Ubutumire Tuguhaye

Twahimbawe no kukuganiriza mu mpapuro z’aka gatabu. Twizigiye yuko wahimbawe no kumenya ibindi vyinshi vyerekeye Ivyabona vya Yehova. Turakwingize ngo wakire ubutumire tuguhaye bwo kutugendera ku Ngoro y’Ubwami yacu y’aho uba. Niwirabire ukungene amakoraniro yacu arongorwa. Niwirabire ukuntu twihatira gusangira n’abandi ya nkuru nziza yerekeye isi y’iparadizo izoba irongowe n’Ubwami bwa Kirisitu.

Imana yarabisezeranye. “Tureretse ijuru risha n’isi nsha, ivyo ukugororoka kuzobamwo.” (2 Petero 3:13) Haraciye ibinjana vyinshi. Ikiringo co kurindira kiregereje guhera. Ibintu biba kw’isi ni co bisigura.

Intumwa Paulo yavuze ati: “Nk’uko mubona ko wa Musi uriko urashika,” ‘mushigikirane ngo mukeburane mu rukundo no mu bikorwa vyiza, tudaheba amakoraniro yacu.’ (Abahebreyi 10:24, 25, UB) Turagutumiye ngo ukurikize iyo mpanuro ya Paulo mu gukoranira hamwe natwe.