Ama sapallayki sientekunaykipaq amigokunata ruway | Bibliata estudiaymi yanapasunki
2023 watapin onqoykunata estudiaq runakunan repararqanku sapalla mana piniyoq jina sientekuyqa juj onqoy kasqanta, chayqa mundontinpin kashan. ¿Atisunmanchu chay onqoyta atipayta?
Vivek Murthy runan nirqan: “Sapalla sientekuypas jujkunamanta t’aqakuypas manan allinchu kanman saludninchispaq, chayraykun kallpachakunanchis jujkunawan amistadta ruwananchispaq”, nispa (director general de Salud Pública de Estados Unidos).a
Manan jujkunamantaraqchu t’aqakunayki sapallayki sientekunaykipaq, mayninpiqa amigokunayoqña kasunman chaypas sapanchisqa sientekusunmanmi. Chhaynapi tarikushanchis chayqa Biblian yanapawasunman chayta atipananchispaq, willawanchismi imaynatas allin amigokunata tarisunman chayta.
Bibliapi yanapaykuna
Parlarinaykichismi. Amigoykikunawan rimashaspaykiqa manan qanllamantachu rimanayki, yachanaykin paykuna uyariytapas. Chaytachus ruwanki chayqa allin amigokunayoqmi kanki.
Bibliapin nin: “Ama munaynillaykichistaqa maskhaychischu, aswanpas jujkunaq munaynintawan maskhaychis”, nispa (Filipenses 2:4).
Ama wiñaymasillaykiwanchu amigota ruway. Kallpachakuy kuraqkunawan, sullk’aykikunawan, juj nacionmanta kaqkunawanpas amigota ruwanaykipaq.
Bibliapin nin: “Sonqoykichista jatunta kichariychis”, nispa (2 Corintios 6:13).
Sichus astawan yachayta munanki imaynata allin amigokunata tarinaykipaq chayqa leey “Cómo saciar la sed de amistad” nisqata.
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community (La epidemia de la soledad y el aislamiento: Informe del director general de Salud Pública de Estados Unidos sobre los beneficios de las conexiones sociales y la comunidad), 2023.