¿Imatan ruwasunman sasa tiempopi kusisqa kananchispaq? | ¿Imaninmi Biblia chaymanta?

Kay tiempopiqa imaymanan pasashan, manataqmi atisunmanchu controlayta tukuy imachus pasawasqanchista. Chhaynaña kaqtinpas atisunmanmi kusisqa kayta ima llakipiña tarikuspapas. Bibliapipas willanmi kusisqa sonqoyoqqa llakipiña tarikuspapas sapa p’unchay kusisqa kausasqanta (Proverbios 15:15). ¿Imatan ruwawaq aswan kusisqa kausanaykipaq? Bibliapi nisqanmi allinta yanapasunkiman. Qhawarisun imakunatas ruwawaq chayta.

Ama llakipakuywan atipachikuychu

Bibliapin nishan: “Llakikuyqa runaq sonqontan ñit’iykun, sumaq simikunan ichaqa kallpachan”, nispa (Proverbios 12:25).

• Bibliapi nisqanqa yanapasunkimanmi ama nishuta llakikunaykipaq. Imatas chaypaq ruwawaq chayta yachanaykipaq leey “¿Imatan Biblia yachachin?: Llakipakuymanta” nisqa yachachikuyta.

Ama t’aqakuychu amigoykikunamanta

Bibliapin nishan: “Cheqaq amigoqa tukuy tiempon munakun, sinchi llakikuy tiempopipas wayqe jinan qhawarisunki”, nispa (Proverbios 17:17).

• Sapayki ama sientekunaykipaqqa amigoykikunawanmi allinta apanakunayki, chaytan Bibliapi niwanchis. Astawan yachanaykipaq leey “Ama sapallayki sientekunaykipaq amigokunata ruway: Bibliata estudiaymi yanapasunki” nisqa yachachikuyta.

Diostapas runamasiykitapas munakuy

Bibliapin nishan: “Jehová Diosniykitan munakunki tukuy sonqoykiwan, tukuy almaykiwan, tukuy yuyayniykipiwan. [...] Runamasiykitataq munakunki qan kikiykita jina”,a nispa (Mateo 22:37-39).

• Diosta astawan munakunaykipaqqa paymantan mañakunayki. Chaymanta astawan yachanaykipaq leey “¿Uyarinpunichu Dios mañakusqanchista?” nisqa yachachikuyta.

• Runamasinchista munakusqanchistan rikuchinchis Jesuspa nisqanman jina jujkunata trataspa. Chaymanta astawan yachanaykipaq leey “¿Qué es la Regla de Oro?” nisqa yachachikuyta.

Bibliata estudiayqa yanapasunkimanmi kay sasa tiempopi kusisqa kanaykipaq. Chaymi invitaykiku noqaykuwan Bibliata estudianaykipaq.