INTEGURO Y’UKWIGA

Iki kiganiro kiremeza yuko Yehova yamye ari Umwami kikongera kigahishura ukuntu yategetse ibiremwa vyiwe vyo mw’ijuru no kw’isi. Kiraturemesha kandi gukurikiza uburorero bw’abahisemwo gusenga Yehova, wa Mwami w’ibihe bidahera.

Iki kiganiro kiratuma turushiriza gutahura ivyo Ubwami bwa Mesiya bwaranguye mu myaka 100 ya mbere bumaze butegeka. Kiraremesha kandi umwumwe wese muri twebwe kuba umutwarwa w’ubwo Bwami w’intahemuka kikongera kikatuvyurira umutima wo kuzirikana ku nsobanuro yuzuye y’icanditswe cacu c’umwaka wa 2014.

Nzokoresha gute ubuzima bwanje? Ico ni ikibazo gihambaye cane kuri uwo wese yiyeguriye Yehova. Muri ibi biganiro, turaca irya n’ino ingingo ngenderwako zoyobora abakirisu bakiri bato kugira ngo bakorere Imana bimwe bishitse, hamwe n’uturyo abakirisu bitereye mu myaka bafise two kwagura ubusuku bwabo.

Muri iki gihe, abantu benshi barasamazwa n’ibiba mw’isi canke n’ibikorwa vyabo. Iki kiganiro kiraca irya n’ino ibintu bitatu bifasha abakirisu kwizigira ko Ubwami bw’Imana bugiye gukuraho ivy’iyi si mbi.