Mibvunzo yochokera kwa owerenga

Ko nilini pomwe chilengezo cha “ntendere na chitetezo” chidzaperekewe?

Ninge momwe tidawonera manjemanjeapa mu nkhani ya “Mibvunzo yochokera kwa owerenga” ya mu Ntsanja ya Olondaa. Manjemanje Yahova adzayikhe mapulani m’mitima mwa “nyanga 10” panango kuti maboma yandale. Adzapereke mphanvu na ulamuliro kwa “chilombo chifuwira” chomwe chinkuimira Nações Unidas. Chilombo mwichi chichemerewa kuti “chifaniziro cha chilombo.” (Chiv. 13:14, 15; 17:3, 16, 17) Patsogolo pake “nyanga 10”na chilombo chomwe chidzatambire mphanvu kuchokera kwa iwo, vidzadzonge vipembedzo vose vabodza padziko yose yapasi. Koma Ko nilini pomwe chilengezo cha “ntendere na chitetezo” chidzaperekewe? Ko vidzachitike Yahova b akalibe kudzonga vipembedzo vabodza panango patsogolo pake?—1 Ates. 5:3.

Ndawiro ni wakuti; tinkudziwalini bwinobwino nthawe chaiyo yomwe makhaindi ya wanthu yadzalengeze va “ntendere na chitetezo”. Sembe kuti tidziwa vizinji va nkhani mwiyi, tidakakhalalini tcheru. Koma Yesu adauza opfunzira wake kuti “khalani maso.” (Mat. 24:42; 25:13; 26:41) Manje naboni tiwone mpfundo zinango zomwe ntumi Paulo adanena.

Paulo adanemba kuti: Akadzandonena kuti: “Ntendere na chitetezo!” nthawe mwiyoletu adzadzongewe. (1 Ates. 5:2, 3) Mpakana manjeuno vofalisa vathu, vinena kuti chilengezo cha “ntendere na chitetezo” chidzachitike chisautso chikulu chikalibe chachitika. Koma chomwe chidzayambe ni kudzongewa kwa Babulo Nkulu vomwe vinkutanthauza kudzongewa kwa vipembedzo vose vabodza. Tinena pomwe kuti akadzalengeza va “ntendere na chitetezo” ni pomwe tidzawone kuti chisautso chikulu chakhala pang’ono kuyamba.

Koma tinkudziwalini bwinobwino nthawe chaiyo yomwe makhaindi ya wanthu yadzalengeze va “ntendere na chitetezo”. Komasoti “chilengezo cha ntendere” chidzaperekewe patsogolo pakuti vipembedzo vose vabodza vadzongewa. Ndawa chani? Naboni tiwone vifukwa vinango.

Ko chipembedzo chabodza chithandizira tani kungenerera nkhani zandale padziko yapasi? Baibolo inena kuti: “Hule ikulu”, Babulo Nkulu adagumanika magazi. . . ya wose omwe adaphewa padziko yapasi.” (Chiv. 17:1, 5; 18:24) Kuyambira kalekale vipembedzo vabodza, vakhala vinkulimbikisa nkhondo ndipo vakhala vinkuyambisa pomwe vauchigananga osati ntendere. Vimwivi vititsimikizira kuti adzalengeze va “ntendere na chitetezo” pokhapokha peno Babulo Nkulu wadzongewa. Ndipo vimwivi vitichitisa kukhala na bvunzo wakuti: Ko chilengezo cha ntendere na chitetezo, chidzaperekewe pokhapokha Babulo Nkulu akadzadzongewa? Panango koma tikutsimikiziralini vimwivi.

Ko chidzachitike ni chani akandodzalengeza va “ntendere na chitetezo”? Ntumi Paulo adanena kuti: “Nthawe mwiyoletu adzadzongewe” (1 Ates. 5:3) Ndipomwapa vinkuwonesa kuti atsogoleri wadziko adzalengeze va “ntendere na chitetezo,”patsogolo pake chipembedzo chabodza chidzadzongewe.

Vomwe atumiki wa Yahova adzachite vimwivi vikadzachitika Paulo adalewa kuti: “Koma imwepo abale mulilini mumdima kuti ntsiku mwiyo idzakudzidzimuseni ninge momwe mbava zidzidzimukira zikachenedwa.” (1 Ates. 5:4) Peno chilengezo cha “mtendere na chitetezo “chidzaperekewe patsogolo pa kudzongewa kwa chipembedzo chabodza, wanthu wa Yahova adzadziwe kuti kudzongewa kwa maboma ya ndale kwafendera. Ndipo maboma ya ndale mwaya idzawafikire modzidzimusa.

Ko manje tikudziwa chani? Tikudziwa kuti manjemanje “nyanga 10” na chilombo chomwe chidzatambire mphanvu kuchokera kwa nyanga mwiyo, chidzadzonge chipembedzo chabodza. Kumuku kudzakhale kuyamba kwa chisautso chikulu. Tikudziwa kuti chamanjemanje alengeze va “ntendere na chitetezo”. Ko nilini pomwe vimwivi vidzachitike? Naboni tione vinthu viwiri ivi: Choyamba ni chakuti: Vingachitike kuti chilengezo mwichi chidzaperekewe vikanati vadzongewa vipembedzo vabodza. Chachiwiri ni chakuti: Vingachitike pomwe kuti angadzalengeze panthawe yakuti vipembedzo vabodza vadzongewa kale.. Isepano tifunika kudikhira kuti tidzaone vomwe vidzachitike. Nthawe zizinji mapolomisi ya m’Baibolo yakakwanirisika ni pomwe tikwanisa kuyabvesa bwino.—Onani pomwe Yohani 12:16.

Koma chofunika maninge kwa isepano sikuti ni panthawe yomwe maboma adzalengeze va “ntendere na chitetezo” koma chofunika maninge nikukhulupirika kwathu kwa Yahova. “Koma tipitirize kukhala maso ndipo tipitirize kukhala oganiza bwino” kuti tikhale tikonzekere bwino viribe basa momwe mapolomisi yadzakwanirisikire kutsogolo.—1 Ates. 5:6.