Guerrakuna kasqanwan tiempopas nishuta cambiapusqanwanmi mijuy nishuta pisiyapushan | ¿Imatapas Biblia willashanmanchu chaymanta?

Ucraniapi guerra kasqanwan, chiripas nishuta chirisqanwan, ruphaypas nishuta ruphasqanwanmi mijuy pachantinpi pisiyapushan. Chayqa juch’uy nacionkunapin astawanqa pasashan, chay nacionkunapiqa sasan kashan mijuykunata tariyqa.

• “Guerrakuna kasqanwan, tiempo nishuta cambiapusqanwan, luzmanta paganapas nishuta wichapusqanwan jujkunapas kasqanwanmi mijuykunaqa pisiyapun” (António Guterres, secretario general de las Naciones Unidas, 17 de julio 2023).

• “Allin yachaq runakunan ninku cebadata trigota juj mijuykunatapas manaña juj nacionkunaman Rusia qoyta munasqanraykun yarqay astawan pachantinpi yapakunqa. Mijuykunan astawan wichapunqa pisi qolqeyoq nacionkunapi, astawanqa Africaq wichay ladonkunapi, Oriente Medio nisqa ladokunapi ima” (Atalayar.com, 23 de julio de 2023).

Qhaway imaninmi Biblia yarqay kananmanta jamuq tiempopipas imachus pasananmanta chayta.

Bibliaqa willarqanñan yarqay kananmanta

• Jesusmi nirqan: “Juj nacionmi juj nación contra jatarinqa, juj llaqtataq juj llaqta contra jatarinqa, kayneqpi chayneqpin kanqa yarqaypas”, nispa (Mateo 24:7).

• Apocalipsis libropin willashan caballopi tawa sillakuqkunamanta. Jujninmi representan guerra kananta jujnintaq yarqay kananta. Chay profeciapin willashan mijuy nishuta pisiyapunanmanta nishuta wichapunanmantawan. Nishanmi: “Chaymi qhawarispay huk yana caballota rikurqani, chaypi sillakuqtaq balanzata hap’ishasqa. [...] Huk kunkatan uyarirqani: Huk kilo trigon huk jornal qolqepaq, kinsa kilo cebadapas huk jornal qolqepaq, nishaqta”, nispa (Apocalipsis 6:5, 6, Diospa Simin Qelqa).

Yarqay kananmanta Bibliaq willasqanqa kay tiemponchispin junt’akushan, chay tiempotan Bibliapiqa sutichan “tukukuy p’unchaykuna” nispa (2 Timoteo 3:1). Sichus astawan yachayta munanki “tukukuy p’unchaykunamanta”, Apocalipsis libropi willasqan caballopi tawa sillakuqkunamantapas chayqa, qhaway 1914 watamantapachan kay pachapi kausayqa cambiapuran nisqa videota Leellaytaq “¿Imatan representan caballopi phawasqanku?” nisqa qelqata.

¿Imaynatan Biblia yanapawanchis?

• Bibliapiqa allin consejokunan kashan imatas ruwasunman mijuy pisiyaqtin, nishuta wichapuqtinpas chaykunapaq. Chay consejokunatan tarinki “Cómo vivir con menos” nisqa qelqapi.

• Bibliapin willashan juj sumaq suyakuymanta, pisi tiempollamantas tukuy imapas allinyanqa. “Kay pachapiqa mana tukurikuqsi mijuyqa kanqa” manas pipas yarqaymanta kanqañachu (Salmos 72:16). Chaymanta astawan yachanaykipaq, cheqaqpunichu chay kanman chaytapas creenaykipaq leey “La esperanza real de un mañana mejor” nisqa qelqapi.