Wat Nao Tufala Reason Why God Rejectim Samfala Prea?

Ansa from Bible

Samfala prea God no savve ansarem. Tingim tufala reason wea savve mekem God for ignorem prea blo wanfala person.

1. Prea wea no followim will blo God

God no ansarem olketa prea wea no followim will blo hem, or standard blo hem, wea Bible storyim. (1 John 5:14) For example, Bible storyim dat iumi shud avoidim wei for greedy. Gambling hem promotim wei for greedy. (1 Corinthians 6:​9, 10) So, God bae no ansarem prea blo iu if iu prea mekem iu winim lottery. God hem no wanfala magic wea taem man talem hem for duim samting hem duim nao. Really, iu hapi hem no olsem. Bikos if nomoa, maet bae iu fraetem wat olketa narawan askem God for duim.—James 4:3.

2. Man wea prea no obeyim God

God no lisin lo olketa man wea laek for mekem hem feel nogud lo wat olketa duim. For example, God talem olketa wea sei olketa worshipim hem bat duim wat hem no laekem. Hem sei: “Nomata iufala talem staka prea, Mi bae no lisin. Hand blo iufala fulap lo blood.” (Isaiah 1:15) Bat if olketa changem wei blo olketa and “stretem olketa samting” witim God, then hem savve herem olketa taem olketa prea.—Isaiah 1:18.