Urutonde rw’Amakoraniro y’Umurimo

Indwi Itangura Ku wa 13 Ntwarante

Ururirimbo rwa 20 (93)

Imin. 10: Amatangazo y’iwanyu. Amatangazo arobanuwe mu yo mu Gikorwa Dukorera Ubwami.

Imin. 15: “Twamamaza Inkuru Nziza.” Amajambo y’intangamarara nuyashikirize mu mwanya udashika umunuta, hanyuma hace hakurikira ikiganiro c’ibibazo n’inyishu. Nutange uturorero tw’ivyiyumviro vyizavyiza vyo mu Vyanditswe bishobora gukurwa mu gitabu Ubumenyi mu gihe gishikirizwa mu busuku.

Imin. 20: “Ndamukiza 2000 Twoshobora Kukugira Ukwezi Kwacu Ntangere?” (Ingingo ya 1-11) Ikiganiro c’ibibazo n’inyishu. Nuvuge igitigiri c’agaheta c’abatsimvyi bafasha giherutse gushikwako vuba mw’ishengero. Nusabe bamwebamwe bari muri ico gitigiri bavuge ivyiza ubwabo bakuye mu kwongereza uruhara rwabo muri ubwo busuku. Nuremeshe ishengero rikore rirondera gushikira igitigiri gishasha c’agaheta c’abatsimvyi bafasha muri Ndamukiza. Nimwihweze ibisabwa vyerekanywe mu gitabu Huduma Yetu, urupapuro rw’113-114. Abamamaji bipfuza gukora ubutsimvyi bw’ugufasha boshobora kuronka ifomu yo kubisaba inyuma y’ikoraniro.

Ururirimbo rwa 17 (187) n’isengesho ryo gusozera.

Indwi Itangura Ku wa 20 Ntwarante

Ururirimbo rwa 8 (53)

Imin. 10: Amatangazo y’iwanyu. Raporo y’ivy’amakonte.

Imin. 15: “Nkore Iki?” Umurongozi w’inyigisho y’igitabu aganire n’umukozi w’ishengero umwe canke babiri. Bivuye ku ngorane zitari zimwe, abamamaji bamwebamwe boshobora kwumva ko ata kintu kinini boterera ku bijanye n’igikorwa ishengero rikora. Niwihweze uburyo bumwebumwe twese dushobora kugira ico duterereye bimwe biboneka mu gukomeza ishengero hamwe no mu guteza imbere igikorwa c’Ubwami. Nusozere mu kwerekana ukuntu umwe wese ashobora ‘Kugira Uruhara Muri Raporo ya Nyuma.’—Raba Huduma Yetu, urupapuro rw’108-110.

Imin. 20: “Ndamukiza 2000 Twoshobora Kukugira Ukwezi Kwacu Ntangere?” (Ingingo ya 12-18) Ibibazo n’inyishu. Nushiremwo umwerekano mugufi w’ukuntu dutumira umuntu tuzinanyi ku Cibutso. Niwihweze ukwezi kwa Ndamukiza kuri Calendrier 2000 (Ikirangamisi co mu 2000), hanyuma uvuge amakoraniro yo gusohoka mu ndimiro yategekanijwe ngaho iwanyu. Niwibutse umwe wese kugira urutonde ngirakimazi rw’ibikorwa kugira ngo uzogire uruhara uko bishoboka mu busuku muri ukwo kwezi, gutyo twishingire intumbero y’uko ishengero ryogira uruhara 100 kw’ijana mu gikorwa. Nuremeshe ababishoboye bose gukora ubutsimvyi bw’ugufasha no gusaba ifomu yo kwuzuza inyuma y’ikoraniro.

Ururirimbo rwa 3 (32) n’isengesho ryo gusozera.

Indwi Itangura Ku wa 27 Ntwarante

Ururirimbo rwa 29 (222)

Imin. 10: Amatangazo y’iwanyu. Niwibutse bose gutanga raporo y’umurimo wo mu ndimiro muri Ntwarante. Nutangaze amazina y’abazoba abatsimvyi bafasha muri Ndamukiza. Nusigure yuko hatararengerana kwuzuza amafomu. Niwerekane urutonde rwose rw’amakoraniro yo gusohoka mu ndimiro yategekanijwe muri ukwo kwezi. Nuremeshe umwe wese kugira uruhara mu busuku muri iyi wikendi, dutangure neza ukwezi kwa Ndamukiza. Tuzoshikiriza inomero z’Umunara w’Inderetsi hamwe na Réveillez-vous! muri ukwo kwezi. Nushimikire ku kiganiro kimwe no ku kintu kimwe kirimwo kibereye kandi gishika ku nyota vyoshobora gukoreshwa mu buryo kirumara mu gushikiriza imwimwe yose mu nomero ziherutse gusohoka. Umwe wese akwiye kugira agatabu Ni Ibiki Imana Idusaba? vyongeye akihatira kugakoresha mu gutanguza inyigisho za Bibiliya n’abantu bashimishwa.

Imin. 13: “Nusabe Imfashanyo.” Insiguro be n’uguhana ijambo n’abumviriza bigirwa n’umukurambere. Nusigure ingene twese rimwe na rimwe dukenera ugusahirizwa kunaka. Birumvikana ko umwe wese akwiye kwikorera umutwaro wiwe. (Gal. 6:5) Mugabo, igihe tudashobora kuvyihanganira, ntidukwiye kugonanwa kurondera imfashanyo ku muntu ahumuye mu vy’impwemu wo mw’ishengero. Nusabe abumviriza bigane ivyabaye vyerekana ingene ugusahirizwa n’abandi kwabaremesheje bimwe bishimishije.

Imin. 10: Ibikenewe iwanyu. Nushiremwo umwerekano wasubiwemwo neza werekana ingene dushikiriza ibinyamakuru twisunze ya ndinganizo nshasha y’ivy’intererano.

Imin. 12: Nimwihweze igitabu Annuaire 2000. Ukuganira n’abumviriza mu kwihweza ivyibonekeje vyo mu “Bitigiri Biteranirijwe Hamwe vy’Ivyaranguwe mu 1999,” biri ku rupapuro rwa 31. Nimwihweze kandi “Ikete Ryavuye ku Nama Nyobozi,” riri ku rupapuro 3-5. Saba bamwebamwe bagire ico bavuze ku kuntu bazobandanya gushira mu ngiro iyo ndemesho itanzwe. Ahatagira igitabu ca Annuaire 2000, nimukoreshe “Ibitigiri Biteranirijwe Hamwe vy’Ivyaranguwe mu 1999” nk’uko vyerekanywe mu Munara w’Inderetsi wo ku wa 1 Nzero 2000. Maze nibace baganira kw’ “Ikete Ryavuye ku Nama Nyobozi” riri ku rupapuro rwa 3-5 mu gitabu Annuaire 1999. Aho igitabu Annuaire kitaboneka mu rurimi ishengero rikoresha, nimubishinge umukurambere canke umukozi w’ishengero ashobora gukoresha Annuaire yasohowe mu rundi rurimi.

Ururirimbo rwa 16 (143) n’isengesho ryo gusozera.

Indwi Itangura Ku wa 3 Ndamukiza

Ururirimbo rwa 22 (130)

Imin. 10: Amatangazo y’iwanyu n’ivyabonywe mu murimo wo mu ndimiro ku vyerekeye ugushikiriza ibisohokayandikiro hakoreshejwe ya ndinganizo nshasha y’ivy’intererano. Urakoresha ivyabonywe biherutse kuba vuba mu karere iwanyu bizoremesha abandi kugira uruhara mu busuku.

Imin. 17: “Nidutsinde Urugamba rw’Ukugira Isuku.” Insiguro ishikirizwa n’umukurambere ishimikiye ku kiganiro co muri Réveillez-vous! yo ku wa 22 Nyakanga 1988, urupapuro 8-11. Niyihweze ivyiyumviro biri mu gicapo co ku rupapuro 10. Nashimike ku vy’uko isuku ari igisabwa co muri Bibiliya. Vyongeye, ugufashanya kwo mu muryango kurakenewe kugira ngo inzu igume iri n’isuku. Niyerekane igituma ukugira isuku bihambaye kugira ngo tugume dufise amagara meza mu muryango.

Imin. 18: Noba Nkwiye Kumenyesha Ikibi Gikomeye Cakozwe? Insiguro ihambaye ishikirizwa n’umukurambere, yerekeza ku bakiri bato. Hari ingorane nyinshi zagiye ziravyuka mu kibano ca none zagize akosho kabi konona abakiri bato; ingingo ngenderwako z’ivy’ukwigenza runtu zigenda zitituka, ubukazi butera bwongerekana, ukwizizirwa n’ibiyayura umutwe, hamwe n’ukutubaha abakuru. Imiyabaga imwimwe ifise ubuzima burimwo tubiri, igahisha ukwigenza nabi kwabo. Ivyo birahanamiye bimwe bikomeye ukumererwa neza mu buryo bw’impwemu kw’ishengero ryose. Bamwebamwe barakora ibibi bikomakomeye hanyuma bagashaka kubigira akabanga. Igihe umenye yuko umuvukanyi canke umuvukanyikazi mw’ishengero yakoze ikintu kiboneka ko ari ukurenga ivyagezwe vy’Imana bimwe bikomeye, ukwiye kugira iki? Nurimbure ingingo yerekanwa mu Balewi 5:1. (Raba Umunara w’Inderetsi [mu Gifaransa] wo ku wa 15 Myandagaro 1997, urupapuro 27-30.) Niwerekeze ku gitabu Les jeunes s’interrogent, urupapuro rwa 68-69, hanyuma usigure ico umuntu akwiye kugira muri mwene ico gihe.

Ururirimbo rwa 28 (224) n’isengesho ryo gusozera.