Pachantinpin imaymanakuna nishuta wichamushan | ¿Imatapas Biblia willashanmanchu chaymanta?

Kay junio killapin 2022 watapi Banco Mundialmanta presidente juj willakuypi nimun: “Pachantinpin imaymanakuna nishuta wichamushan, chaymantapas runakunaqqa manañan qolqenku kashanchu imapas rantikunankupaq”, nispa.

Fondo Monetario Internacional nisqamanta kaqkunapas nimunkun: “Gasolina, petrolio, gas chaykunan nishuta valepushan. Chaymantapas imaymana mijuykunan nishuta wichamushallantaq. Chaykunaq wichamusqanwanmi wakin nacionkunapi runakuna sinchi llakisqa kashanku”, nispa.

Bibliapin willashan imaraykus chaykunapi tarikushanchis chayta, willashanmi imatas ruwasunman chhaynapi tarikuspa chaytapas, jinallataq imaynas chaykunaqa mana wiñaypaqchu kanqa chaytapas.

Imaymanakunaq wichamunanmanta Bibliaq willasqan

• Bibliaq willasqan jina, tukukuy p’unchaykunapiñan kashanchis (2 Timoteo 3:1).

• Jesusmi niran: “Runakunan rikunqaku mancharikunapaq jina kaqkunata”, nispa (Lucas 21:11). Imaymana cosaskunaq wichamusqanwanmi runakunaqa llakisqa manchasqa kashanku imaynata familiankuta uywanankumanta.

• Apocalipsis libropas willashanmi imaymana mijuykuna wichamunanmanta. Apocalipsis 6:6 nishan: “Jinan chayllaman uyarini tawa kausashaqkuna ukhumanta juj kunkata: Juj kilo trigon juj denario qolqepaq kanqa, kinsa kilo cebadapas juj denario qolqepaqmi kanqa; aman usuchinkichu aceituna aceitetaqa ni vinotapas, nispa nimuqta”, nispa (TNM).

Chaymanta astawan yachanaykipaq qhaway 1914 watamantapachan kay pachapi kausayqa cambiapuran nisqa videota, chaymantapas leellaytaq “¿Imatan representan caballopi phawasqanku?”, nisqa yachachikuyta.

Llapa chaykunaqa chinkapunqan

• Isaías 65:21, 22 textopin nin: “Wasitan wasichanqaku, hinaspan chaykunapi tiyanqaku, uvastan plantanqaku, chaypa rurusqantan mikhunqaku. Manan wakpa tiyananpaqchu wasichanqaku, manan wakpa mikhunanpaqchu mallkinqaku”, nispa (Diospa Simin Qelqa).

• Salmos 72:16 textopin nin: “Suyupi askhallaña trigo kachun, orqo patakunapi askhallaña aytikuchun”, nispa (Diospa Simin Qelqa).

• Salmos 12:5 textopin nin: “Señor Diosmi ichaqa nin: Wakchapas sarunchasqa kasqanraykun, mana piniyoqpas anchisqanraykun, kunan sayarimusaq”, nispa (Diospa Simin Qelqa).a

Jehová Diosmi pisi tiempollamanta wajcha kayta pachantinpi tukuchipunqa. Chaymanta astawan yachanaykipaq leey “¿Es realista esperar un sistema económico justo?”, nisqa yachachikuyta.

Imaymanakunaña wichashan chaypas Bibliaqa yanapawasunmanmi, ¿imaynatan yanapawasunmanmi? Bibliapiqa kashanmi sumaq consejokuna imayna qolqe gastaymanta (Proverbios 23:4, 5; Eclesiastés 7:12). Astawan yachanaykipaq leey “Cuide su economía”, chaymantapas “Cómo vivir con menos” nisqa yachachikuykunata.