Printed Pablikeson lo Taem wea Staka Information Available Online

Taem iu laek readim Bible or wanfala pablikeson blo iumi, wat nao iu iusim? Staka lo iumi no longer iusim buk or magasin, bat, iumi iusim smartphone or tablet. For sure, maet iu readim disfala article lo wanfala electronic device. Iumi hapi tumas dat olketa pablikeson blo iumi hem available lo JW Library app and lo jw.org!

Why nao iumi pablisim staka pablikeson blo iumi online? Staka Witness prefer for iusim digital format bikos hem moa convenient and hem garem additional features wea no stap lo printed copy. And nomata iumi continue for givimaot literature lo pablik ministry blo iumi, focus blo iumi distaem hem for startim conversation.

From datwan, iumi printim les than haf lo olketa pablikeson blo iumi, wea no staka nao olsem hao iumi savve duim ten years ago! Lo 2015, bifor staka pipol start for iusim JW Library for daonlodim olketa pablikeson, staka printing press blo iumi mas waka 16 hours a day. And from demand blo olketa printed pablikeson hem hae, samfala printery plan for print for 24 hours a day. Bat distaem, iumi iusim olketa printing press blo iumi for only 8 hours a day.

Ino iumi nomoa only organization wea katdaon lo printing. Olketa expert sei lo olketa recent years, printing blo olketa niuspepa and magasin hem katdaon. If namba blo pipol wea iusim olketa digital pablikeson hem continue for increase, hao, iumi still need for print? Yes! Lukim why iumi continue for printim olketa literature and hao olketa donation wea iu givim hem mekem datwan possible.

Why Nao Iumi Still Needim Printed Pablikeson?

Samfala brata and sista blo iumi depend lo olketa printed pablikeson. Lukim olketa example hia:

“Mi iusim printed pablikeson bikos hem nomoa only option for mi. Mi no fit for peim wanfala device, and even if mi peim, electricity lo area blo mifala hem unreliable, and datwan mekem hem hard for chargem olketa electronic device. So hem no practical for rely lo olketa digital pablikeson.”—Odete, Mozambique.

“Mi no garem inaf selen for peim wanfala device, and even if mi peim wanfala, olketa device wea cheap lelebet hem no savve last long and staka taem hem needim repair. Mi no savve readim eni pablikeson taem mi gohed weit for olketa repairim device blo mi.”—Linley, Malawi.

“From mifala no garem inaf selen, mi and tufala dota blo mi iusim wanfala phone nomoa. Lo olketa meeting, mifala tek turn: Wanfala iusim phone, then nara tufala iusim printed pablikeson.”—Sinine, Micronesia.

Olketa nara brata and sista savve daonlodim digital pablikeson bat olketa laekem printed pablikeson tu. Lukim olketa koment hia:

“Staka taem mi savve iusim olketa digital pablikeson. Bat taem mi prepare for olketa meeting, mi laek iusim olketa printed pablikeson. Mi laek tumas for readim and holem hard copy blo olketa pablikeson. Mi laek for haelaetim olketa main point and raetem olketa note lo saed. Mi fit for duim datwan lo digital copy, bat taem mi duim lo hard copy, hem isi for mi rememberim datfala information and applyim wat mi read abaotem.”—Márcia, Brazil.

“Mi faendem hem isi for readim printed pablikeson, hem no strainim eye blo mi olsem digital pablikeson. And tu, mi no savve gud hao for iusim electronic device. Hem no isi for mi raetem olketa note, daonlodim olketa file, and faendem information lo wanfala device.”—Selina, Mozambique.

“Mi savve iusim phone blo mi and computer full day. Bat taem mi laek for spendem quality taem witim Jehovah, mi prefer for iusim olketa printed pablikeson instead for iusim device blo mi. Datwan mekem mi concentrate taem mi read and no eni notification for disturbim mi.”—Guillaume, Canada.

“During first conversation witim samwan lo ministry, hem no evritaem isi for askem contact information blo hem for sendem wanfala digital pablikeson. Staka taem printed copy nao hem isi for givim. And tu, mifala preach lo olketa area wea danger tumas, so lo olketa ples olsem, mifala no iusim tumas electronic device.”—Wanfala circuit overseer lo South America.

Wat nao organization duim for helpem olketa brata and sista wea laek for iusim olketa printed pablikeson?

Provaedem wat olketa brata and sista blo iumi needim

Lo naenfala printing branch blo iumi, olketa printing press gohed for producem olketa printed pablikeson. During 2025 service year, iumi printim ova 1.5 billion literature, includim ova 3 million Bible, ova 18 million buk, and ova 941 million tract and invitation. Iumi spendem moa than $35 milliona for printim olketa pablikeson hia. And tu, lo last thri years, iumi spendem samting olsem $10 million for updatem printing and binding equipment blo iumi.

For iusim wise lo olketa donated funds, iumi printim nomoa wat olketa brata and sista bae iusim. Olsem iumi storyim finis, taem iumi continue for givimaot literature, focus blo iumi distaem hem for startim conversation. So lo last 10 years, iumi reducim namba blo olketa printed Wekap! magasin for each pablisa from 86 per year to just 11 per year. And from distaem staka Witness iusim olketa contact card evritaem, iumi pablisim klosap thri taems moa lo staka contact card olsem iumi duim bifor 2020.

“God Barava Kea for Evriwan”

Olketa brata and sista blo iumi hapi dat iumi continue for printim olketa pablikeson. Ricardo, lo Brazil hem sei: “Mi feel praod dat mi blo wanfala loving organization wea mek sure spiritual kaikai hem available for evriwan, even for olketa wea no able for daonlodim olketa digital pablikeson. Diswan allowim ‘eniwan wea thirsty and ‘eniwan wea laekem’ for lanem truth wea savve sevem laef blo man.” (Revelation 22:17) Bernard, lo Tahiti hem sei: “Mi appreciatim tumas olketa printed pablikeson blo iumi. Diswan showim love, wisdom, and wei wea organization blo Jehovah hem reasonable, for mek sure dat evriwan wea young or old, rich or poor savve herem gud nius abaotem Kingdom. Diswan barava showim dat God hem concern abaotem each person.”

Andréia, from Brazil, hem hapi tumas for savve dat olketa donation wea hem givim hem help for printim olketa pablikeson. Hem sei: “Organization blo iumi iusim selen, taem, talent, and effort for printim olketa pablikeson for olketa wea no savve accessim olketa digital pablikeson. Diswan convincim mi dat God barava kea for evriwan. Even if olketa iusim donation blo mi for printim nomoa olketa pablikeson, bae mi still hapi for give.”

Mifala barava appreciatim olketa donation blo iufala, includim olketa donation wea iufala givim lo donate.jw.org. Diswan allowim mifala for continue printim olketa pablikeson for olketa wea needim or laekem.