Urutonde rw’Amakoraniro y’Umurimo

Indwi Itangura ku wa 12 Munyonyo

Ururirimbo rwa 28 (224)

Imin. 8: Amatangazo y’iwanyu. Amatangazo yarobanuwe mu yo mu Gikorwa Dukorera Ubwami. Nimutangaze intunganyo zerekeye igikorwa co mu ndimiro zategekanijwe ku mpera y’indwi.

Imin. 15: Kwiga Igitabu Umuntu Ahambaye Kuruta Ababayeho Bose.a Nuvyure igishika co kwiga ico gitabu guhera ku ndwi itangura ku wa 3 Kigarama.

Imin. 22: “Uraba Maso ku Mvugo z’Ibintazi Zikundwa na Benshi.” Iki kiganiro c’uguhana ijambo n’abumviriza gitangwe n’umucungezi w’umurimo.

Ururirimbo rwa 21 (191) n’isengesho ryo gusozera.

Indwi Itangura ku wa 19 Munyonyo

Ururirimbo rwa 16 (143)

Imin. 8: Amatangazo y’iwanyu. Raporo y’ivy’amakonte.

Imin. 15: Ibikenewe iwanyu.

Imin. 22: “Nutsimbataze Ububasha Bwawe bwo Gutegera.”b Umukurambere arongore mu buryo buranga igishika ikiganiro cerekeye porogarama y’umusi w’iteraniro ridasanzwe ryagizwe mu mwaka w’umurimo uheze.

Ururirimbo rw’17 (187) n’isengesho ryo gusozera.

Indwi Itangura ku wa 26 Munyonyo

Ururirimbo rwa 7 (51)

Imin. 15: Amatangazo y’iwanyu. Nimwibutse abamamaji gutanga raporo y’umurimo wo mu ndimiro y’ukwezi kwa Munyonyo. Mukoresheje inama ziri mu kiganiro kigira giti: “Ico Twovuga ku Vyerekeye Ibinyamakuru,” nimugire imyerekano ibiri iteguye neza ku kuntu twoshikiriza ibinyamakuru—ku mwerekano umwe mukoreshe Umunara w’Inderetsi wo ku wa 1 Kigarama, uwundi na wo mukoreshe Réveillez-vous! canke izindi nomero za vuba cane ziboneka mw’ishengero. Hanyuma musigure ukuntu tworondera amajambo dukoresha igihe turiko turashikiriza ako ari ko kose mu dutabu tw’impapuro 32 tuboneka mw’ishengero tuzoshikirizwa mu kwezi kwa Kigarama. Aho igitabu Index des Publications de la Société Watchtower kiboneka, nimurabire ku gatwe kavuga ngo “Présentations” ku gatwe k’aho gatoya kagira gati: “Liste des Publications.” Nimuvuge akarorero kamwe canke tubiri. Nimwibutse bose kugira umwidegemvyo wo gukoresha udupapuro tw’inkuru z’Ubwami tuboneka mw’ishengero.

Imin. 15: “Mbega Nokura Hehe Umwanya?” Insiguro n’uguhana ijambo n’abumviriza. Nushiremwo ingingo nkurunkuru zivuye mu Munara w’Inderetsi wo ku wa 1 Gitugutu 2000, urupapuro rwa 29, ingingo ya 9-10, ku gatwe kavuga ngo “Ukuntu Bamwebamwe Barondera Akabero ko Kwiga.” Nusabe abumviriza bigane uburyo bw’ingirakimazi bwabafashije kuronkera umwanya ibintu bihambaye kuruta ibindi mu kureka gukurikirana ibitari ngombwa. Nushimikire ku vy’uko hakenewe ko umuntu agabura umwanya wiwe ku buryo aronka umwanya wo kwiyigisha, kwigisha umuryango, umwanya w’amakoraniro y’ishengero, w’ubusuku bwo mu ndimiro, be n’uw’ugusoma Bibiliya ku musi ku musi.

Imin. 15: Abakiri Bato Bariko Barashemeza Yehova. Ikiganiro c’uguhana ijambo n’abumviriza. Amashengero atari make arafise abakiri bato benshi bagira uruhara mu gikorwa co kwamamaza. Ivyo birabereye ko babigenza nk’uko, mbere naho nyene usanga ahanini bashingira intahe abantu bakuze. (Zab. 148:12, 13; Mat. 21:15, 16) Igihe abavyeyi hamwe n’abandi bamamaji babitwararika, bakabamenyereza kandi bakabaremesha, abakiri bato baragira umunezero mwinshi mu murimo wo mu ndimiro. Nusabe abumviriza batange inama z’ukuntu boshiramwo n’abakiri bato mu gikorwa co ku nzu ku nzu be no gusubirayo. Nubaze abavyeyi bigane ico bakoze kugira ngo bafashe abana babo kwiga ukuntu boshikiriza ibinyamakuru, gukoresha Bibiliya igihe bashikiriza inkuru nziza hamwe no kuvuga bashize amanga ku mihana. Nushimike ku vyiza biva mu gukeza abana. Nubaze umwe canke babiri mu bamamaji bakiri bato, maze ubareke bavuge ikintu kibanezereza mu gikorwa co kwamamaza n’igituma kibanezereza.

Ururirimbo rwa 27 (221) n’isengesho ryo gusozera.

Indwi Itangura ku wa 3 Kigarama

Ururirimbo rwa 20 (93)

Imin. 8: Amatangazo y’iwanyu.

Imin. 17: “Niwiheke Kuri Yehova Kugira Uronke Inkomezi.”c Nimushiremwo insasanuro ngufi ziri mu Munara w’Inderetsi wo ku wa 1 Gitugutu 1999, urupapuro rwa 28-29, ingingo ya 6-8.

Imin. 20: “Imihezagiro Iva ku Kugaragaza Ugukenguruka Urukundo rwa Yehova”—Ikigabane ca 1.”d Igihe muzoba muriko muraganira ku ngingo ya 3-6, nusabe ishengero ryigane ivyabonywe mu gikorwa co ku nzu ku yindi biremesha, c’ugushinga intahe mw’ibarabara, hamwe n’ic’ugusubira kugendera abantu tutibagiye n’umurimo wo kurongora inyigisho za Bibiliya.

Ururirimbo rwa 23 (200) n’isengesho ryo gusozera.

[Utujambo tw’epfo]