Ganizirani mpfundo zikuluzikulu

Ko imwepo mudashupikako kale kukumbukira vomwe mwenze mudandomaliza kupfunzira? Nthawe zinango vimwevi vichitikirambo tose isepano. Ko nchani chomwe chingatithandize? Ni kuganizira mpfundo zikuluzikulu.

Pomwe munkupfunzira mumbaime pang’ono kuti mumbanembe mpfundo zofunika maninge. Onani momwe ntumi Paulo adathandizira wale omwe ambawanembera kalata yake kuchita vimwevi, pomwe iye adanemba kuti: ‘Pamwapa mpfundo ikulu ni iyi.’ (Aheb. 8:1) Na mawu mwaya iye adathandiza obvera wake kutewedza mpfundo zake zikuluzikulu na kuzindikira momwe mpfundo iriyose inkubveranirana na msolo.

Imwepo mungapatule nthawe panango 10 minutu pomwe mwamaliza pfunziro yanu kuti muganizire mpfundo zikuluzikulu zomwe mwapfunzira. Peno imwepo munkukwanisalini kuzikumbukira, onani pomwe tumisolo tung’onotung’ono panango mawu yoyambirira ya ndime kuti mukumbukire. Panango imwepo mwapfunzira vinthu vinyowani, yesani kuvifotokoza m’mawu yanuyanu. Mukambakumbukira mpfundo zikuluzikulu, vidzakuthandizeni kuona momwe nkhani mweyo inkubveranirana na moyo wanu.