Momwe tingaphatisire basa vitsanzo va ulaliki

Kundochokera mu Janeiro 2018, vitsanzo va ulaliki vakhala vinkubwera pa khava ya Utumiki na moyo wathu wachikhrisitu—Ndandanda ya misonkhano. Ko mungaviphatisire tani basa?

Mukambachita chitsanzo: Mbvunzo, lemba na mbvunzo wosiyira ulendo wobwereza, mungaviphatisire basa pachitsanzo. Koma sikuti nthawe zose mungachite kutomoleratu ndendende ninge mwayalewera vidiyo. Imwepo mungasiyanise mawu yofika nayo, mibvunzo na vinango. Mungagawire pomwe bukhu iliyose yophatisiwa basa pakupfunzisa, podiya kuti pa vitsanzo va ulaliki palibe.

Mukakhala mu umboni: Vitsanzo va ulaliki vichakonzewa kuti tindowona poyambira. Peno munthu wawonesa chidwi ndipo achada kudziwa vizinji, mungapitirize kucheza, panango pophatisa basa nkhani yomwe iri mu ulendo wobwereza. Imwepo mungavikonzeko munango-munango vitsanzo va ulaliki, olo panango kuvichinjiratu. Ko nkhani yomwe iri mu utumiki wa mwezi wapera, ndiyo ingafike pamoyo wanthu wamudera yanu? Ko wanthu wamudera yanu achachita chidwi na nkhani za manje-manje? Imwepo mungaphatise basa vitsanzo va ulaliki mu njira zakusiyana-siyana, koma mumbachite vimwevi na chakulinga chakuti ‘muchite vinthu vose ndawa ya ntontholo wabwino, kuti muwugawireko kwa anango.’—1Ak 9:22, 23.