Disambishil

10 Er rawiy rusang ra an a Now: Sem, Sham ni Yafet.

Kupwa kwa Mabeb, avala an amakuny. 2 An a Yafet ading Gomer, Magog, Maday, Javan, Tubal, Meshek ni Tiras.

3 An a Gomer ading Ashikenaz, Rifat ni Togarima.

4 An a Javan ading Elisha, Tarisis, Kitim ni Dodanim.

5 Kusambishin kud awiy, antu a pa matung apalangana mu jingand jau, kukwatijan ni mazu mau, majuku mau ni michid yau.

6 An a Sham ading Kush, Misrayim, Put ni Kanaan.

7 An a Kush ading Seba, Havila, Sabita, Raama ni Sabiteka.

An a Raama ading Sheba ni Dedan.

8 Kush wamuvala Nimrod. Ndiy winou wikala muntu wa kusambish kwikal ni dikand pa divu. 9 Wikala chibind wa usu mwin kumubwambwil Yehova. Yawiy yilondidiningau anch: “Mud kamu Nimrod, chibind wa usu mwin kumubwambwil Yehova.” 10 Want wend wasambishina ku* Babel, Erek, Akad ni Kaline, mwi ngand ya Shinar. 11 Wadokala mwi ngand yiney, waya mu Asiriya ni watung Niniv, Rehobot-Ir, Kala 12 ni Resen, pakach pa Niniv ni Kala: Winou wawiy musumb ujim.*

13 Misrayim wamuvala Lud, Anamim, Lehabim, Nafituhim, 14 Patirus, Kasuluhim (kwawiy kudokilau in Filistin) ni Kafitorim.

15 Kanaan wamuvala Sidon mwanend wa kusambish, Het, 16 Mwin Jebus, Mwin Amor, Mwin Girgash, 17 Mwin Hivi, Mwin Ark, Mwin Sin, 18 Mwin Arivad, Mwin Zemar ni Mwin Hamat. Kupwa, majuku ma In Kanaan mapalangana. 19 Mwimbu wa In Kanaan wading udokil ku Sidon wasut ku Gerar, piswimp ni Gaza, kushik ku Sodom, Gomor, Adma ni Zeboyim, piswimp ni Lasha. 20 Inay awiy an a Sham kukwatijan ni majuku mau, mazu mau, jingand jau ni michid yau.

21 Sem niyend wavala an, ndiy ngakiril wa an awonsu a Eber ni mwanamakwend a Yafet, wading mwan wa kusambish.* 22 An a Sem ading Elam, Asur, Aripakishad, Lud ni Aram.

23 An a Aram ading Uz, Hul, Geter ni Mash.

24 Aripakishad wamuvala Shela, ni Shela wamuvala Eber.

25 Eber wavala an aad. Umwing dijin dend Pelek,* mulong pa chisu chinacha, antu a pa divu apalangana. Ni mwanamakwend wading Yokitan.

26 Yokitan wamuvala Alimodad, Shelef, Azarimavet, Jera, 27 Hadoram, Uzal, Dikila, 28 Obal, Abimayel, Sheba, 29 Ofir, Havila ni Jobab; awonsu inay ading an a Yokitan.

30 Ngand yading yishichau yading yidokil ku Mesha kushik ku Sefar, ngand ya mikandu ya Kwingangel.

31 Inay awiy an a Sem kukwatijan ni majuku mau, mazu mau, jingand jau ni michid yau.

32 Minam mawiy majuku ma an a Now kukwatijan ni milong ya majuku mau ni michid yau. Kwa antu inay, kwawiy kwadokala michid yapalangana pa divu da kabuj kupwa kwa Mabeb.