Olketa Fishing Net lo Taem blo Bible

Pipol wea readim Bible savve dat samfala follower blo Jesus olketa fisherman. (Mark 1:​16-20) Olketa savve iusim olketa net taem olketa savve go fishing lo Sea blo Galilee.

Olketa wakem olketa fishing net lo rope or linen thread wea olketa weavim for kamap wanfala net. Size blo hol lo olketa net hia hem depend lo wat kaen fish nao olketa laek for catchim. Staka taem olketa smol net hem garem led or ston weight for mekem net hem sink, bat olketa big dragnet garem olketa weight lo botom, and lo top hem garem olketa floater wea olketa wakem lo wood.

Olketa fishing net hem expensive. Olketa ston lo botom sea savve brekem olketa net or hem savve brek from hevi blo staka fish. (Luke 5:6) Bible storyim James and John “gohed fixim olketa net blo olketa,” maet tufala iusim needle and linen thread for duim datwan. (Matt. 4:21) Olketa fisherman savve repairim net blo olketa afta each taem wea olketa iusim. Luke storyim tu dat olketa fisherman savve “wasim olketa net blo olketa” for aotem sand or eni rabis wea pas lo hem. (Luke 5:2) Bihaen, olketa bae hangem olketa net hia for hem drae, maet for hem no rotten.—Ezek. 47:10.

Jesus invaetem olketa man wea savve hao for iusim olketa fishing net for “fishing for kasem olketa man.”