Ucraniapi guerra iskay watamanña jaykushan | ¿Ima suyakuytapas Biblia qoshanmanchu?

Kay 2023 watapi, viernes 24 febrero p’unchaypin juj watata junt’akushan Ucraniapi guerraq qallarisqan. Wakin willakuykunapi nisqanman jinaqa yaqa 300.000 soldadokunañas chaypiqa mana allinpi tarikunman karqan; paykunamanta wakinqa wañusqas kashanman, wakintaq k’irisqa. Mana soldado runakunapas 30.000 jinañas wañunkuman karqan. Ichaqa aswan askhas chaykunaqa kashanman.

May llakikunapaqmi chaykunaq pasasqanqa, chaymantapas kay guerraqa mana tukurikuqmi kashan.

•  Kay 2023 watapi, 19 Febreropin National Public Radio nisqapi nimurqan: “Ñan juj wataña karunqa Rusia nación soldadokuna Ucrania nacionman phawaykusqanmanta, manataqmi yachakunchu jayk’aqsi kay guerra tukunqa chaytaqa. Manachus jina mayqenpas kay guerrata ganananpaq jinachu kashan, manataqmi kay guerra sayananpaqqa ni rimanakuytapas atishankuchu”, nispa.

Yaqa llapa runakunan llakisqa kashanku chay guerraq kasqanwan, chhayna juj guerrakunaq kasqanwan ima. Chaykunaqa inocente runakunatan nishu ñak’ariyman churan. ¿Bibliapi kashanmanchu ima allin willakuyllapas paykunapaq? ¿Jayk’aqllapas tukunmanchu guerrakuna? Chayta kaypi qhawarisun.

Juj guerran llapa guerrakunata tukuchipunqa

Bibliapin willashan juj guerramanta. Chay guerraqa runakunata libranapaqmi kanqa, manan wañuchinapaqchu. Chay guerraq sutinmi Armagedón nisqa; chay guerratan nikun: “Tukuy atiyniyoq Diospa jatun p’unchaynin”, nispa (Apocalipsis 16:14, 16). Chay Armagedón guerrapin Diosqa llapa gobiernokunata ch’usaqman tukuchinqa. Chay gobiernokunan causa kanku kay pachapi guerrakuna kananpaq, sipinakuy kananpaq. Imaynas Armagedón guerra thaj kausayta apamunqa chayta yachanaykipaq leey kay qatimuq yachachikuykunata:

•  “¿Iman Armagedón?”

•  “Armagedonqa kusikunanchispaqmi kanqa”