¿Diosninchej llakikunchu ñakʼarejtinchej?

Wakin runasqa ninku Diosninchej noqanchejmanta mana llakikusqanta.

BIBLIA NIWANCHEJ

• Diosninchejqa llakiyninchejta yachan.

  “Jehová Diosqa rikorqa, runaspa sajra ruwasqasninkoqa jallpʼapi may jinapuni kasqanta, [sonqontaj] mayta nanarqa” (Génesis 6:5, 6).

• Diosqa tukuy llakiykunata chinkachenqa.

  “Uj chhikamantawanqa niña sajra runas kanqankuñachu. Maypichus karqanku chaynejta qhawarejtiykeqa, manaña kanqankuñachu. Llampʼu sonqoyoj runastajrí kay jallpʼata herenciata jina japʼenqanku, ni ima llakiyniyojtaj allin kusisqa kausakonqanku” (Salmo 37:10, 11).

• Diosqa qanpaj allin kausayta munan.

  “Jehová Diosqa nin: ‘Noqaqa allinta yachani imatachus qankunapaj munasqayta. Noqaqa munani allinta kausakunaykichejta, manataj ñakʼarinaykichejtachu. Chayrayku ama iskayrayaychejchu aswan qhepamanpis allinta kausakunaykichejmanta. Qankunaqa wajyakamuwankichej, noqamantataj mañakuwankichej, noqataj uyarisqaykichej’, nispa” (Jeremías 29:11, 12).

  “Diosman qayllaykuychej, paytaj qankunaman qayllaykamusonqachej” (Santiago 4:8).