngingo ya 4-5 canke ubundi buryo bwagaragaye ko ari ngirakamaro aho iwanyu. Nimba habonetse akanya, nusabe abumviriza bigane ibintu biremesha biboneye igihe bariko bakorera mu kibanza kigirirwamwo ubudandaji.

Ururirimbo rwa 23 (200) n’isengesho ryo gusozera.

Indwi itangura ku wa 2 Myandagaro

Ururirimbo rwa 2 (15)

Imin. 8: Amatangazo y’iwanyu.

Imin. 22: Woba utanga imvo? Insiguro n’ikiganiro co guhana ijambo n’abumviriza bishingiye ku gitabu Ishure ry’Ubusuku, urupapuro rwa 254, ingingo ya 1-2. Igihe dusigura ivyanditswe twongera twerekana ingene vyoshirwa mu ngiro turi mu busuku bwo mu ndimiro canke ku mukiruruko, inyigisho yacu izorushiriza kuba iyishika ku nyota igihe dutanga imvo z’ivyo turiko turavuga, aho gupfa kuvuga gusa ko ari uko biri. Ukoresheje uburorero bubereye icibare canyu ukuye mu gitabu Comment raisonner canke mu bindi bisohokanyandikiro, niwerekane uburyo bwo (1) kurobanura amajambo y’ishimikiro ari mu canditswe no kuyasigura, (2) gutanga ikimenyamenya kibishigikira kivuye mu majambo akikije ivyo wasomye canke kivuye mu kindi canditswe kivuga ivy’ico kiganiro, (3) gukoresha ikigereranirizo kugira werekane ko ivyo wavuze bitegereka, wongere werekane uburyo bwo (4) gukoresha ibibazo kugira ufashe abakwumviriza kuzirikana kuri ico kintu. Nushimike ku vyiza biva ku gukoresha uburyo bufasha abantu kuzirikana.

Imin. 15: Nukoreshe neza igitabu c’umwaka (Annuaire 2004). Insiguro n’ikiganiro co guhana ijambo n’abumviriza. Nucishemwo ivyiyumviro bikurubikuru vyo mw’ “Ikete rivuye ku Nama Nyobozi”, ibitigiri vyibonekeje vyo muri raporo yo kw’isi yose, be n’ivyabonywe bikeyi bikomeza ukwizera. Nuremeshe bose gusoma ico gitabu cose muri uyu mwaka.

Ururirimbo rwa 4 (43) n’isengesho ryo gusozera.

[Utujambo tw’epfo]