Manaén: Jehová Diosta ñaupaqman churasun

Yachasun Manaén runamanta. Payqa Antioquía llaqtapi kaq iñiq t’aqapin umalliq karqan. Hechos 13:1 textopi nisqan jina, “Manaenqa kamachikuq Herodeswan kuskan estudiasqa”. Chhaynataq karqan chayqa, payqa allin estudioyoq runachá karqan. Chaymantapas yaqachus jina paypa familianqa allin reqsisqa qhapaq kankuman karqan.

Chhaynaña manaña karqan chaypas, Manaenqa Jehová Diostan tukuy yuyaywan servirqan, hermanokunatapas imaymanamantan yanaparqan. Payqa manan qhapaq kaykunatachu maskhaq, nitaqmi allinta qhawarichikuyta munaspachu imatapas ruwaq.

¿Imatan Manaenpa ejemplonmanta yachasunman? Manaén jinan noqanchispas Jehová Diosta ñaupaqman churananchis, manataqmi kay pachapi qhapaq kaykunatachu maskhananchis. Chaymantapas manan allinta qhawarichikuyta munaspachu imatapas ruwananchis. Estudiasunmanña imallatapas llank’anata tarinanchispaq chaypas, manan qonqananchischu Diostaqa (Filip. 1:​9, 10). Arí, Jehová Diosta ñaupaqman churasun chayqa, kusisqan kasun (Mat. 6:33).