Thandizani wanthu kugumana mpfundo zikulu-zikulu

Aheberi 8:1

MPFUNDO IKULU: Athandizeni wobvera kukutewerani pomwe munkukamba nkhani yanu, nakuti ambawone momwe mpfundo iliyose inkubveranirana na msolo wa nkhani.

MOMWE MUNGACHITIRE VIMWEVI:

• Mumbakhale na cholinga. Ko cholinga chanu ni kudziwisa, kutsimikizira panango kulimbikisa wanthu? Mumbaganizire vimwevi mukambakonzekera nkhani yanu, ndipo mumbawone peno mpfundo zose zikuthandizeni kukwanirisa cholinga chanu.

• Mumbatsindike msolo wa nkhani yanu. Nkati mwa nkhani yanu mumbabwerezere mawu ya mu msolo wa nkhani, panango kulewa yanango yolingana nayo thandawuzo.

• Bvekesani mpfundo zikulu-zikulu munjira yosashupa kubva. Mumbasalule mpfundo zikulu-zikulu zomwe zinkubverana na msolo wa nkhani zomwe mungakwanise kuzifotokoza bwinobwino osadya nthawe. Ayi kumbasalula mpfundo zikulu-zikulu zizinji. Mumbanene mpfundo iliyose mobveka. Mumbapume mukachoka pa mpfundo inango, kuyenda inango kuti muleke kusiya wanthu m’malere.