INTEGURO Y’UKWIGA

Iki kiganiro kirerekana imvo zimwezimwe zituma abantu benshi babona yuko Ivyabona vya Yehova bari mu kuri. Turihweza kandi imvo zituma Ivyabona bajijuka ko bari mu kuri.

Twese turashikirwa n’amakuba kubera ko turi mw’isi ya Shetani. Ibigeragezo bimwebimwe bimeze nk’ibitero vy’imbonankubone birondera ukwizera kwacu; ibindi na vyo ntibishoka vyibonekeza. Iki kiganiro kiradufasha kumenya ibitero vya Shetani ivyo ari vyo no kuvyitegurira.

Abavyeyi bategerezwa kurera abana babo “mu kubatoza indero no mu kuyobora ivyiyumviro vyabo nk’uko Yehova yashinze.” (Ef. 6:4) Iki kiganiro kiraca irya n’ino uburyo butatu bashobora kubigira maze bakaragira mu vy’impwemu abana babo bariko barakura.

Vyagenze gute ngo urupfu rube mu bigeramiye abantu? ‘Wa mwansi wa nyuma ari we rupfu azokurwaho’ gute? (1 Kor. 15:26) Raba ukuntu inyishu z’ivyo bibazo zerekana ubutungane bwa Yehova, ubukerebutsi bwiwe, na canecane urukundo rwiwe.

Kuva kera, Yehova yamye afise abasavyi b’abizigirwa bamukorera igihe cose naho bituma bashikirwa n’ingorane muri iyi si. Twokora iki kugira ‘twibuke igikorwa cabo kiva ku kwizera n’ukubira akuya kwabo kuvuye ku rukundo’?​—1 Tes. 1:3.