Urutonde rw’Amakoraniro y’Umurimo

Indwi Itangura ku wa 11 Munyonyo

Ururirimbo rwa 27 (221)

Imin. 10: Amatangazo y’iwanyu. Amatangazo arobanuwe mu yo mu Gikorwa Dukorera Ubwami. Mukoresheje inama ziri ku rupapuro rw’8, nimugire imyerekano ibiri itandukanye y’ukuntu umuntu yoshikiriza Umunara w’Inderetsi wo ku wa 15 Gitugutu na Réveillez-vous! yo ku wa 22 Gitugutu. Muri umwe muri iyo myerekano, nimusigure ingene igikorwa turangurira kw’isi gishigikirwa mu vy’amahera.—Raba Umunara w’Inderetsi ku rupapuro rwa 2 canke Réveillez-vous! ku rupapuro rwa 5.

Imin. 15: Abashigikira Ugusenga kw’Ukuri—Muri Kahise be no Muri Iki Gihe. Insiguro ishingiye ku Munara w’Inderetsi wo ku wa 1 Munyonyo 2002 ku rupapuro rwa 26 gushika ku rwa 30. Nimba ico kinyamakuru ata kihari, nimurimbure ikiganiro kivuga ngo “La bénédiction de Jéhovah—Voilà ce qui enrichit” (Umugisha wa Yehova Ni Wo Utungisha), co mu Munara w’Inderetsi (mu Gifaransa) wo ku wa 1 Munyonyo 2001, ku rupapuro rwa 27-30.

Imin. 20: “Nusahirize Umucungezi Wanyu w’Inyigisho y’Igitabu y’Ishengero.”a Gishikirizwe n’umukurambere, akaba n’umucungezi w’Inyigisho y’Igitabu y’Ishengero. Igihe murimbura ingingo ya 3, nushiremwo insasanuro ukuye mu gitabu Ishure ry’Ubusuku ku rupapuro rwa 70. Nukeze ishengero ku vyerekeye uburyo butomoye rishigikira indinganizo y’inyigisho y’igitabu, kandi ubigiranye ubugwaneza ukwegere ivyiyumviro ku mice iyo ari yo yose ikeneye gutezwa imbere.

Ururirimbo rw’8 (53) n’isengesho ryo gusozera.

Indwi Itangura ku wa 18 Munyonyo

Ururirimbo rwa 5 (46)

Imin. 10: Amatangazo y’iwanyu. Raporo y’ivy’amakonte.

Imin. 10: Inyishu ku Bibazo Vyanyu. Insiguro ishikirizwa n’umukurambere abishoboye.

Imin. 25: “Yemwe Abahagarikiye Imiryango—Nimugumane Urutonde Rwiza rw’Ibikorwa vyo mu vy’Impwemu.” Uhejeje gushikiriza insiguro ngufi y’intangamarara ishingiye ku ngingo ya 1-3, nurongore ikiganiro co guhana ijambo n’abumviriza gishingiye ku ngingo ya 4-13. Nimba umwanya ubakundiye, nusome ingingo y’7, 8, 11 n’iya 12. Nucishemwo igihe co kubaza ibibazo umuvyeyi umwe canke babiri. Ni igiki cafashije umuryango wabo kugira urutonde rwiza rw’ibikorwa vyo mu vy’impwemu? Ivyo vyabasavye kugira akigoro akahe? Bahungukiye gute? Nusozere mu kuvuga amajambo magufi ashingiye ku ngingo ya 14.

Ururirimbo rwa 4 (43) n’isengesho ryo gusozera.

Indwi Itangura ku wa 25 Munyonyo

Ururirimbo rwa 2 (15)

Imin. 10: Amatangazo y’iwanyu. Umugore n’umugabo bubakanye bakorana mu busuku bwo mu ndimiro, bagire umwerekano w’ukuntu bokoresha inama ziri ku rupapuro rw’8 mu gushikiriza ikinyamakuru co ku wa 1 Munyonyo n’ico ku wa 8 Munyonyo. Umugabo ashikirize Umunara w’Inderetsi umugore na we ashikirize Réveillez-vous!

Imin. 15: “Menyekanisha Ukuri Kwerekeye Yezu.”b Nushiremwo insasanuro zivuye mu gitabu Ishure ry’Ubusuku ku rupapuro rw’278. Nuremeshe bose kuzozana ico gitabu mw’Ikoraniro ry’Umurimo ryo mu ndwi ikurikira ku bw’igihimba kivuga ngo “Ishure Rituronsa Ivyangombwa Kugira ngo Dukore Ibikorwa Bihambaye Kuruta Ibindi mu Buzima.”

Imin. 20: “Niwitwararike ‘Impfuvyi’ Ubigiranye Urukundo.” Nutangure mu gushikiriza insiguro y’iminuta 3 yerekana ukuntu Yehova abona impfuvyi, ishingiye ku ngingo ya 1 be no ku gitabu Étude Perspicace, Imbumbe ya 2, ku rupapuro rw’459. Nurimbure amayagwa asigaye y’ico kiganiro, ukoresheje ibibazo n’inyishu. Nushimike ku buryo ngirakamaro abandi bashobora gufasha no gutanga indemesho. Igihe uzoba uriko urarimbura ingingo ya 3-4, nushiremwo insasanuro ngufi ukuye muri Réveillez-vous! yo ku wa 8 Gitugutu 1995 ku rupapuro rw’8-9.

Ururirimbo rwa 17 (187) n’isengesho ryo gusozera.

Indwi Itangura ku wa 2 Kigarama

Ururirimbo rwa 3 (32)

Imin. 8: Amatangazo y’iwanyu. Niwibutse abamamaji gutanga amaraporo y’umurimo wo mu ndimiro y’ukwezi kwa Munyonyo. Nimwihweze mu ncamake amajambo mwoshobora gukoresha igihe mushikiriza igitabu Umuntu Ahambaye.—Raba Igikorwa Dukorera Ubwami co muri Ruheshi 1998 ku rupapuro rw’8.

Imin. 12: Ibikenewe iwanyu n’Udukuru twa Gitewokarasi.

Imin. 25: “Ishure Rituronsa Ivyangombwa Kugira ngo Dukore Ibikorwa Bihambaye Kuruta Ibindi mu Buzima.” Ikiganiro c’uguhana ijambo n’abumviriza gishikirizwa n’umucungezi w’ishure. Nutume barushiriza kugirira igishika porogarama nshasha y’ishure izotangura muri Nzero. Nukwegere ivyiyumviro ku mice y’ “Urutonde rw’Ishure ry’Ubusuku bwa Gitewokarasi rwo mu 2003,” mu nyongera y’Igikorwa Dukorera Ubwami co muri Gitugutu 2002. Niwerekane ibisabwa kugira ngo umuntu aje muri iryo shure, nk’uko biri mu gitabu Ishure ry’Ubusuku ku rupapuro rw’282, maze uremeshe abatararyiyandikishamwo kubigira nimba bakwije ibisabwa.

Ururirimbo rwa 15 (127) n’isengesho ryo gusozera.

[Utujambo tw’epfo]