Ico twovuga ku vyerekeye ibinyamakuru

Umunara w’Inderetsi 15 Nyak.

“Mw’isi ya kino gihe bamwebamwe biyumvamwo yuko bari mu mubano w’abubatse utarimwo urukundo. None abantu nk’abo bokura hehe imfashanyo? [Rindira yishure.] Bibiliya iradukura amazinda yuko ingingo ngenderwako z’Imana zishobora kudufasha. [Soma Yesaya 48:17, 18.] Iyi nomero y’Umunara w’Inderetsi irihweza ingingo ngenderwako zo muri Bibiliya zishobora gukomeza umubano w’abubatse”.

Réveillez-vous! 22 Nyak.

“Turatangazwa n’ubushobozi ibikoko bifise bwo kuganira. Mugabo none wari uzi yuko mu mice imwimwe abantu batandukanye cane n’ibikoko? [Rindira yishure. Maze usome Zaburi 65:2.] Twebwe turipfuza kuganira n’Imana, ariko ibikoko vyovyo ntivyipfuza kuganira n’Imana. Iki kinyamakuru kirerekana ukuntu dushobora kuganira mu buryo bwiza n’abantu be n’Imana”.

Umunara w’Inderetsi 1 Git.

“Woba umaze kwibaza uti: ‘Nimba Imana ari inyarukundo ikongera ikaba Mushoboravyose, ni kubera iki idatabara abariko baracumukura?’. [Rindira yishure.] Ubu bwa vuba igiye gukuraho ingorane zose. [Soma Yesaya 65:17.] Iki kinyamakuru cerekana yuko, mu kurindira ico gihe, Imana itaguma gusa iraba uko ducumukura itabinezwe”.

Réveillez-vous! 8 Git.

“Woba umaze kwumva ko abarimyi benshi bariko barabona yuko bigoye kubandanya kurima ngo baronke ibibatunga? [Rindira yishure.] Iyi nomero ya Réveillez-vous! iraca irya n’ino ivy’ico kibazo, ikongera ikerekana umuhango Bibiliya itanga w’igihe ciza cane kiri imbere. [Soma Zaburi 72:16.] Ninagaruka, nipfuza kuzogusigurira ingene Imana izoshitsa ibi bintu”.