Urutonde rw’Amakoraniro y’Umurimo
Indwi Itangura Ku wa 14 Ruhuhuma
Ururirimbo rw’12 (113)
Imin. 10: Amatangazo y’iwanyu. Amatangazo arobanuwe mu yo mu Gikorwa Dukorera Ubwami. Nusabe umutsimvyi canke umwamamaji abimenyereye agire umwerekano w’ukuntu amenya ugushimishwa imbere yuko ashikiriza igisohokayandikiro yisunze ya ndinganizo nshasha y’ivy’intererano.
Imin. 15: “Niwamamaze rya Jambo . . . Uvyihutira.” Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu. Nushiremwo insobanuro zivuye mu gitabu Huduma Yetu, urupapuro rw’170. Nushikirize ivyiyumviro bimwebimwe ngirakimazi vy’ukuntu igikorwa c’ukwamamaza inkuru nziza cokwagurwa muri uku kwezi.
Imin. 20: “Ukuntu Twotsimbataza Ubushobozi bwo Kwiyumvira.” Insiguro n’imyerekano. Nusigure igituma ubushobozi bwo kwiyumvira ari ngirakamaro cane mu gikenurwa, n’ukuntu dushobora kuburonka. Nusabe abamamaji babiri babishoboye baganire ukuntu bitegurira igikenurwa mu gukurikiza intambwe zerekanywe mu ngingo ya 3 y’iki kiganiro hanyuma maze berekane ukuntu bashikiriza ubutumwa.
Ururirimbo rwa 4 (43) n’isengesho ryo gusozera.
Indwi Itangura Ku wa 21 Ruhuhuma
Ururirimbo rw’15 (127)
Imin. 10: Amatangazo y’iwanyu. Raporo y’ivy’amakonte.
Imin. 15: “Abagore Bakora Cane mu Mwami.” Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu. Nushiremwo insobanuro zivuye mu Munara w’Inderetsi wo ku wa 1 Gitugutu 1996, urupapuro rw’12-13, ingingo ya 18-19. Nushimire n’igishika cinshi abavukanyikazi kubera ukuntu bashigikira babikunze, ku bw’imirimo ngirakamaro barangurira abandi n’igikorwa c’ukwamamaza inkuru nziza n’umwete.
Imin. 20: “Ni Igiki Gishobora Kudufasha Guhagarara Dushikamye mu Kwizera?” Insiguro ishikirizwa n’umukurambere. Tubayeho mu bihe bigoye, kandi twese turakeneye gusahirizwa mu buryo bunaka. Niwihweze ico abakurambere hamwe n’abakozi b’ishengero bashobora gukora kugira ngo bakomeze abarembejwe n’ukudendeburwa n’ingorane. (Raba Umunara w’Inderetsi wo muri Nyakanga 1993, urupapuro rwa 30-32, munsi y’agatwe gatoyi kavuga ngo: “Ukuragira Gukomeza.”) Nusigure ukuntu dushobora kuremeshanya mu buryo buzoshobora gutuma tugira amahoro mu vy’impwemu.—Rom. 1:11, 12.
Ururirimbo rw’10 (82) n’isengesho ryo gusozera.
Indwi Itangura Ku wa 28 Ruhuhuma
Ururirimbo rwa 5 (46)
Imin. 10: Amatangazo y’iwanyu. Niwibutse bose gutanga raporo y’umurimo wo mu ndimiro yo muri Ruhuhuma. Nimwihweze mu ncamake “Intambwe Zine Zoroshe” z’ugukoresha udutaragiti kugira ngo utanguze ibiyago, zanditswe ku rupapuro rwa 4 mu Gikorwa Dukorera Ubwami co mu kwezi guheze. Nimugire umwerekano w’ukuntu agataragiti gafise umutwe uvuga ngo Kubaho mu Mahoro mw Isi Nsha gashobora gukoreshwa mu gushikiriza intangamarara y’ugutanga igitabu Ubumenyi. Umaze kubaza ibibazo bivuye mu ngingo itangura y’ako gataragiti, uce usoma ingingo ya mbere iri ku rupapuro rwa 3, ushizemwo n’icanditswe co muri Zaburi 37:29. Igihe herekanywe ugushimishwa, nuzingurure igitabu Ubumenyi ku rupapuro rwa 5, uce usoma ibiri mu ruzitiro, hanyuma umusabe kumugirira inyigisho. Muri uku kwezi, bose bakwiye kugira akigoro kadasanzwe ko gutanguza inyigisho za Bibiliya nshasha zo ku muhana.
Imin. 5: Inyishu ku Bibazo Vyanyu. Insiguro ishikirizwa n’umukurambere.
Imin. 12: Nidushime Igikorwa c’Amakomite y’Ubwubatsi y’Intara. Insiguro ishikirizwa n’umukurambere, ishingiye ku nyongera y’Igikorwa Dukorera Ubwami co muri Myandagaro 1995. Amakomite 9 y’Ubwubatsi y’Intara akorera ubu mu karere k’ishami rya Kenya yarafashije mu kwubaka, mu gusanura, hamwe no mu kubungabunga Ingoro z’Ubwami 106, amashengero 252 arabironkerako akunguko. Haracariho igikorwa kinini co gukora. Nurimbure igikorwa c’amakomite y’intara, hanyuma ubakomereze ukugirira igishika iyubakwa ry’Ingoro z’Ubwami. Nusigure abashobora kwemerwa nk’abakozi bakora bavyishakiye abo ari bo, hanyuma uvyurire benshi umutima wo kwitanga muri ico gikorwa. Nubaze ibibazo bamwebamwe bagize uruhara mw’iyubakwa ry’Ingoro z’Ubwami, hanyuma ushiremwo insasanuro zabo ku vyerekeye umunezero bagize.—Raba Umunara w’Inderetsi (mu Gifaransa) wo ku wa 1 Ruheshi 1999, urupapuro rwa 18-19, ingingo ya 15-16.
Imin. 18: “Niwamamaze Inkuru Nziza n’Ukujijuka Gukomeye.” Nugire intangamarara ikora ku mutima mu minuta ibiri canke itatu ishingiye kuri ayo mayagwa hamwe n’ivyanditswe vyatanzwe be n’ivyasubiwemwo mu ngingo ya 1 n’iya 2. Maze nimuce mwihweza ingingo ya 3-12 hakoreshejwe ikiganiro c’ibibazo n’inyishu.
Ururirimbo rw’11 (85) n’isengesho ryo gusozera.
Indwi Itangura Ku wa 6 Ntwarante
Ururirimbo rwa 23 (200)
Imin. 5: Amatangazo y’iwanyu.
Imin. 10: Ibikenewe iwanyu. Nushiremwo umwerekano w’ukuntu ibisohokayandikiro bishikirizwa twisunze ya ndinganizo y’ivy’intererano, wishimikije Igikorwa Dukorera Ubwami co muri Munyonyo 1999.
Imin. 10: “Uriyubara ku Kuntu Wumviriza.” Serugo umwe aganire n’umukenyezi wiwe hamwe n’abana ivyo bashobora gukora kugira bungukire bimwe vyuzuye ku makoraniro y’ishengero, ku materaniro y’umuzunguruko be n’ay’intara. Yumva yuko bose mu muryango bategerezwa kuvyihatira neza kuruta. Barihweza ivyiyumviro bihatondetswe hanyuma bakarimbura ukuntu bokurikiza kimwekimwe cose muri vyo, bakanaganira igituma bikenewe ko boza bararushiriza kuyaga ku vyerekeye ibintu bigishijwe. Bararimbura ukuntu bobaho bisunga umwiyemezo wabo wo kudahara ku makoraniro ayo ari yo yose canke ku kiringo ico ari co cose c’iteraniro ry’intara canke ry’umuzunguruko, nimba bishoboka.
Imin. 20: “Niwamamaze Inkuru Nziza n’Ukujijuka Gukomeye.” Uhejeje gusubiramwo muri make ivyo mwaganiriye mu ndwi iheze ku ngingo 12 za mbere zo mu nyongera, nurongore ikiganiro c’ibibazo n’inyishu ku ngingo ya 13-24. Nukoreshe neza ivyanditswe vyasubiwemwo hamwe n’ivyatanzwe.
Ururirimbo rwa 22 (130) n’isengesho ryo gusozera.