Programa di Reunion di Sirbishi

Siman di 14 di Yanüari

Kantika 3

10 min: Anunsionan lokal. Anunsio selektá for di Nos Ministerio di Reino. Konsiderá e kuadro “Saka Mayor Probecho dje Kongreso di Distrito.”

25 min: Benefisiá di Provishonnan Bondadoso. Diskurso na enkargo di un ansiano kapasitá, basá riba e boskeho di Sosiedat fechá 1 di desèmber 2001. E kongregashon mester tin sufisiente karchi di Instrukshon/Eksonerashon Médiko Delantá (IMD) i Karchi di Identifikashon (pa mucha). Publikadónan lo por haña e dokumentonan aki despues dje reunion di awenochi, pero NO mester yena nan awenochi. N’e siguiente Studio di Buki di Kongregashon lo firma i fecha e karchinan di IMD dilanti testigu, ku yudansa dje konduktor di studio di buki si ta nesesario. Esnan ku ta firma komo testigu mester realmente mira e portadó dje karchi firma esaki.

10 min: “Kiko Nos Por Bisa dje Revistanan.” Demostrashonnan kon pa presentá E Toren di Vigilansia di 15 di yanüari i e ¡Despertad! di 22 di yanüari. Animá tur publikadó pa apoyá Dia di Revista.

Kantika 55 i orashon di konklushon.

Siman di 21 di Yanüari

Kantika 104

10 min: Anunsionan lokal. Informe di kuenta. Trata e kuadro “Pone Algu un Banda.”

13 min: Bo Ta Eksaminá e Skritura Diariamente? Un konsiderashon di famia. Pa por oumentá e benefisio ku nan ta saka di konsiderá e teksto di dia, e famia ta konsiderá E Toren di Vigilansia di 15 di desèmber 1996, página 18, paragraf 13 i 14. Repasá brevemente dos òf tres teksto di dia ku a ser tratá resientemente, i splika kon e informashon a resultá di ta hopi probechoso. Enfatisá ku e provishon aki di eksaminá e Skritura diariamente lo mester ta parti di un programa regular di studio di Beibel di famia ku ta sirbi pa mantené nan spiritualmente aktivo.

22 min: “Sigui Pone e Reino Promé.”a Inkluí un par di pregunta basá riba e puntonan prinsipal di E Toren di Vigilansia di 1 di sèptèmber 1998, página 19-21.

Kantika 168 i orashon di konklushon.

Siman di 28 di Yanüari

Kantika 196

10 min: Anunsionan lokal. Kòrda publikadónan pa entregá nan rapòrt di sirbishi di fèlt di yanüari. Usando e sugerensianan na página 8, hasi dos presentashon kòrtiku, unu usando E Toren di Vigilansia di 1 di febrüari i e otro usando e Spièrta! di 8 di febrüari. Menshoná e oferta di literatura pa febrüari, i hala atenshon n’e bukinan ku e kongregashon tin na stòk.

20 min: “Mayornan, Entrená Boso Yunan for di Infansia.”b Inkluí komentarionan for di E Toren di Vigilansia di 15 di aprel 1998, página 32. Invitá mayornan pa relatá e bon resultadonan ku nan a logra dor di kuminsá ku e entrenamentu spiritual di nan yunan for di infansia.

15 min: Nesesidat lokal. Invitá publikadónan pa relatá eksperensianan ku nan tabatin ora nan a sea usa e buki Razonamentu, ofresé foyetonan spesífiko pa kontestá pregunta dje hendenan òf duna konsuelo bíbliko for dje foyeto Ora un Persona Stimá Muri. Podisé por tene un demostrashon di un òf dos dje eksperensianan.

Kantika 202 i orashon di konklushon.

Siman di 4 di Febrüari

Kantika 212

8 min: Anunsionan lokal.

17 min: “Kon Nan Lo Tende?”c Laga e ouditorio komentá riba kon e tekstonan bíbliko ta apliká. Inkluí pregunta basá riba paragraf 17 i 18 di E Toren di Vigilansia di 15 di ougùstùs 1998, página 20.

20 min: “Presentashonnan Sugerí pa Sirbishi di Fèlt.” Konsiderashon ku ouditorio na enkargo dje superintendente di sirbishi. E suplemento aki ta kontené presentashonnan sugerí ku a sali den edishonnan anterior di Nos Ministerio di Reino, huntu ku algun presentashon nobo. Por usa e liñanan bashí pa skirbi otro sugerensianan ku sali den futuro i ku ta duna bon resultado den e teritorio lokal. Invitá ouditorio pa bisa kua presentashon nan a gusta mas i di kon. Demostrá un òf dos ku por usa ku e oferta di literatura di febrüari. Animá tur publikadó pa warda e suplemento aki i repas’é ku frekuensia ora nan ta prepará pa e ministerio.

Kantika 224 i orashon di konklushon.

[Footnotes]