Momwe tingaphatisire basa tumapepa pakuyamba macheza

Kundoyambira mu Janeiro 2018, khava ya Utumiki na moyo wathu wachikhrisitu inkubwera na malangizo ya momwe tingayambire macheza muumboni. Malangizo mwaya yachatithandiza kuti timbacheze na wanthu, osati kumbandopereka mabukhu. Pakuthandiza wofalisa kuyambisa macheza pakundophatisa basa Baibolo chabe, padakonzewa mavidiyo ya vitsanzo. Ko vimwevi vinkuthandawuza kuti tileke kuphatisira basa mabukhu muumboni? Neye. Mwakulinganiza, tumapepa twathu ntwabwino kuyambira macheza. Tingatuphatisire basa munjira izi:

1. Mubvunzeni mbvunzo wapakhava.

2. Muwoneseni m’dawiro wa m’Baibolo pophatisira basa lemba ilinkati mwa kapepa. Peno munthuyo anampata, mungamulewengere na kucheza naye nkhani zinango ziri pakapepa.

3. Mupaseni kapepa munichiro muyi, ndipo mulimbikiseni kuti alewenge mbali yasala akagumana mpata.

4. Mukalibe mwayenda, muwoneseni mbvunzo pa kamsolo kakuti “Yambani mwakumbuka” ndipo panganani nthawe yati mudzamuwonese m’dawiro wa m’Baibolo.

Pa ulendo wobwereza, muwoneseni m’dawiro ndipo siyani mbvunzo munango kuti mudzakambirane. Mungachite mbvunzo womwe uli pa webusaiti ya jw.org panango wa mubukhu yowonesewa kumamaliziro kwa kapepa. Peno n’vokwanisika, muwoneseni kabulosha ka Ntontholo wabwino wochokera kwa Mulungu panango bukhu iliyose yatichaphatisa basa pakupfunzisa.