INTEGURO Y’UKWIGA

Turashobora kugira umutima ukenguruka kandi tukawuzigama mu kuzirikana ku vyiza dufise no mu kubishimira Yehova. Kugira umutima ukenguruka bizodufasha kwirinda kuba intashima bidufashe no kwihanganira ibigeragezo. Icanditswe cacu c’umwaka wa 2015 kiratwibutsa kugira ico kintu muri uwu mwaka wose.

Iki kiganiro kirerekana neza igituma dukwiye kwibuka urupfu rwa Yezu. Kirasigura ico umukate n’umuvinyu bikoreshwa ku Cibutso bigereranya, kikatwereka n’ingene umuntu amenya ko akwiye canke adakwiye gufata kuri ivyo bimenyetso. Iki cigwa kiradufasha kandi kumenya ukuntu umwe wese muri twebwe yokwitegurira Imfungurwa z’Umukama zo ku mugoroba.

Abubakanye bararushiriza gushikirwa n’imikazo be n’ibigeragezo. Ariko rero babifashijwemwo na Yehova, barashobora kugira urugo rukomeye kandi rurangwa agahimbare. Ikiganiro ca mbere kiraca irya n’ino ibintu bitanu vyofasha abubakanye kugira umubano ukomeye kandi uramba be n’icobafasha kuguma bafatanye mu nda. Ikiganiro kigira kabiri kirerekana ukuntu bokomeza ubushobozi bwabo bwo gukingira umubano wabo mu vy’impwemu.

Urukundo nyakuri ruri hagati y’umugabo n’umugore rumeze gute? Urukundo ruramba rwoba rushoboka? Urwo rukundo rugaragazwa gute? Raba ico Indirimbo ya Salomo itwigisha ku bijanye n’urukundo rudahera.