INTEGURO Y’UKWIGA

Abasavyi ba Yehova barifitiye amahoro adasanzwe mu gice co kw’isi c’ishirahamwe ry’Imana. Twokwerekana gute none ko dukenguruka cane iyo ntunganyo Yehova yadushiriyeho, kandi umwe wese muri twebwe yokora iki kugira ayo mahoro arushirize kwongerekana? Iki kiganiro kirishura ivyo bibazo.

Iki kiganiro kirasigura ibintu bimwebimwe bishimishije biraririye gushika. Kirerekana kandi igituma abasavyi b’Imana bakwiye kuyizigira baherejeko mu gihe ca ya makuba akomeye.

Muri iyi si iganzwa na Shetani, usanga abantu bishimira ibintu bitandukanye. Ariko rero, abakirisu basezeranye kuguma ari intahemuka kuri Yehova. Iki kiganiro kirerekana igituma tutisuka mu ndyane zo muri iyi si be n’ukuntu dushobora kumenyereza ubwenge bwacu be n’ijwi ryacu ryo mu mutima kugira tugume tutagira aho duhengamiye.

Hirya no hino kw’isi, abasavyi ba Yehova barakoranira mu Ngoro z’Ubwami ibihumbi mirongo be no mu zindi nyubakwa kugira bamusenge. Muri iki kiganiro, turihweza ingingo ngenderwako zo mu Vyanditswe zidufasha gutahura ukuntu dukwiye kubona ivyo bibanza vyo gukoraniramwo, ukuntu dukwiye kubishigikira mu vy’amahera be n’ukuntu dukwiye kubibungabunga, ivyo vyose tukabigira ku bw’ubuninahazwa bwa Yehova.