Vomwe viri mu chigawo 1

Baibolo inkuyamba na kufotokoza va chilengedwe ndipo mwevi vitithandiza kutembeja vinthu vokhuza vomwe Yahova adalenga vakudzulu komasoti vapadziko yapasi. Peno ndimwe m’beleki thandizani wana wanu kuti akwanise kuzindikira mpfundo yakuti Mulungu adalenga vinthu vodabwisa vosiyanasiyana. Fotokozani kuti Mulungu adatilenga wanthu ise mwapadzulu kusiyana na vinyama. Adatilenga kuti timbakwanise kukonza vinthu, kuyankhula, kuganiza, kuimba komasoti kupemphera. Muthandizeni pomwe kudziwa kuti Yahova anamphanvu, nzeru komasoti chikondi. Ndipo akonda volengewa vake kuphatanidzapo isepano aliyese payekha.