¡MAKILLA KASHAYCHIS!
Ucrania nacionpi guerra kasqanraykun mijuykuna nishuta wichamushan
2022 watapi 19 mayo killapin Consejo de Seguridad de las Naciones Unidas nisqapi 75 más allin autoridadniyoq oficialkuna juñukurqanku, chay juñunakuypin nirqanku: “Coronavirus onqoy kasqanrayku, pacha chhafchiykuna kasqanraykun, jujkunapas kasqanraykun mijuykuna wicharqan. Astawanqa Ucrania nacionpi guerra kasqanraykun yarqay kanqa”, nispa. Juj allin reqsisqa revistapas nirqanmi: “Guerra kasqanwanmi pachantinpi mijuykuna wichanqa, yarqay ima kanqa”, nispa. Bibliapas willarqanñan yarqay kanantaqa. Chaymantapas Bibliaqa allin consejokunatan qowanchis chhaynapi tarikuspa imatachus ruwananchispaq, qowallanchistaqmi juj sumaq suyakuytapas jamuq tiempopaq.
Bibliaqa willarqanñan yarqay kananta
Jesusmi nirqan: “Juj nacionmi juj nación contra jatarinqa, juj llaqtataq juj llaqta contra jatarinqa, kayneqpi chayneqpin kanqa yarqaypas”, nispa (Mateo 24:7).
Bibliapin Apocalipsis libropi tawa caballokunapi sillakuqkunamanta rimashan, sapanka caballopi sillakuqmi juj ruwayta representan. Jujnin caballopi sillakuqmi representan guerrata, juj kaq caballopi sillakuqtaq representan yarqayta. Bibliaqa sut’itan willan mijuykuna pisiyananta nishuta valenantapas. Ninmi: “Chayllamanmi juj yana caballoñataq rijuriramun, chay caballopi sillakuqqa juj balanzatan jap’isqa. Jinan chayllaman uyarini tawa kausashaqkuna ukhumanta juj kunkata: Juj kilo trigon juj denario qolqepaq kanqa, kinsa kilo cebadapas juj denario qolqepaqmi kanqa; aman imanankipaschu oliva aceitetaqa ni vinotapas, nispa” (Apocalipsis 6:5, 6).
Yarqay kananta Bibliaq willasqanqa kay tiempopin junt’akushan. Chay tiempotan Biblia sutichan “tukukuy p’unchaykuna” nispa (2 Timoteo 3:1). Imachus “tukukuy p’unchaykuna” kasqanta yachayta munanki chayqa, qhaway “1914 watamantapachan kay pachapi kausayqa cambiapuran” nisqa videota. Chaymantapas leey “¿Imatan representan caballopi phawasqanku?” nisqa qelqata.
¿Imaynatan Biblia yanapawasunman kay tiempopi?
Bibliapin tarinchis allin consejokunata imaymana sasachakuykunata aguantananchispaq. Mijuykuna wichasqanwanmi manaña qolqenchis aypawasunmanchu, ¿imatan ruwawaq chhaynapi tarikuspa? Chaypaq qhaway “Cómo vivir con menos”, nisqa qelqata.
Bibliapin willan juj sumaq willakuyta jamuy tiempopaq. Bibliapin nin kay pachapi mana tukurikuq mijuy kananmanta, manaña pipas yarqaymanta kananmantawan (Salmos 72:16). Chaymanta astawan yachanaykipaq leey “La esperanza real de un mañana mejor” nisqa qelqata.