Manaen—Putim Olketa Spiritual Samting First lo Laef

Manaen hem wanfala lo olketa brata wea lead lo kongregeson lo Antioch lo first-century. Hem “skul witim Herod datfala distrik ruler.” (Acts 13:1) So Manaen hem kasem hae education and maet hem growap insaed wanfala rich famili.

Nomata Manaen kam from datfala baekgraon, hem chus for kamap wanfala Christian and sapotim kongregeson. Hem no iusim education baekgraon blo hem or connection blo hem witim pipol wea garem paoa for benefitim hemseleva. Bat, hem waka hard for helpem olketa nara brata and sista.

Example blo Manaen showim dat wei for worshipim Jehovah hem moa important winim for kasem bignem lo disfala world. Olsem Manaen, iumi tu shud mekem olketa spiritual activity hem priority winim for aftarem olketa samting lo disfala world. (Matt. 6:33) And tu, nomata iumi tinghae lo education, iumi laek for “luksavve lo olketa samting wea moa important,” and mek sure olketa nara samting iumi duim hem no distractim iumi from worship blo iumi for Jehovah.—Phil. 1:​9, 10.