Hem Buildim Bak Datfala Wall

NEHEMIAH stap lo Shushan wanfala city blo Persia, bat hem tingim tumas Jerusalem, bikos hem city wea temple blo Jehovah stap. For staka year finis, olketa lo Babylon tekovarem Jerusalem, and tekem olketa Jew for kamap prisoner. Gogo, olketa kamap free and go bak lo Jerusalem. Nomata olsem, pure worship still no kamap strong lo Jerusalem and staka pipol no laek for stap lo there bikos olketa wall blo datfala city hem still nogud. Lo datfala taem, eni city wea no garem wall for protectim, hem no sef.

Nehemiah garem hae position lo gavman blo Persia anda lo rul blo King Artaxerxes, and hem wanfala man wea pipol tinghae lo hem. Bat samting wea moa important, Nehemiah hem wanfala loyal servant blo Jehovah. Wanday, wanfala lo olketa brata blo Nehemiah visit kam and storyim nius abaotem “nogud situation” lo Jerusalem. Hem storyim hao olketa wall lo there still nogud and “datwan hem shameful samting.”

Nehemiah hem sorre tumas. Hem sei: “Mi sidaon and start for krae and sorre for staka day.” Hem prea lo Jehovah and begim hem for tingim pipol blo Hem and for helpem olketa. Then taem Nehemiah go for givim wine lo King Artaxerxes, king askem hem why hem luk sorre tumas. Nehemiah hem fraet bat hem talem lo king wat hem happen. Hem story lo king abaotem nogud situation wea kamap lo Jerusalem. So Artaxerxes askem Nehemiah wat hem laekem. Nehemiah sei: “Semtaem nomoa mi prea lo God wea rul lo heven.” Then hem talem datfala maeti ruler dat hem laek for lusim waka blo hem for samfala taem, and go bak lo Jerusalem for help for buildim bak olketa wall and gate blo datfala city. King duim evri samting wea Nehemiah askem.

Nehemiah hem go lo Jerusalem, datfala journey hem barava long and dangerous tumas. Taem hem arrive, hem go for inspectim olketa wall blo datfala city lo naet. Then hem organizem olketa pipol for olketa savve waka tugeta for buildim bak olketa wall and gate. Hem showim gud example taem hemseleva tu help for waka. Staka pipol nao waka, includim tu olketa wea rich and garem hae position, olketa man for wakem olketa samting from gold, and even olketa leader tu. Wanfala lo olketa leader hia tekem kam olketa dota blo hem for waka.

Staka enemy blo olketa Jew no laek for lukim Jerusalem kamap wanfala city wea sef and paoaful. Lo firstaem, olketa mekfani and tok spoelem olketa Jew. Wanfala lo olketa wea againstim olketa Jew sei, nomata wanfala fox savve foldaonem datfala wall ston wea Nehemiah and olketa pipol blo hem buildim. Nehemiah ignorem olketa and gohed encouragem pipol blo hem for gohed waka.

Then opposition hem worse moa. Taem olketa finisim haf lo height blo full wall, olketa enemy plan for kam from evri direction for attakim olketa. Bat Nehemiah duim samting for protectim datfala city. Hem mekem nara haf blo olketa wea waka for standap olsem security witim olketa weapon, taem nara haf gohed waka lo datfala wall. Taem olketa enemy lukim datwan, olketa disaed for no attakim datfala city witim weapon. Nomata olsem, olketa enemy no givap.

Then olketa threatenim Nehemiah dat olketa enemy bae kam for killim hem dae, and olketa sei hem shud go haed insaed lo holy temple blo Jehovah, wea datwan brekem law blo God. Nehemiah no laek duim datwan. Hem sei: “Hard tumas for mi ranawe!” Hem gohed for waka bikos hem savve olketa Jew duim wat Jehovah laekem and Hem sapotim olketa. And datwan hem tru, bikos insaed 52 days nomoa, datfala wall hem complete and evri enemy blo olketa Jew barava shame nao.

Distaem Nehemiah needim courage for deal moa witim own pipol blo hem. Hem mas leadim olketa and helpem olketa for worshipim Jehovah lo wei wea hem acceptim. For example, Nehemiah no fraet for tok stret lo olketa wea rich wea givim kaon lo olketa wea poor and demandim hae interest from olketa. Bihaen, hem no fraet for kaonselem samfala wea disobeyim Jehovah taem olketa maritim olketa foreign woman wea datwan againstim law blo God.

Then wantaem, olketa pipol discourage bikos lo olketa own mistek and sin blo olketa, Nehemiah talem wanfala truth wea comfortim olketa. Hem sei: “Hapi wea Jehovah givim iufala hem mekem iufala strong.” Nehemiah savve hao wei for worshipim datfala hapi God hem mekem man for barava satisfae. No eni strong wall or strong ples for haed hem winim datwan. Distaem tu, Jehovah givim datfala sem hapi for olketa servant blo hem mekem olketa gohed garem courage.

Readim story hia lo Bible:

• Nehemiah 1:1–6:19; 8:​1-18; 13:​23-31

For discussim:

Lo olketa wanem wei nao Nehemiah showim hem no fraet?

Dig Go Moa

1. 1. Wat nao waka blo Nehemiah taem hem waka olsem man for lukaftarem wine blo king? (w10 7/1 9 ¶5-7-wcgr) A

   Ansa blo iu

   

   © The Bridgeman Art Library International

2. 2. Hao nao olketa dota blo Shallum difren from olketa bigman blo olketa Tekoite? (Neh. 3:​5, 12; w19.10 23 ¶11)

   Ansa blo iu

3. 3. Hao nao olketa wea karem olketa hevi load savve “duim datfala waka lo wan hand and lo nara hand olketa holem olketa weapon”? (Neh. 4:​17, 18; w06 2/1 29 ¶1) B

   Ansa blo iu

   

4. 4. Why nao Nehemiah warim samfala Jew pikinini wea no savve story lo Hebrew languis? (Neh. 13:​23-27; w16.10 14 ¶4)

   Ansa blo iu

Ting Raonem Hao Leson Hia Helpem Iu

• Hao nao olketa elder savve followim example blo Nehemiah lo wei for:

  • depend lo Jehovah? (Neh. 1:​4-11; 4:14; 13:​1-3)

    Ansa blo iu

  • barava laek for waka tugeta witim olketa brata and sista? (Neh. 4:​15, 21-23)

    Ansa blo iu

  • willing for lisin lo olketa narawan lo kongregeson? (Neh. 5:​1-7) C

    Ansa blo iu

    

• Hao nao example blo Nehemiah teachim iumi abaotem blessing wea iumi savve kasem taem iumi sakrifaesim comfortable laef blo iumi for duim moa samting for Jehovah?

  Ansa blo iu

• Wanem nao olketa nara wei wea iu savve followim example blo Nehemiah lo wei for garem courage?

  Ansa blo iu

Ting Raonem Wei blo Jehovah and Purpose blo Hem

• Wat nao disfala story teachim mi abaotem Jehovah?

  Ansa blo iu

• Hao nao disfala story hem join witim olketa purpose blo Jehovah?

  Ansa blo iu

• Wat nao mi laek for askem lo Nehemiah taem hem resurrect?

  Ansa blo iu

Lanem Moa Samting

Wat nao iumi lanem from Nehemiah abaotem hao prea savve helpem iumi?

“God Ansarem Prea Bilong Hem” (Web series “Olketa Bible Study Leson”)

Lo disfala video, lukim hao Nehemiah garem courage taem olketa enemy gohed againstim hem.

Nehemiah: “Hapi wea Jehovah Givim Bae Strongim Iufala”—Part I—Excerpt (5:22)