Urutonde rw’Amakoraniro y’Umurimo

Indwi Itangura ku wa 11 Kigarama

Ururirimbo rwa 28 (224)

Imin. 10: Amatangazo y’iwanyu. Amatangazo arobanuwe mu yo mu Gikorwa Dukorera Ubwami. Nimba ishengero rifise mu bubiko ibitabu Le plus grand homme canke Grand Enseignant, niwerekane ukuntu bishobora gukoreshwa ku bw’akunguko keza mu busuku mu kiringo c’imisi mikuru. Nuremeshe umwe wese mw’ishengero kuraba ya videwo yitwa La Bible: un récit historique exact, des prophéties dignes de foi mu kwitegurira ikiganiro co kw’Ikoraniro ry’Umurimo ryo ku ndwi yo ku wa 25 Kigarama. Abafise iyo videwo barashobora kuyitiririkanya n’abatayifise, canke kumbure bagashobora kuyirabira hamwe. Aho iyo videwo itaboneka, barashobora kwihweza ibikenewe iwabo.

Imin. 15: “Nutinye Yehova Umusi Wose.”a Nushiremwo insobanuro y’ugutinya Imana yatanzwe muri Réveillez-vous! yo ku wa 8 Nzero 1998 ku rupapuro rwa 26. Nushimike ku nyungu nziza z’ugutinya Yehova.

Imin. 20: “Akosho k’Urunganwe n’Agateka Kawe ko Kwamamaza.” Insiguro n’ibiganiro vyo kubaza ibibazo. Nusabe abantu bashikiwe n’akosho k’urunganwe bigane ukuntu bashoboye kuguma bafise umwete mu gikorwa co kwamamaza naho kabashikiye.

Ururirimbo rwa 9 (37) n’isengesho ryo gusozera.

Indwi Itangura ku wa 18 Kigarama

Ururirimbo rwa 12 (113)

Imin. 15: Amatangazo y’iwanyu. Raporo y’ivy’amakonte. Nuvuge indinganizo zidasanzwe z’umurimo wo mu ndimiro zo ku wa 25 Kigarama no ku wa 1 Nzero. Niwishure iki kibazo kigira giti: Vyoba bibujijwe kugira uruhara mw’ihimbazwa ry’imisi mikuru ishobora kuba ifise inkomoko itari iya gikirisu mu gihe ivyo bidakozwe ku bw’imvo z’ivy’idini?—Raba igitabu Kutoa Sababu urupapuro rw’152-154.

Imin. 12: “Ishure ry’Ubusuku bwa Gitewokarasi mu 2001.” Insiguro itangwa n’umucungezi w’ishure. Nuremeshe bose kubandanya ugusoma Bibiliya kwabo kwo ku ndwi ku ndwi, kandi babe abanyamwete mu gushitsa ibigabu vyabo mw’ishure.

Imin. 18: “Woba Wamamaza Ushize Amanga?”b Nutange insasanuro ku vyanditswe biri muri ico kiganiro. Ukoresheje igitabu Notre Ministère urupapuro rwa 86-87, niwerekane ukuntu dushobora kuronka ubushizi bw’amanga bwinshi gusumba maze tukarushiriza kuba kirumara mu murimo wo mu ndimiro.

Ururirimbo rwa 13 (124) n’isengesho ryo gusozera.

Indwi Itangura ku wa 25 Kigarama

Ururirimbo rwa 4 (43)

Imin. 10: Amatangazo y’iwanyu n’Udukuru twa Gitewokarasi. Nusabe abumviriza bigane ivyo ari vyo vyose baherutse kubona mu gikorwa cabo co gushinga intahe. Nimwihweze ibisohokayandikiro vyo gushikiriza muri Nzero.

Imin. 10: Akumba k’Ibibazo.

Imin. 25: “Kwigira Kuri Videwo Yitwa La Bible: un récit historique exact, des prophéties dignes de foi.” Guhana ijambo n’abumviriza. Nutange inama ku kuntu iyo videwo ishobora gukoreshwa kugira ngo ivyurire ingiro abandi. (Annuaire 1999 urupapuro rwa 50-52) Muri Ruhuhuma tuzokwihweza videwo igira kabiri yo muri urwo rukurakuranwe yitwa, La Bible: le plus ancien livre de l’humanité—mais toujours d’actualité. Aho iyo videwo itaboneka, nimwihweze ibikenewe iwanyu mw’ishengero.

Ururirimbo rwa 5 (46) n’isengesho ryo gusozera.

Indwi Itangura ku wa 1 Nzero

IBIMENYESHEJWE: Amashengero ntakwiye kwimurira Ikoraniro ry’Umurimo ryayo ryo mu ndwi yo ku wa 1 Nzero ku mugoroba w’imbere y’aho kiretse umucungezi w’umuzunguruko ariko arayagendera. Mw’ishengero iryo ari ryo ryose inyongera y’ihwaniro ikwiye kwihwezwa mw’Ikoraniro ry’Umurimo nk’uko yashizwe ku rutonde. Nimba muri iyo ndwi hari iteraniro ry’umuzunguruko, abarongozi b’inyigisho z’igitabu bakwiye gutangaza ahantu n’amagenekerezo ihwaniro rizoberako ku rutonde rwabo basanganywe rw’inyigisho z’igitabu.

Ururirimbo rwa 16 (143)

Imin. 8: Amatangazo y’iwanyu. Nimba ishengero ryanyu rizohindura ibihe vy’amakoraniro ku bw’umwaka mushasha, ubigiranye ubugwaneza, nuhimirize umwe wese kuguma yitaba amakoraniro adahorereza muri ivyo bihe bishasha. Numenyeshe abatohoji ba Bibiliya hamwe n’abandi bashimishijwe amahinduka ayo ari yo yose, kandi batangure gukoresha udukaratasi tw’ubutumire tugaragaza urwo rutonde rushasha. Nugire ico uvuze kuri raporo y’igihugu y’umurimo wo mu ndimiro muri Myandagaro be n’iy’ishengero ry’aho iwanyu. Niwibutse abamamaji gutanga amaraporo y’umurimo wo mu ndimiro y’ukwezi kwa Kigarama.

Imin. 17: Uburyo bwo Kwitegurira Gusubira Kugendera Abantu. Serugo araganira n’umuryango wiwe ukuntu bashobora kurushiriza kwimbuka mu busuku bwabo. Arashimika ku mvo zo mu Vyanditswe zerekeye ivy’ugukurikirana ugushimishwa kwose kwabonetse. Bakoresheje inyobozo zatanzwe mu Munara w’Inderetsi wo ku wa 1 Mukakaro 1999 urupapuro rwa 32 ingingo ya 18, abagize umuryango baritegurira gusubira kugendera abantu. Bose baremera icese yuko bashikiriye abantu bakwiye gusubira kugenderwa. Umwumwe wese aradondora inyishu yahawe ku ncuro ya mbere yagendeye umuntu, maze abasigaye baratanga iciyumviro n’icanditswe cokoreshwa mu gusubira kugendera uwo muntu. Bararonkera ivyiyumviro mu gatabu Ni Ibiki Imana Idusaba? vyoshobora gukoreshwa mu buryo ngirakimazi. Abo bavyeyi barasaba umwe muri abo bana kwimenyereza ivyo azovuga igihe azoba aramukije. Barategekanya umwanya ubereye wo gusubira kugendera abantu mu ndwi iza.

Imin. 20: “Ihwaniro ry’Intara ry’Ivyabona vya Yehova ryo mu 2001 Ryataziriwe ngo ‘Abigisha b’Ijambo ry’Imana.’ ” Umunyamabanga ashikirize ikiganiro co mu nyongera akoresheje ibibazo n’inyishu. Nukoreshe Ivyanditswe vyatanzwe kugira werekane igituma twese dukeneye gukurikira ubuyobozi bwa Sosiyete nk’uko buri. Nushimangire ivy’uko bihambaye kuringaniza ivyerekeye akaruhuko mu maguru masha kugira ngo hazoboneke umwanya wo kwitaba imisi itatu yose y’ihwaniro. Nukeze bose ku vyerekeye gukurikiza izo ndinganizo za Sosiyete.

Ururirimbo rwa 26 (212) n’isengesho ryo gusozera.

[Utujambo tw’epfo]