Hoseya
3 Patsogolo pake Yahova adaniuza kuti: “Yenda ukayambe pomwe kukonda nkazi yemwe akukondewa na mwamuna munango ndipo ankuchita chigololo. Ukamukonde ninge momwe Yahova akondera Aizirayeli, podiya kuti iwo atumikira milungu yanango komasoti akonda mabolo* yokonzewa na uva woyuma.”
2 Pamwapo nidagula nkazi muyo na kobiri za siliva 15 komasoti balere wokwana mpimo ubodzi na hafu wa homeri.* 3 Pamwapo nidamuuza kuti: “Ukhale wangu kwa ntsiku zizinji. Ayi kuchita uhule* ndipo ayi kugona na mwamuna munango. Ndipo inembo nigonenawelini.”
4 Vikhale teneuyu ndawa yakuti kwa nthawe itali* Aizirayeli adzakhale alibe mpfumu, owatsogolera, ntsembe, chipilala chopatulika, efodi na vifaniziro va aterafi.* 5 Patsogolo pake Aizirayeli adzabwerere nkuyamba kufagafaga Yahova Mulungu wawo na Davide mpfumu yawo. Iwo adzabwerere kwa Yahova ankunjenjemera ndipo adzafagefage ubwino wake mu ntsiku zomalizira.