Ururirimbo rwa 173

Urukundo ni rwo mugozi wunga ubumwe

(Ab’i Kolosayi 3:14)

1. Ub’urukundo rwa benshi

Rwaratimvye cane.

Mugabo rumwe rwa mbere

Muze turwamane.

Twigane Data, twereke

Bose yukw’Imana

Urwo yo yakunz’abantu

Ata kwo rungana.

2. Urukundo twokomeza

S’uruheyiheyi.

Urwo twogirir’abandi

Ntirube rukeyi.

Dukunde abavukanyi

Urwo ku mutima.

Dukund’ab’Iman’ikunda,

Ni co tutobima.

3. Kw’iyi si vub’izovaho

Dufatane mu nda.

Nya mugozi dutubike

Kumwe kw’umukanda.

Tugiriran’igishika

Ico ntikibure.

Kizoduhuza gushika

’Gikorwa gihere.

4. Gucudika n’Umuremyi

Bizotuma natwe

Dukunda nk’uko twikunda

Barya bantu nkatwe.

Dukomeze nya rukundo

Tutiyorobeka.

Bwa mugozi wung’ubumwe

Ni ko ruboneka.