Wat Nao Bible Talem Abaotem Dinosaur?

Ansa from Bible

No enitaem Bible story abaotem dinosaur. Bat, Bible talem dat God nao “creatim evri samting,” so hem klia olketa dinosaur tu hem among olketa tings wea God wakem.a (Revelation 4:​11) Bible no story specific abaotem olketa dinosaur, bat hem tok abaotem difren grup blo olketa animal wea maet olketa tu include insaed:

• “Olketa bigfala animal wea stap lo sea,” or “olketa monster.”​—Genesis 1:​21; New American Bible.

• ‘Olketa animal wea savve krol lo graon.’​—Genesis 1:​25.

• ‘Olketa wild animal.’​—Genesis 1:​25.

Hao olketa dinosaur evolve from olketa nara animal?

Fossil blo dinosaur wea pipol faendem showim dat dinosaur no evolve from nara animal olsem evolution hem teachim. Diswan hem stret witim wat Bible talem wea showim God nao creatim evri animal. For example, Psalm 146:6 storyim God “hem Man wea Wakem skae and earth, and sea, and evri samting wea stap insaed lo olketa.”

Wat taem nao olketa dinosaur laef?

Bible talem dat God wakem sea and olketa animal lo land lo mek faev and six day wea hem wakem olketa samting.b (Genesis 1:​20-​25, 31) So, hem savve minim olketa dinosaur laef for longtaem lo disfala earth bifor.

Hao, Behemoth and Leviathan nao dinosaur?

Nomoa. Nomata buk blo Job no talem stret wat kaen animal nao olketa hia, staka taem hem savve kolem Behemoth for hippopotamus and Leviathan for crocodile. Identification blo olketa animal hia hem match witim description blo olketa animal wea olketa Scripture hia storyim. (Job 40:15-​23; 41:​1, 14-​17, 31) From datwan, olketa term hia “Behemoth” and “Leviathan” no refer lo dinosaur. God talem Job for lukluk gud lo wei blo olketa animal hia, and lo taem blo Job, olketa dinosaur lus longtaem finis.​—Job 40:16; 41:8.

Wat nao happen lo olketa dinosaur?

Bible no talem eniting abaotem wat nao mekem olketa dinosaur disappear. Bat hem storyim dat God creatim evri samting “bikos lo will blo [Hem],” so God garem purpose for wakem olketa dinosaur. (Revelation 4:​11) Taem datfala purpose fulfill, God allowim olketa dinosaur for disappear.