Imwepo mungakwanise kulalikira na kupfunzisa!

Mose yambe na yambe padapasiwa basa na Yahova, angawona kuti angakwaniselini. (Eks 4:10, 13) Ko imwepo nthawe zinango muchabvambo tene? Ko imwepo munkupfunzira Baibolo na wa Mboni za Yahova? Ko muchabva mantha kuti peno mungakwanise kulalikira muyi na muyi? Panango, ndimwe muluno ndipo munamantha na kulalikira anzanu wa kushikola. Olo panango muchagopa kulalikira na anzanu pafoni panango njira zinango zolalikilira. Peno nteno mukumbireni Yahova kuti akupaseni mphanvu yake ya mzimu wakuchena. (1Pe 4:11) Tsimikizirani kuti Yahova adzakuthandizeni pa basa yomwe wakupasani.—Eks 4:11, 12.

NYANG’ANIRANI VIDIYO YAKUTI KHALANI WOLIMBA MOYO . . . WOFALISA, NDIPO IKAPERA DAWIRANI MIBVUNZO AYA:

• Ko mulongo Aoyama adagumana na bvuto iponi?

• Ko nchani chidamuthandiza kukhala wamphanvu na wolimba moyo?—Yer 20:7-9

• Ko iye adaphindula tani ndawa ya kulalikira mwakhama?

• Ko ni mabvuto yaponi ya mu umboni yomwe Yahova angakuthandizeni kugwebana nayo?